മിനിസ്‌ക്രീൻ അവതാരക ആയി എത്തി മലയാളികൾക്ക് ഏറെ സുപരിചിതയായ താരമാണ് അശ്വതി ശ്രീകാന്ത്. ഫ്‌ളവേഴ്‌സ് ചാനലിലെ ചക്കപ്പഴം പരമ്പരയിലൂടെയാണ് അശ്വതി എന്ന നടിയെ മലയാളികൾ തിരിച്ചറിയുന്നത്. ഇപ്പോൾ മികച്ച നടിയായും പ്രേക്ഷകർക്ക് അശ്വതിയെ ഏറെ ഇഷ്ടമാണ്.
ചക്കപ്പഴത്തിലെ ആശ എന്ന കഥാപാത്രത്തിലൂടെയാണ് മിനി സ്‌ക്രീൻ അഭിനയരംഗത്തേക്ക് അശ്വതി ചുവടുവയ്ക്കുന്നത്. ചക്കപ്പഴം, ഫാമിലി കോമഡി ഫിക്ഷൻ ആണ്. ടിപ്പിക്കൽ സീരിയലിന്റെ ജോണറിൽ വരുന്ന ഒരു സംഭവം അല്ല. ഡെയിലി ഒരു സ്റ്റോറി പറഞ്ഞുപോകുന്ന ഒരു കോമഡി ഫിക്ഷൻ.
നമുക്കൊക്കെ നമ്മുടെ വീടുകളിൽ ഉണ്ടാകുന്ന പല സംഭവങ്ങളുമായി കണക്റ്റ് ചെയ്യാൻ പറ്റുന്ന കാര്യങ്ങൾ ആണ് ഇതിലുള്ളത്. ഒരു കൂട്ടുകുടുംബത്തിൽ ഉണ്ടാകുന്ന തമാശകൾ, വളരെ രസകരമായ നിമിഷങ്ങൾ അതൊക്കെയാണ് ചക്കപ്പഴത്തിൽ ഉള്ളത്.
ഇപ്പോൾ ചക്കപ്പഴം വിശേഷങ്ങൾ ആല്ല അശ്വതി പങ്ക് വച്ചത്. പകരം ഭർത്താവ് ശ്രീകാന്തിന് ഒപ്പമുള്ള സുന്ദര നിമിഷങ്ങൾ ആണ് അശ്വതി രണ്ടു ചിത്രങ്ങളിലൂടെ പറയുന്നത്. ആദ്യത്തേത് പതിനൊന്ന് വർഷം മുമ്പത്തെ പടമാണ്. കല്യാണത്തിന് മുൻപ് ചേർത്ത് പിടിച്ച് ഫോട്ടോ എടുത്തെന്ന കുറ്റത്തിന് വീട്ടുകാര് അന്ന് കൊന്നില്ലെന്നേ ഉള്ളൂ.
എന്നിട്ടും ആ പിടി വിട്ടില്ല, അന്നും ഇന്നും (അല്ലാതെ ആ ചെറുക്കന് വേറെ പോസ് ഒന്നും അറിയാഞ്ഞിട്ടല്ല’, എന്ന ക്യാപ്ഷനിലൂടെയാണ് അശ്വതി ചിത്രങ്ങൾ പങ്ക് വച്ചത്. അഭിനയത്തോട് എല്ലാ കാലവും ഇഷ്ടം ഉണ്ടായിരുന്ന അശ്വതി നമുക്കൊന്നും പറ്റില്ല എന്ന ചിന്തയിൽ അത് ഉപേക്ഷിക്കുക ആയിരുന്നു.
മാത്രവുമല്ല, അഭിനയം എന്ന് പറയുമ്പോൾ ആങ്കറിങ് പോലെ കൃത്യമായ ഒരു ജോലിക്ക് പോയി വരുന്ന പോലെ അല്ലല്ലോ. അഭിനയത്തിൽ കുറച്ചുകൂടി ഡെഡിക്കേഷൻ ആവശ്യം ഉണ്ട് എന്നായിരുന്നു മുൻപ് അശ്വതി പറഞ്ഞത്.
