മലയാളം സീരിയലുകളിലൂടെ ബാലതാരമായി അഭിനയ രംഗത്തേക്ക് തുടക്കം കുറിച്ച താരമാണ് ശാലിൻ സോയ.
പിന്നീട് നിരവധി സിനിമകളിലും അഭിനയിച്ചു. എന്നാൽ ഇപ്പോൾ ശാലിന്റെ തട്ടകം അങ്ങ് തമിഴ് സിനിമ ടെലിവിഷൻ ലോരംഗമാണ്. കണ്ണകി എന്ന ചിത്രത്തിലൂടെ തമിഴ് സിനിമയിൽ ശാലിന് നല്ലൊരു തുടക്കം ലഭിച്ചു.
തുടർന്ന് നിരവധി ടെലിവിഷൻ ഷോ അവസരങ്ങളും വന്നു. ഇപ്പോൾ പുതിയൊരു തമിഴ് ഷോ ഹോസ്റ്റ് ചെയ്യാൻ ഒരുങ്ങുകയാണ് താരം. അതിനിടയിൽ തമിഴ് യൂട്യൂബ് ചാനലിന് നൽകിയ അഭിമുഖത്തിൽ സംസാരിക്കവെ, എങ്ങനെയുള്ള ഭർത്താവിനെയാണ് സങ്കൽപിക്കുന്നത് എന്ന് ശാലിൻ സോയ പറയുന്നു.
എന്നെ നോക്കുന്ന, പരിപാലിക്കുന്ന ആളെ വേണം എന്നൊന്നും എനിക്കില്ല. എന്നെ നോക്കാൻ എനിക്കറിയാം, പക്ഷേ എല്ലാം പങ്കുവയ്ക്കാൻ കഴിയുന്ന, കഴിച്ചോ, ഉറങ്ങിയോ എന്നൊക്കെ ചോദിക്കുന്ന ഒരാൾ ജീവിതത്തിലുണ്ടെങ്കിൽ എന്ന് ആഗ്രഹിച്ചു പോകുന്നു. ചെന്നൈയിൽ തനിച്ചാണ് ഞാൻ താമസിക്കുന്നത്, കുറേ കാലം അങ്ങനെ ആയതുകൊണ്ട് അത് ശീലിച്ചു. എവിടെ പോകുന്നു, എന്ത് ചെയ്യുന്നു, കഴിച്ചോ, ഉറങ്ങിയോ എന്നൊന്നും ചോദിക്കാൻ ജീവിതത്തിൽ ആരുമില്ല.
പെട്ടന്ന് ആരെങ്കിലും അങ്ങനെ ചോദിക്കുമ്പോഴേക്കും എനിക്ക് ഇപ്പോൾ കണ്ണ് നിറയാൻ തുടങ്ങി. എനിക്ക് ചുറ്റും അങ്ങനെയുള്ള കപ്പിൾസിനെ ഞാൻ കാണുന്നുണ്ട്. ഇടയ്ക്കിടെ വിളിച്ചൊക്കെ നോക്കുന്നവർ. എന്റെ ഫോണിൽ അങ്ങനെ ഒരു കോൾ വരാറേയില്ല, വരുന്നത് ലോൺ വേണോ എന്ന് ചോദിച്ച് ബാങ്കുകാരുടെ കോൾ മാത്രമാണ്.
പ്രണയമോ ബ്രേക്കപ്പോ ഒന്നും കാര്യമായി ജീവിതത്തിൽ സംഭവിച്ചിട്ടില്ല എന്നാണ് ശാലിൻ പറയുന്നത്. വിശ്വാസ വഞ്ചനയൊക്കെ ഒരുപാട് കിട്ടിയിട്ടുണ്ട്, അത് വേദനിപ്പിക്കുകയും ചെയ്തിട്ടുണ്ട്. പക്ഷേ ബ്രേക്കപ് പെയിനൊന്നും കിട്ടിയിട്ടില്ല, അങ്ങനെ ഒന്നുണ്ടായിട്ടില്ല.
ഞാൻ ആരെയെങ്കിലും പ്രണയിക്കുകയാണെങ്കിൽ അത് മറച്ചുവയ്ക്കുകയൊന്നുമില്ല. എന്റെ മുഖത്ത് അത് എവിഡന്റ് ആയിരിക്കും. പ്രണയം ജീവിതത്തിലെ നിറങ്ങൾ പോലെയാണ്, മനോഹരമായ ഒരു ഫീലാണത്. പ്രണയം ഉണ്ടാവുമ്പോഴാണ് നമുക്ക് ഗ്ലോ വരുന്നത് എന്നും ശാലിൻ പറയുന്നു.
