നായകനായി എത്തിയെങ്കിലും തുടക്കകാലത്ത് ചെറിയ വേഷങ്ങളിലും വില്ലന്‍ വേഷങ്ങളിലും ഒതുക്കപ്പെട്ട നടന്‍ ആയിരുന്നു ബിജു മേനോന്. എന്നാല്‍ വീണ്ടും നായകനിരിലേക്ക് ഉയര്‍ന്ന് ഇപ്പോള്‍ മലയാള സിനിമയില്‍ വളരെ തിരക്കുള്ള നടനായി മാറിയിരിക്കുകയാണ് ബിജു മേനോന്.
കഥാപാത്രങ്ങളില്‍ വ്യത്യസ്ത പരീക്ഷിക്കാറുള്ള താരം നായകന്‍ വേഷങ്ങളിലായാലും വില്ലന്‍ വേഷങ്ങളിലായാലും മികച്ച അഭിനയമാണ് കാഴ്ചവെക്കാറുള്ളത്. ഇപ്പോഴിതാ മലയാളത്തില്‍ നിന്നും അന്യഭാഷയിലേക്ക് ചുവടുമാറ്റിയിരിക്കുകയാണ് താരം.
തമിഴിലേക്കാണ് താരം ചേക്കേറിയിരിക്കുന്നത്. ശിവകാര്‍ത്തികേയനെ നായകനാക്കി എആര്‍ മുരുഗദോസ് സംവിധാനം ചെയ്യുന്ന പുതിയ ചിത്രത്തിലാണ് ബിജു മേനോന് അഭിനയിക്കുന്നത്. ചിത്രത്തില്‍ പ്രധാനവേഷം തന്നെയാണ് താരം കൈകാര്യം ചെയ്യുന്നതെന്നാണ് വിവരം.
ഇപ്പോഴിതാ അതേപ്പറ്റി ബിജു മേനോന് പറഞ്ഞ വാക്കുകളും ശ്രദ്ധനേടുകയാണ്. അതെ താന്‍ ഈ പ്രൊജക്ടിന്റെ ഭാഗമാണെന്നും ഒരു മാസീവ് സിനിമയാണിതെന്നും ചിത്രത്തില്‍ മുഴുനീള വേഷമാണ് തനിക്കെന്നും ബിജു മേനോന് പറയുന്നു.
ചിത്രത്തെ കുറിച്ചോ കഥാപാത്രത്തെ കുറിച്ചോ തനിക്ക് ഇപ്പോള്‍ കൂടുതലൊന്നും പറയാന്‍ കഴിയില്ലെന്നും ബിജു മേനോന് പറയുന്നു. അതേസമയം ബിജു മേനോന് ലഭിച്ച റോളിലേക്ക് നേരത്തെ പരിഗണിച്ചിരുന്നത് മോഹന്‍ലാലിനെ ആയിരുന്നു. എന്നാല്‍ ഡേറ്റ് പ്രശ്‌നം കാരണം താരം പിന്മാറുകയായിരുന്നു.
