ആരാധകരേയെുള്ള തമിഴ് സിനിമാതാരമാണ് അജിത്ത്. അജിത്തിന്റെ മങ്കാത്ത എന്ന ചിത്രം തമിഴ് സിനിമയിലെ ഹിറ്റ് ചിത്രങ്ങളുടെ ലിസ്റ്റില്‍ ഇടംപിടിച്ച ഒരു ചിത്രമായിരുന്നു. വെങ്കിട് പ്രഭുവാണ് ചിത്രത്തിന്റെ സംവിധായകന്‍.
ഒട്ടേറെ ഹിറ്റ് ചിത്രങ്ങളാണ് അദ്ദേഹം ഇതിനോടകം ഒരുക്കിയത്. ആരാധകര്‍ ഏറ്റെടുത്ത സംവിധായകരില്‍ ഒരാളാണ് വെങ്കിട് പ്രഭു ഇന്ന്. തമിഴ് സൂപ്പര്‍താരം വിജയിയെ നായകനാക്കി ഒരു ചിത്രം സംവിധാനം ചെയ്യാനുള്ള തയ്യാറെടുപ്പിലാണ് അദ്ദേഹം ഇപ്പോള്‍.
വിജയ് തന്നെയാണ് ഈ ചിത്രം പ്രഖ്യാപിച്ചത്. ഇതിന് പിന്നാലെ വിജയ് നായകനായി എത്തുന്ന പുതിയ ചിത്രത്തില്‍ തല അജിത്തും അഭിനയിക്കുന്നുണ്ടെന്ന രീതിയില്‍ വാര്‍ത്തകള്‍ പ്രചരിച്ചിരുന്നു.
ഇപ്പോഴിതാ ഈ വാര്‍ത്തകളിലെ സത്യാവസ്ഥ വെളിപ്പെടുത്തി രംഗത്തെത്തിയിരിക്കുകയാണ് വെങ്കിട് പ്രഭു. അജിത്തും വിജയിയും ഒന്നിച്ചെത്തുന്നുവെന്ന വാര്‍ത്തകള്‍ പ്രചരിച്ചിരുന്നുവെന്നും വിജയ് ചിത്രത്തില്‍ എന്തായാലും അജിത്ത് ഉണ്ടാവില്ലെന്ന് സംവിധായകന്‍ പറയുന്നു.
ലിയോ എന്ന ചിത്രമാണ വിജയിയുടെതായി പുറത്തിറങ്ങാനിരിക്കുന്നത്. ലോകേഷ് കനകരാജാണ് ചിത്രം സംവിധാനം ചെയ്യുന്നത്. ലിയോയുടെ പണികള്‍ പൂര്‍ത്തിയായതിന് പിന്നാലെയാണ് വെങ്കിട് പ്രഭുവിന്റെ പ്രൊജക്ട് ആരംഭിക്കുക.
