Home kerala

ബംഗ്ലാദേശിനും ഫീൽഡിങ് പൊസിഷൻ സെറ്റ് ചെയ്ത് കൊടുത്ത് അമ്പരപ്പിച്ച് ധോണി

38

ഇത്തവണത്തെ ലോക കപ്പിന് മുന്നോടിയായി കഴിഞ്ഞ ദിവസം നടന്ന രണ്ടാം സന്നാഹ മത്സരത്തിൽ തകർപ്പൻ ജയമാണ് ഇന്ത്യ സ്വന്തമാക്കിയത്.

ധോണിയുടേയും രാഹുലിന്റേയും സെഞ്ച്വറി മികവിൽ കൂറ്റൻ സ്‌കോർ നേടിയ ഇന്ത്യ 95 റൺസിനാണ് ബംഗ്ലാദേശിനെ തോൽപിച്ചത്.

Advertisements

മത്സരത്തിൽ വെടിക്കെട്ട് ബാറ്റിങ്ങിലൂടെ സെഞ്ച്വറി നേടിയ ധോണിയുടെ ഇന്നിംഗ്‌സ് ഏറെ പ്രശംസ പിടിച്ചു പറ്റിയിരുന്നു.

78 പന്തിൽ 113 റൺസാണ് ധോണി നേടിയത്. മത്സരത്തിൽ ധോണിയുടെ മറ്റൊരു പ്രവൃത്തിയും ക്രിക്കറ്റ് ലോകത്തിന്റെ ശ്രദ്ധ പിടിച്ചു പറ്റിയിരുന്നു.

ബംഗ്ലാദേശിനെതിരേ ബാറ്റു ചെയ്യുന്നതിനൊപ്പം ധോണി അവർക്ക് ഫീൽഡ് സെറ്റ് ചെയ്തു കൊടുക്കുകയും ചെയ്തു.

മത്സരത്തിൽ ബംഗ്ലാദേശ് ബൗളർ സാബിർ റഹമാൻ എറിഞ്ഞ 40-ാം ഓവറിലായിരുന്നു സംഭവം.

മിഡ് വിക്കറ്റ് ഏരിയയിൽ കൃത്യമായ പൊസിഷൻ മനസ്സിലാകാതെ നിന്ന ബംഗ്ലാ ഫീൽഡറോട് സ്‌ക്വയർ ലെഗിലേക്ക് മാറാൻ ധോണി നിർദേശിക്കുകയായിരുന്നു.

ഇതുകണ്ട സാബിർ ഫീൽഡറെ ആ സ്ഥാനത്തേക്ക് മാറ്റുകയും ചെയ്തു. ഇതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.

Advertisement