മമ്മൂട്ടിയും ദുല്ഖറും ഒന്നിച്ചഭിനയിക്കാന് ഒരുങ്ങുന്നെന്ന് റിപ്പോര്ട്ടുകളുണ്ടായിരുന്നു. തെലുങ്കിലാണ് ഇരുവരും ഒന്നിക്കുന്നതെന്നും യാത്രയുടെ രണ്ടാം ഭാഗത്തിലാണ് അത് സംഭവിക്കുക എന്നും മമ്മൂട്ടി അഭിനയിച്ച് സൂപ്പര്ഹിറ്റായ യാത്രയുടെ രണ്ടാം പതിപ്പില് ആന്ധ്രാ പ്രദേശ് മുന് മുഖ്യമന്ത്രി വൈ എസ് രാജശേഖര റെഡിയുടെ മകനായാണ് ദുല്ഖറെത്തുകയെന്നുമൊക്കെയായിരുന്നു വിവരം. ഇപ്പോഴിതാ മമ്മൂട്ടിയുമൊത്തൊരു ചിത്രം എന്ന് സംഭവിക്കുമെന്ന ചോദ്യത്തിന് ദുല്ഖര് തന്നെ മറുപടി നല്കിയിരിക്കുകയാണ്.
ഒരു ഐഡിയയുമില്ല. ആ ചിന്തയേ വിട്ടിരിക്കുകയാണ്. നല്ലൊരു പ്രോജക്ട് വരണ്ടേ. ഞാന് റെഡിയായാല് പോലും വാപ്പച്ചിക്ക് രണ്ടും രണ്ട് ഐഡന്റിറ്റിയായിരിക്കണമെന്ന് നിര്ബന്ധമുണ്ട്. വരട്ടെ നോക്കാം. കൗമുദി മൂവീസുമായുള്ള അഭിമുഖത്തില് ദുല്ഖര് പറഞ്ഞു.
റോഷന് ആന്ഡ്രൂസ് സംവിധാനം ചെയ്യുന്ന ചിത്രത്തില് പോലീസ് വേഷത്തിലാണ് ഇനിയെത്തുക എന്നും ദുല്ഖര് പറഞ്ഞു. ഇന്വെസ്റ്റിഗേഷന് പ്രാധാന്യമുള്ള സിനിമയാണിത്.