മലയാളികൾക്ക് ഏറെ സുപരിചിതയായ ഗായികയാണ് അമൃത സുരേഷ്. ഐഡിയ സ്റ്റാർ സിംഗർ എന്ന ഏഷ്യാനെറ്റിൽ സംപ്രേക്ഷണം ചെയ്ത റിയാലിറ്റി ഷോയിലൂടെ ആണ് അമൃത സുരേഷ് മലയാളികൾക്ക് മുന്നിലേക്ക് എത്തുന്നത്.
ഷോയിൽ വ്യത്യസ്തമായ ആലാപന രീതിയിലൂടെ ഫൈനലിൽ വരെ എത്താൻ സാധിച്ച താരം വളരെ പെട്ടെന്ന് തന്നെ മലയാളികൾക്ക് പ്രിയങ്കരിയായി മാറി.
പിന്നീട് സിനിമകളിൽ അടക്കം ഹിറ്റ് ഗാനങ്ങൾ പാടുവാൻ അവസരം ലഭിച്ച അമൃത ഇന്ന് സോഷ്യൽ മീഡിയയിലെ മിന്നുന്ന താരമാണ്. താരത്തിന്റെ വിശേഷങ്ങളും വാർത്തകളും ഒക്കെ വളരെ പെട്ടെന്ന് തന്നെ ആളുകൾ ഏറ്റെടുക്കാറുമുണ്ട്.
ഐഡിയ സ്റ്റാർ സിംഗർ റിയാലിറ്റി ഷോയുടെ സ്പെഷ്യൽ ഗസ്റ്റ് ആയി വന്ന ചലച്ചിത്രതാരം ബാലയുമായി താരം പ്രണയത്തിൽ ആവുകയും പിന്നീട് ഇരുവരും വിവാഹം കഴിക്കുകയും ചെയ്തിരുന്നു.
സിനിമാ ലോകത്തുള്ള പ്രമുഖ താരങ്ങളെല്ലാം പങ്കെടുത്ത വിവാഹം വളരെ ആഘോഷപൂർവ്വം തന്നെയാണ് സോഷ്യൽ മീഡിയ അടക്കം കൈകാര്യം ചെയ്തത്. അതേ സമയം ഏറെ വിവാദമുണ്ടാക്കിയ വിവാഹ മോചന വാർത്തയായിരുന്നു ഗായികയായ അമൃത സുരേഷിന്റേതും നടനായ ബാലയുടേതും. ഇരുവരുടെയും 9 വർഷത്തോളം നീണ്ട ദാമ്പത്യജീവിതം അവസാനിച്ചത് 2019ലാണ്. എന്നാൽ അതുകൊണ്ട് വിവാദങ്ങൾ ഒന്നും അവസാനിച്ചില്ല.
അവിടുന്നങ്ങോട്ട് ആയിരുന്നു വലിയ കേസുകളും വഴക്കുകളും ഒക്കെയായി ഇരുവരും വാർത്തകളിൽ നിറഞ്ഞത്. ബാലയാവട്ടെ പിന്നീട് രണ്ട് വിവാഹങ്ങൾ കൂടി കഴിക്കുകയും ചെയ്തു. അടുത്തിടെയാണ് ബാല മുറപ്പെണ്ണായ കോകിലയെ വിവാഹം ചെയ്തത്. അതിന് മുൻപ് ഡോക്ടർ ആയിരുന്ന എലിസബത്ത് ഉദയനുമായി ബാല അടുപ്പത്തിലായിരുന്നു. ഇരുവരും പിന്നീട് വേർപിരിയുകയും ഒക്കെ ചെയ്തു. അതുപോലെ തന്നെ അമൃത സുരേഷ് ആവട്ടെ ഇടക്കാലത്ത് സംഗീത സംവിധായകൻ കൂടിയായ ഗോപി സുന്ദറുമായി അടുപ്പത്തിലായിരുന്നു.
പൊതു പരിപാടികളിൽ വരെ ഇരുവരും ഒരുമിച്ച് പ്രത്യക്ഷപ്പെട്ടിരുന്നു. കൂടുതൽ കണ്ടെത്തുക കായിക വാർത്തകൾ സൗന്ദര്യവർദ്ധക വസ്തുക്കൾ ടുീൃെേ എന്നാൽ പിന്നീട് ഇരുവരും അകന്നെങ്കിലും അതൊരിക്കലും വിവാദ വർത്തയായിരുന്നില്ല. ബാലയും അമൃത സുരേഷും തമ്മിലുള്ള വിവാഹ ബന്ധം വേർപെടുത്തിയ ശേഷം അമൃതയ്ക്കും കുടുംബത്തിനും ഒട്ടേറെ സൈബർ ആക്രമണങ്ങൾ നേരിടേണ്ടി വന്നിരുന്നു. പക്ഷേ, പിന്നീട് അവിടെ നിന്ന് ജീവിതത്തിലേക്ക് തിരിച്ചുവന്നതാണ് അമൃത.
ഇപ്പോഴിതാ തന്റെ ജീവിതത്തിലെ സംഭവ വികാസങ്ങളെ കുറിച്ച് തുറന്ന് സംസാരിക്കുകയാണ് അമൃത. അവതാരക കൂടിയായ രഞ്ജിനി ഹരിദാസ് നടത്തുന്ന പോഡ് കാസ്റ്റ് പരിപാടിയിൽ ആയിരുന്നു അമൃത സുരേഷ് തന്റെ മനസ് തുറന്നത്. ഇനിയൊരു വിവാഹത്തെ കുറിച്ച് ഇപ്പോൾ ചിന്തിക്കുന്നില്ലെങ്കിലും ഒരു പങ്കാളി വേണമെന്ന് തനിക്ക് ആഗ്രഹമുണ്ടെന്നാണ് അവർ പറയുന്നത്. കൂടാതെ ബാലയുമായുള്ള ആദ്യ വിവാഹത്തെ കുറിച്ചും അമൃത സുരേഷ് മനസ് തുറന്നു.
പത്തൊൻപതാം വയസിലെ വിവാഹം ജ്യോത്സ്യൻ കാരണമാണെന്നാണ് അമൃത സുരേഷ് പറയുന്നത്. വളരെ നേരത്തെ വിവാഹം കഴിച്ചതുകൊണ്ട് ഉണ്ടായ ഒരു ഗുണം എന്റെ മകൾ ഇപ്പോൾ ടീനേജറാണെന്നതാണ്. അവൾ എന്റെയും അഭിയുടേയും ഒക്കെ ഒരു ഫ്രണ്ടിനെപ്പോലെയാണ്. മുംബൈയിൽ നിന്ന് എന്നെ വിവാഹം കഴിക്കാൻ താൽപര്യം പ്രകടിപ്പിച്ച് കഴിഞ്ഞ ദിവസം ഒരാൾ വിളിച്ചിരുന്നു. അത് അറിഞ്ഞതും അഭി ചോദിച്ചത് ഇനിയും മതിയായില്ലേ എന്നായിരുന്നു.
പ്രൊപ്പോസലിന്റെ കാര്യം പാപ്പുവിനോട് പറഞ്ഞപ്പോൾ മമ്മി പോയി ട്രൈ ചെയ്തിട്ട് തിരിച്ച് വാ എന്നായിരുന്നു അവൾ നൽകിയ മറുപടി. വിവാഹം കഴിക്കാൻ ഞാൻ ഇപ്പോൾ താൽപര്യപ്പെടുന്നില്ല. പക്ഷെ ഒരു പങ്കാളി വേണമെന്ന് എനിക്ക് ആഗ്രഹമുണ്ട്. ആദ്യ വിവാഹത്തിന്റെ ട്രോമ ഇപ്പോഴുമുണ്ട്. അതുകൊണ്ടാണ് കല്യാണം എന്ന ആശയം എനിക്ക് അംഗീകരിക്കാൻ കഴിയാത്തത്. പതിനെട്ട് വയസിലായിരുന്നു വിവാഹ നിശ്ചയം കഴിഞ്ഞത്. പത്തൊമ്പതാം വയസിൽ വിവാഹവും നടന്നു. ആ പ്രായത്തിൽ വിവാഹം കഴിച്ചത് ജോത്സ്യൻ കാരണമായിരുന്നു. ആ പ്രായത്തിൽ എന്റെ വിവാഹം നടക്കണമെന്ന് ജാതകത്തിൽ ഉണ്ടായിരുന്നുവത്രേ.
വിവാഹം എന്ന തീരുമാനത്തിലേക്ക് ഞാൻ ആ പ്രായത്തിൽ എത്തിയതിന് പല കാരണങ്ങളുണ്ട്. അന്ന് ആശ്രമവും മറ്റും ചുറ്റിപറ്റി വളരെ ഒതുക്കമുള്ള ജീവിതമായിരുന്നു എന്റേത്. ഐഡിയ സ്റ്റാർ സിംഗർ പ്രോഗ്രാമിൽ വന്നശേഷമാണ് കൂടുതൽ ആളുകളെ കണ്ടതും പരിചയപ്പെട്ടതും കൂടുതലായി ജീവിതം എക്സ്പ്ലോർ ചെയ്ത് തുടങ്ങിയതും. അതുകൊണ്ട് തന്നെ ആരെങ്കിലും ചെറുതായി സ്നേഹം കാണിച്ചാൽ പോലും അതിൽ വീണുപോവുമായിരുന്നു. ലവ് ബോംബിംഗ് എന്റെ പ്രണയത്തിന്റെ കാര്യത്തിൽ വലിയൊരു ഘടകമായി.
ഞാൻ സംഗീതത്തെ സ്നേഹിക്കുന്ന ആളായതുകൊണ്ട് അതുമായി ബന്ധപ്പെടുത്തിയും കരിയറുമായി കൂട്ടിച്ചേർത്തും ഒരുപാട് പ്രോമിസുകൾ ആ ലവ് ബോംബിംഗിനൊപ്പം ഉണ്ടായിരുന്നു. മാത്രമല്ല എന്റെ കുടുംബത്തിനോട് തുടക്കത്തിൽ ഒരുപാട് സ്നേഹം കാണിച്ചിരുന്ന വ്യക്തിയായിരുന്നു. അതൊക്കെ കൂടിയായപ്പോൾ ഞാൻ അയാളെ പ്രണയിച്ച് പോയി. മാത്രമല്ല വിവാഹം എന്റെ വലിയ ഒരു ആഗ്രഹവുമായിരുന്നു യെന്നും അമൃത പറയുന്നു.
