മിമിക്രി താരവും നടനുമായ കോട്ടയം സോമരാജ് അന്തരിച്ചു. കോട്ടയം മെഡിക്കല് കോളേജില് ചികിത്സയിലിരിക്കെയാണ് മരണം. അറുപത്തി രണ്ട് വയസായിരുന്നു സോമരാജിന്. ഉദര സംബന്ധമായ അസുഖത്തെ തുടര്ന്ന് ചികിത്സയിലായിരുന്നു നടന്.
മിമിക്രിയിലൂടെയാണ് സോമരാജ് കലാരംഗത്ത് എത്തുന്നത്. ഫാന്റം, ബാംബൂ ബോയ്സ്, ഇലകള് പച്ച പൂക്കള് മഞ്ഞ, ചാക്കോ രണ്ടാമന്, ആനന്ദഭൈരവി, അണ്ണന്തമ്പി, കിംഗ് ലയര്, കണ്ണകി തുടങ്ങി നൂറോളം സിനിമകളില് അദ്ദേഹം അഭിനയിച്ചിട്ടുണ്ട്. സംസ്കാരം നാളെ കഞ്ഞികുഴിയിലെ ശ്മശാനത്തില് നടക്കും.
മിമിക്രി രംഗത്ത് കാലങ്ങളായി തിളങ്ങിയ അദ്ദേഹത്തിന്റെ വിയോഗം സഹപ്രവര്ത്തകരെ കണ്ണീരില് ആഴ്ത്തിയിരിക്കുകയാണ്.