താനും നടി അതിഥി മേനോനും വിവാഹം കഴിച്ചെന്ന് ആവര്‍ത്തിച്ച് നടന്‍ അഭി ശരവണന്‍. തനിക്കു നേരേ വ്യാജപ്രചാരണങ്ങള്‍ നടത്തുന്നുവെന്നാരോപിച്ച് അതിഥി പൊലീസില്‍ പരാതി നല്‍കിയതിനെ തുടര്‍ന്ന് തെളിവുകളുമായി രംഗത്ത് വന്നിരിക്കുകയാണ് അഭി.
അതിഥിയും തമ്മിലുള്ള വിവാഹം മധുരയില്‍ വെച്ച് കഴിഞ്ഞുവെന്നാണ് അഭി പറയുന്നത്. തുടര്‍ന്ന് വിവാഹ സര്‍ട്ടിഫിക്കറ്റും ഒരുപാട് ചിത്രങ്ങളും അഭി പരസ്യപ്പെടുത്തി.
ഇതിനിടെ ഇരുവരുടെയും സ്വകാര്യ വീഡിയോയും പുറത്ത് വന്നിട്ടുണ്ട്. ഒരു റൂമില്‍ ഇരുവരും ഒന്നിച്ചുള്ള സ്വകാര്യനിമിഷങ്ങളാണ് വീഡിയോയില്‍. അഭിയെ അതിഥിയെ വിവാഹം കഴിക്കുന്നതും വീഡിയോയിലുണ്ട്.
എന്നാല്‍ അഭി ശരവണനെ താന്‍ വിവാഹം കഴിച്ചിട്ടില്ലെന്ന വാദത്തില്‍ ഉറച്ചു നില്‍ക്കുകയാണ് അതിഥി. തനിക്കെതിരെ വ്യാജ തെളിവുകള്‍ ഉണ്ടാക്കുകയാണെന്നാണ് അതിഥി ആരോപിക്കുന്നത്.
കുറച്ച് ദിവസങ്ങള്‍ക്ക് മുമ്പ് അഭി ശരവണനെ വീട്ടില്‍ നിന്ന് കാണാതെ പോയിരുന്നു. മകന്റെ തിരോധാനത്തിന് പിന്നില്‍ അതിഥിയാണെന്ന് അദ്ദേഹത്തിന്റെ മാതാപിതാക്കള്‍ ആരോപിച്ചു. തുടര്‍ന്നാണ് അതിഥി പൊലീസില്‍ പരാതി നല്‍കിയത്.
ഞങ്ങള്‍ പ്രണയത്തിലായിരുന്നു എന്നത് സത്യമാണെന്നും അഭിപ്രായവ്യത്യാസങ്ങള്‍ ഉണ്ടായതിനെ തുടര്‍ന്ന് എല്ലാം സംസാരിച്ച് പിരിഞ്ഞതാണെന്നും തമ്മില്‍ വിവാഹം കഴിച്ചിട്ടില്ലെന്നുമാണ് അതിഥി പറയുന്നത്. മലയാളിയായ അതിഥി തമിഴ്സിനിമകളിലൂടെയാണ് ശ്രദ്ധേയായത്.
