ദിലീപിനെയും മഞ്ജുവാര്യരെയും പോലെ തന്നെ ആരാധകർ ഒത്തിരിയാണ് ഇവരുടെ മകൾ മീനാക്ഷിക്കും. മീനാക്ഷി ദിലീപിന്റെ വിശേഷം അറിയാൻ ആരാധകർക്ക് വലിയ ഇഷ്ടമാണ്. ഈ അടുത്താണ് ഇൻസ്റ്റഗ്രാമിൽ അക്കൗണ്ട് എടുത്തു സോഷ്യൽ മീഡിയയിൽ സജീവമായത്. ഇതിന് പിന്നാലെ താരപുത്രി നിരവധി ഫോട്ടോ പങ്കുവെച്ച് എത്താറുണ്ട്.
താരപുത്രി മീനാക്ഷി ദിലീപിന് ആരാധകർ ഏറെയാണ്. ഇതുവരെ സിനിമയിൽ എത്തിയില്ലെങ്കിൽ പോലും ആ താരത്തിന്റെ പുറത്തുവരുന്ന വിശേഷം പെട്ടന്ന് തന്നെ വൈറൽ ആവാറുണ്ട്. വല്ലപ്പോഴും മാത്രമേ ക്യാമറയ്ക്ക് മുന്നിൽ മീനാക്ഷി എത്താറുള്ളു.
അതേ സമയം മീനാക്ഷി കഴിഞ്ഞിട്ടേ ദിലീപിന് ലോകത്ത് ആരുമുള്ളൂ എന്ന് പറഞ്ഞാൽ സമ്മതിച്ചുകൊടുക്കാതെ തരമില്ല, മീനാക്ഷിക്കും അങ്ങനെ തന്നെ. അപ്പോഴാണ് കൊച്ചു കൊച്ചു സന്തോഷങ്ങൾ എന്ന ചിത്രത്തിൽ കാളിദാസ് ജയറാമിനോട് പറയുന്ന ഡയലോഗ് ആരാധകരും ഏറ്റുപിടിക്കുന്നത്.
മീനൂട്ടിക്ക് അച്ഛനുണ്ടല്ലോ, അച്ഛൻ മതി, അച്ഛൻ മാത്രം മതി എന്ന് പിറന്നാൾ ആഘോഷത്തിന്റെ ചിത്രങ്ങൾ കാണുമ്പോൾ ഒരിക്കൽ കൂടെ ആ ഡയലോഗ് ആവർത്തിക്കാൻ തോന്നും.അതെ ഇന്ന് മീനാക്ഷി ദിലീപിന് 26 വയസ്സ് തികയുകയാണ്. പാതിരാത്രിയാണ് ദിലീപ് മകളുടെ ജന്മദിനം ആഘോഷിച്ച ഫോട്ടോ ഇൻസ്റ്റഗ്രാമിൽ പങ്കുവച്ചത്. കേക്ക് മുറിച്ച് മീനൂട്ടിയ്ക്ക് കൊടുക്കുന്ന ഒരു ഫോട്ടോ ആണ് ഇൻസ്റ്റഗ്രാം സ്റ്റോറി.
ഫോട്ടോയിൽ മീനാക്ഷിയും ദിലീപും മാത്രമേയുള്ളൂ. ഹാപ്പി ബർത്ത് ഡേ മീനൂട്ടി എന്ന് പറഞ്ഞുകൊണ്ട്, ഒരു വിദേശ യാത്രയ്ക്കിടയിൽ എടുത്ത സെൽഫി ചിത്രം ഇൻസ്റ്റഗ്രാം പോസ്റ്റായും പങ്കുവച്ചിട്ടുണ്ട്. പോസ്റ്റിന് താഴെ മീനാക്ഷിക്ക് ആശംസകളുമായി നിരവധി കമന്റുകളാണ് വരുന്നത്. കലാഭവൻ ഷാജോൺ അടക്കം പലരും മൂനൂട്ടിയ്ക്ക് ആശംസകൾ അറിയിക്കുന്നു, ഇത് അവരുടെ ലോകം, അവരുടെ സന്തോഷം എന്ന് പോസ്റ്റിന് ഒരാളുടെ കമന്റ്.
2000 ൽ ആണ് ദിലീപിനും മഞ്ജു വാര്യർക്കും മീനാക്ഷി പിറന്നത്. ചെറുപ്പം മുതലേ അച്ഛന്റെ കുട്ടിയായിരുന്നു, അതുകൊണ്ട് തന്നെയാണ് വിവാഹ മോചനത്തിന് ശേഷം എതിർപ്പുകളൊന്നും ഇല്ലാതെ മകളെ അച്ഛനൊപ്പം വിട്ടത് എന്ന് മഞ്ജു വാര്യർ പറഞ്ഞിരുന്നു. അവർ തമ്മിലുള്ള ബോണ്ട് എന്താണ് എന്നെനിക്കറിയാം, അത് പിരിക്കാൻ ഞാൻ ആഗ്രഹിക്കുന്നില്ല എന്നാണ് അന്ന് മഞ്ജു പറഞ്ഞത്.
26 കാരിയായ മീനാക്ഷി ഇപ്പോൾ എംബിബിഎസ് പഠനം പൂർത്തിയാക്കി കൊച്ചിയിൽ ഒരു സ്വകാര്യാശുപത്രിയിൽ പ്രാക്ടീസ് ചെയ്തു വരികയാണ്. താനുമായി ബന്ധപ്പെട്ട ഒരാളുടെ പോലും ജന്മദിനം മറന്ന് പോകാതെ ഓർത്ത് സോഷ്യൽ മീഡിയയിൽ ആശംസ പോസ്റ്റ് പങ്കുവയ്ക്കുന്ന ആളാണ് മഞ്ജു വാര്യർ. എന്നാൽ ഇക്കാലം വരെ മകൾക്ക് വേണ്ടിയൊരു പോസ്റ്റും പങ്കുവച്ചിട്ടില്ല.
അവർ തമ്മിൽ പരസ്പരം ഫോണിലൂടെ ബന്ധപ്പെടുകയും സംസാരിക്കുകയും ചെയ്യുന്നുണ്ട്, അത് സോഷ്യൽ മീഡിയയിലെ ആളുകളെ ബോധ്യപ്പെടുത്തേണ്ടതില്ല, മഞ്ജു മീനാക്ഷിക്കൊരു പോസ്റ്റിട്ടാൽ അത് മറ്റ് പല തരത്തിലും വ്യാഖ്യാനിക്കപ്പെടുന്നതുകൊണ്ട് മാത്രമാണ് അങ്ങനെ ഒരു പോസ്റ്റ് ഒഴിവാക്കുന്നത് എന്നാണ് മഞ്ജുവുമായി അടുപ്പമുള്ളവർ പറഞ്ഞിട്ടുള്ളത്.
