മലയാള സിനിമയിലെ നടന്മാരില്‍ ഒരാളാണ് ഹരീഷ് പേരടി. മലയാളി പ്രേക്ഷകരുടെ പ്രിയപ്പെട്ട നടനാണ് അദ്ദേഹമെന്ന് പറയാം. സോഷ്യല്‍ മീഡിയ വഴി നിരന്തരം പ്രതികരിക്കാറുള്ള നടനാണ് ഹരീഷ് പേരടി. തനിക്ക് നേരെ വിമര്‍ശനം വരാറുണ്ടെങ്കില്‍ പോലും തന്റെ അഭിപ്രായം അറിയിച്ചുകൊണ്ട് ഹരീഷ് എത്താറുണ്ട്.
ഇപ്പോഴിതാ കെഎസ്ആര്‍ടിസി ബസ് വഴിയില്‍ തടഞ്ഞുനിര്‍ത്തിയ തിരുവനന്തപുരം മേയര്‍ ആര്യ രാജേന്ദ്രനെതിരെ പ്രതികരിച്ച് രംഗത്തെത്തിയിരിക്കുകയാണ് ഹരീഷ് പേരടി. മേയര്‍ ആര്യ രാജേന്ദ്രന്‍ നിയമത്തിന്റെ വഴി സ്വീകരിക്കാതെ കൊടി സുനിയുടെയും കിര്‍മാണി മനോജിന്റെയും വഴിയാണ് സ്വീകരിച്ചതെന്ന് ഹരീഷ് പേരടി പറയുന്നു.
മനുഷ്യത്വമില്ലാത്ത അധികാരിയാണ് ആര്യ. രാജകുമാരി മാത്രമായി ആര്യ മാറിയെന്നും ചെറിയ പ്രായത്തില്‍ ആര്യ തിരുവനന്തപുരത്തിന്റെ മേയറമ്മയായി മാറിയപ്പോള്‍ ഒത്തിരി സന്തോഷിച്ച ജനാധിപത്യ വിശ്വാസിയായിരുന്നു താനെന്നും ഹരീഷ് പറയുന്നു.
എന്നാല്‍ കഴിഞ്ഞ ദിവസമുണ്ടായ നിങ്ങളുടെ പ്രവൃത്തി തലേന്ന് വോട്ട് ചെയ്യാനായി രണ്ട് മണിക്കൂര്‍ വരി നിന്ന തന്നെ വല്ലാതെ തളര്‍ത്തിയെന്നും ആര്യ പറയുന്നതാണ് ശരിയെങ്കില്‍ തൊട്ടടുത്ത പോലീസ് സ്‌റ്റേഷനില്‍ ഫോണ്‍ ചെയ്താല്‍ ആ നിമിഷം നിയമം മുന്നിലെത്തുമായിരുന്നുവെന്നും ഹരീഷ് പറയുന്നു.
ഇത് ഇപ്പോള്‍ താനൊക്കെ തമിഴ് സിനിമയില്‍ അവതരിപ്പിക്കുന്ന വില്ലനായ രാഷ്ട്രീയ കഥാപാത്രം സാധാരണക്കാരനായ നടനെ തടയാന്‍ നിയമങ്ങളൊന്നും അനുസരിക്കാതെ ജനാധിപത്യ വിരുദ്ധമായി നടുത്തുന്ന പ്രവൃത്തി പോലെയായി എന്നും ഹരീഷ് പറയുന്നു.
