ഇന്ത്യൻ സിനിമയിലെ തന്നെ സൂപ്പർ സംവിധായകൻ പ്രിയദർശന്റെയും തെന്നിന്ത്യൻ സിനിമയിലെ മുൻകാല നായികാ നടി ലിസ്സിയുടേയും മകളാണ് കല്യാണി പ്രിയദർശൻ. മാതാപിതാക്കളുടെ പാത പിൻതുടർന്ന് സിനിമയിലേക്കെത്തിയ കല്യാണി പ്രിയദർശൻ ഇപ്പോൾ തെന്നിന്ത്യൻ സിനിമാ പ്രേമികൾക്ക് ഏറെ ഇഷ്ടമുള്ള അഭിനേത്രിയാണ്.
അച്ഛനും അമ്മയും അറിയപ്പെടുന്ന സംവിധായകനും നായികയുമായതിനാൽ സിനിമയിലേക്കുള്ള വരവ് എളുപ്പമായിരുന്നു. നിലനിൽപ്പ് പൊരുതി നേടിയതാണെന്ന് കല്യാണി തന്നെ തുറന്ന് സമ്മതിച്ചിട്ടുണ്ട്. സിനിമയിൽ അഭിനയിക്കാൻ ആഗ്രഹമുണ്ടെന്ന് കല്യാണി പറഞ്ഞപ്പോൾ ആശ്ചര്യമായിരുന്നു പ്രിയദർശന്. മകൾക്ക് അഭിനയം വഴങ്ങുമോ, ക്യാമറയ്ക്ക് മുന്നിൽ കഥാപാത്രമായി പകർന്നാടാൻ കഴിയുമോ എന്ന തരത്തിലുള്ള ആശങ്കയായിരുന്നു അദ്ദേഹത്തെ അലട്ടിയത്.
എന്നാൽ അതെല്ലാം അസ്ഥാനത്താക്കുകയായിരുന്നു മകൾ. അച്ഛന്റെ സംവിധാനത്തിലും അഭിനയിച്ച് കൈയ്യടി നേടുകയും ചെയ്തു. അഭിനയിക്കാനറിയാം എന്ന് മകള് തെളിയിച്ച സന്തോഷം അച്ഛനും പങ്കുവെച്ചിരുന്നു. അച്ഛനും അമ്മയും വേർപിരിയൽ പ്രഖ്യാപിച്ചപ്പോൾ അവരെ മനസിലാക്കി കൂടെ നിൽക്കുകയായിരുന്നു മക്കൾ. മക്കളുടെ കാര്യങ്ങളിലെല്ലാം അച്ഛനും അമ്മയും ഒന്നിച്ച് നിൽക്കാറുമുണ്ട്.
സിദ്ധാർത്ഥിന്റെ വിവാഹ സമയത്തെ ചിത്രങ്ങൾ വൈറലായിരുന്നു. വേർപിരിയലിനെക്കുറിച്ച് ലിസിയോ പ്രിയദർശനോ പ്രതികരിക്കാറില്ല. പരസ്പര സമ്മതത്തോടെയായിരുന്നു തീരുമാനം എടുത്തത്. കാരണങ്ങളെക്കുറിച്ച് ചോദിച്ചപ്പോൾ ഇരുവരും മൗനം പാലിക്കുകയായിരുന്നു.
പരസ്പരമുള്ള പഴി ചേരലുകളില്ലാതെ സൗഹൃദം നിലനിർത്തിയായിരുന്നു വേർപിരിയൽ. തന്റെ ജീവിത വിശേഷങ്ങളും സിനിമകളെക്കുറിച്ചുമൊക്കെ പറഞ്ഞ് കല്യാണി സോഷ്യൽമീഡിയയിൽ സജീവമാണ്. തനിക്ക് ഏറ്റവും പ്രിയപ്പെട്ട മാസം എത്തിയതിന്റെ സന്തോഷമായിരുന്നു പുതിയ പോസ്റ്റിലൂടെ പങ്കുവെച്ചത്. ജനന മാസത്തിലെത്തി, അതാണ് എന്റെ മുഖത്തെ സന്തോഷത്തിന് കാരണം.
കേക്കും സിനിമയെക്കുറിച്ചുള്ള പ്രഖ്യാപനവും വരാനായി കാത്തിരിക്കുന്നു എന്നായിരുന്നു കല്യാണി കുറിച്ചത്. അഞ്ച് ലക്ഷത്തിലധികം പേരാണ് ഇതിനകം കല്യാണിയുടെ പോസ്റ്റ് ലൈക്ക് ചെയ്തിട്ടുള്ളത്. ഹലോ എന്ന തെലുങ്ക് ചിത്രത്തിലൂടെയായിരുന്നു കല്യാണി അരങ്ങേറിയത്. തെലുങ്കിന് ശേഷമായി തമിഴിൽ നിന്നായിരുന്നു അവസരം ലഭിച്ചത്. വരനെ ആവശ്യമുണ്ട് എന്ന ചിത്രത്തിലൂടെയായിരുന്നു മലയാളത്തിലേക്ക് എത്തിയത്.
അരങ്ങേറ്റ ചിത്രത്തിന് മികച്ച സ്വീകാര്യതയായിരുന്നു ലഭിച്ചത്. ഹൃദയം, തല്ലുമാല, ബ്രോ ഡാഡി, മരക്കാർ അറബിക്കടലിന്റെ സിംഹം തുടങ്ങിയ ചിത്രങ്ങളിലും കല്യാണി വേഷമിട്ടിരുന്നു. വ്യത്യസ്തമാർന്ന കഥാപാത്രങ്ങൾക്ക് വേണ്ടിയാണ് ഞാൻ കാത്തിരിക്കുന്നത് എന്ന് നേരത്തെ കല്യാണി പറഞ്ഞിരുന്നു. തിരക്കുകൾക്കിടയിൽ പരസ്യങ്ങളിലും കല്യാണി അഭിനയിക്കാറുണ്ട്. ഇടയ്ക്ക് അമ്മയ്ക്കൊപ്പമായും മകൾ അഭിനയിച്ചിരുന്നു.ഇരുവരും ഒന്നിച്ചുള്ള ചിത്രങ്ങളും വീഡിയോകളും അന്ന് വൈറലായിരുന്നു.
