ഏഷ്യാനെറ്റിലെ ഐഡിയ സ്റ്റാര്‍ സിംഗര്‍ എന്ന റിയാലിറ്റി ഷോയിലൂടെ എത്തി പിന്നീട് മലയാളികളുടെ പ്രിയ ഗായികയായി മാറിയ താരമാണ് അമൃത സുരേഷ്. അമൃതയുടെ സഹോദരി അഭിരാമി സുരേഷും മലയാളികള്‍ക്ക് ഇന്ന് സുപരിചിതയാണ്.
ഇരുവരും സോഷ്യല്‍മീഡിയയിലെ താരങ്ങളാണ്. കഴിഞ്ഞ ദിവസമാണ് അമൃതയുടെയും അഭിരാമിയുടെയും പിതാവ് വിടവാങ്ങിയത് അമൃത തന്നെയാണ് അച്ഛന്റെ വിയോഗ വാര്‍ത്ത സോഷ്യല്‍മീഡിയയിലൂടെ പങ്കുവെച്ചത്.
ഞങ്ങടെ പൊന്നച്ഛന്‍ ഇനി ഭഗവാന്റെ കൂടെ എന്ന ക്യാപ്ഷനോടെയാണ് അച്ചന്റെ ചിത്രവും പങ്കുവെച്ച് വിയോഗവാര്‍ത്ത അറിയിച്ച്ത്. നിരവധി താരങ്ങളും ആരാധകരും നേരിട്ടും സോഷ്യല്‍മീഡിയയിലൂടെയും ആദരാഞ്ജലികള്‍ നേര്‍ന്നു.
ഇപ്പോഴിതാ അച്ഛനൊപ്പം അവസാനമായി എടുത്ത ഫോട്ടോ സോഷ്യല്‍മീഡിയയിലൂടെ പങ്കുവെച്ചിരിക്കുകയാണ് അഭിരാമി. ഫോട്ടോയില്‍ ആരുടെയും മുഖം കാണിക്കുന്നില്ല, അമൃതയുടെയും അമ്മയുടെയും അഭിരാമിയുടെയും അച്ഛന്‌റെയും കൈകള്‍ ഒന്നിച്ച് മുറുകെ പിടിച്ചിരിക്കുകയാണ്.
ഇന്‍സ്റ്റഗ്രാമില്‍ അഭിരാമി പങ്കുവെച്ച ചിത്രത്തിന് എന്നെന്നേക്കും എന്നാണ് ക്യാപ്ഷന്‍ നല്‍കിയിരിക്കുന്നത്. നിരവധി പേരാണ് ചിത്രത്തിന് താഴെ സുരേഷിന് ആദരാഞ്ജലികള്‍ നേര്‍ന്ന് കമന്റിട്ടത്.
