മലയാളി സിനിമാ ആരാധകർക്ക് ഏറെ സുപരിചിതയായി മാറിയ നടിയാണ് അതിഥി രവി. മോഡലിംഗ് രംഗത്ത് നിന്നും കരിയർ ആരംഭിച്ച താരം നിരവധി പരസ്യ ചിത്രങ്ങളും ചെയ്തിട്ടുണ്ട്. സജി സുരേന്ദ്രന്റെ സംവിധാനത്തിൽ 2014 ൽ പുറത്തിറങ്ങിയ ആംഗ്രി ബേബീസ് ഇൻ ലവ് എന്ന ചിത്രത്തിലൂടെയാണ് അതിഥി രവി മലയാള സിനിമ രംഗത്ത് അരങ്ങേറ്റം കുറിച്ചത്.
അതേ സമയം 2017 ൽ പുറത്തിറങ്ങിയ അലമാര എന്ന ചിത്രത്തിലാണ് ആദ്യമായി താരം നായികയായത്. സണ്ണി വെയിൻ ആയിരുന്നു ചിത്രത്തിലെ നായകൻ. ഇന്ന് അതിഥി മലയാളത്തിലെ അറിയപ്പെടുന്ന മുൻനിര യുവ നായികമാരിൽ ഒരാളാണ് അതിഥി രവി.
സിനിമയിൽ പ്രവേശിക്കുന്ന ഏതൊരു താരത്തിനും തന്റെ കരിയറിന്റെ ആദ്യ ഘട്ടങ്ങൾ പ്രയാസം നിറഞ്ഞത് ആയിരിക്കും. അതിഥിയുടെ കാര്യത്തിലും അങ്ങനെ തന്നെയായിരുന്നു. താരത്തിന്റെ ആദ്യത്തെ ചിത്രം ഒരു തീയറ്റർ ഹിറ്റ് ആയിരുന്നില്ലെന്നും ഹിറ്റുകൾ മാത്രം പ്രതീക്ഷിക്കുന്ന ഒരു താരമല്ല താനെന്നും തുറന്നു പറയുകയാണ് അഥിതി രവി ഇപ്പോൾ.
കൗമുദി മൂവീസിന് നൽകിയ അഭിമുഖത്തിൽ ആിരുന്നു തന്റെ സിനിമ ജീവിതത്തിലെ വിജയ പരാജയങ്ങളെ കുറിച്ച് താരം വെളിപ്പെടുത്തിയത്. എനിക്ക് ഇഷ്ടവും ഈ അപ്സ് ആൻഡ് ഡൗൺസ് ഉള്ളതാണ്. എങ്കിലേ ലൈഫ് ആവുകയുള്ളൂ. എന്റെ ആദ്യത്തെ സിനിമയും ഒരു തിയേറ്റർ ഹിറ്റായിരുന്നില്ല.
എന്താണ് വിജയമെന്നൊന്നും ഞാൻ കണ്ടിട്ടില്ല. തോൽവി ഞാൻ കണ്ടിട്ടുമുണ്ട്. അതുപോലെ പല സിനിമ കളും പറഞ്ഞത് പിന്നീട് മാറിയിട്ടുണ്ട്. ഒരു കുത്തനെ പോകുന്ന ഗ്രാഫ് ഒന്നും അല്ലായിരുന്നു എന്റേത്. ഇപ്പോഴും അപ്സ് ആൻഡ് ഡൗൺസൊക്കെ സ്വീകരിക്കാൻ അറിയാവുന്ന ആളാണ് ഞാൻ.
എനിക്ക് അത് തന്നെയാണ് ഇഷ്ടവും. ബാക്ക് ടു ബാക്ക് ഹിറ്റ് മാത്രമേ ഉള്ളൂ, എന്നതിനോട് പേഴ്സണലി വലിയ താൽപര്യമില്ല. അങ്ങനെ പോകുന്തോറും ചെറിയ ഒരു ഡൗൺ പോലും നമ്മളെ വല്ലാതെ ബാധിക്കുന്ന ഒരു കാലഘട്ടമാണിത്. നമ്മൾ അത്ര സ്ട്രോങ് ആവില്ലെന്നും അതിഥി രവി പറയുന്നു.
അതേ സമയം പരസ്യ ചിത്രങ്ങളിൽ കരിയർ ആരംഭിച്ച അതിഥി ഇപ്പോഴും സജീവമായി പരസ്യ ചിത്രങ്ങളിൽ അഭിനയിക്കുന്നുണ്ട്. പരസ്യത്തിൽ അഭിനയിക്കുമ്പോഴും വേദനിപ്പിക്കുന്ന അനുഭവങ്ങൾ ഉണ്ടായതിനെപ്പറ്റി താരം പറയുകയുണ്ടായി.
പരസ്യ ചിത്രങ്ങളിൽ നിന്നും തന്നെ ഒഴിവാക്കിയ അനുഭവവും താരം വെളിപ്പെടുത്തുകയു ണ്ടായി. പരസ്യ ചിത്രങ്ങളുടെ ഫീൽഡിൽ ആണെങ്കിലും ചില പരസ്യമൊക്കെ പറഞ്ഞുവെച്ച് തലേദിവസം മാറ്റിയിട്ടുണ്ട്. ഷൂട്ടിന് വേണ്ടി ലൊക്കേഷനിലേക്ക് വന്നുകൊണ്ടിരുന്ന ഓൺ ദ വേയിൽ എന്നെ മാറ്റിയിട്ടുണ്ട്.
അതിഥീ, മാറിപ്പോയി വേറെ ഒരാളെ പെട്ടെന്ന് മാറ്റി, എന്ന് പറഞ്ഞിട്ടുണ്ട്. ഇതൊക്കെ അറിഞ്ഞ് വന്ന ഒരാൾ ആണ്. അതുകൊണ്ട് പ്രശ്നമേയില്ല. ഒരു പടം ഇല്ല എന്ന് എന്നോട് പറഞ്ഞാലും ഞാൻ ഓക്കെയാണ്. ഏതെങ്കിലും ഒരു വ്യക്തി വഴി പടം കിട്ടും എന്ന് പ്രതീക്ഷിച്ച് ഒരിക്കലും ഈ ഇൻഡസ്ട്രിയിൽ വരരുത്. അങ്ങനെ ഒരു ചിന്തയോടെ മാത്രമേ സിനിമയെ സമീപിക്കാവൂ. അങ്ങനെ ഒരു സൗഹൃദങ്ങളും ഇവിടെ നിലനിന്നിട്ടില്ലെന്നും അതിഥി പറയുന്നു.
കൊവിഡ് ലോക്ഡൗൺ വന്നപ്പോൾ വമ്പൻ താരങ്ങളുടെ ചിത്രങ്ങൾ പോലും റിലീസ് ചെയ്യാൻ കഴിഞ്ഞില്ല, സിനിമയുടെ കാര്യം അത്രയേ ഉള്ളൂവെന്നും അതിഥി രവി പറയപനനു. ഫീൽഡിൽ നിൽക്കുമ്പോൾ അതൊക്കെ മനസിലാക്കണമെന്നും അമിതമായി ഒന്നും പ്രതീക്ഷിക്കരുതെന്നും അതിഥി രവി വ്യക്തമാക്കുന്നു.
മോഹൻലാൽ ജീത്തു ജോസഫ് കൂട്ടുകെട്ടിൽ പിറന്ന ട്വൽത്ത് മാനും, സുരാജ് വെഞ്ഞാറമൂട്, ഇന്ദ്രജിത്ത് എന്നിവർ പ്രധാന വേഷങ്ങളിലെത്തിയ എം പത്മകുമാർ ചിത്രം പത്താം വളവും ആണ് അഥിതി രവിയുടേത് ആയി അവസാനം പുറത്തിറങ്ങിയ ചിത്രങ്ങൾ.
ഈ രണ്ട് ചിത്രങ്ങളിലും വളരെ സുപ്രധാനമായ റോളുകളിലാണ് അതിഥി രവിഎത്തിയത്. രണ്ട് ചിത്രങ്ങളും തകർപ്പൻ വിജയവും നേടി എടുത്തിരിന്നു.
