മലയാളത്തിന്റെ താരരാജാവ് കംപ്ലീറ്റ് ആക്ടർ മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ദൃശ്യം 2 എന്ന ചിത്രത്തിന്റെ ട്രെയിലർ പുറത്തെത്തി. ആരാധകരെ അത്ഭുതപ്പെടുത്തി തിരച്ചും അപ്രതീക്ഷിതമായിട്ടായിരുന്നു ട്രെയിലർ റിലീസ് ചെയ്തത്.
മലയാള സിനിമ ചരിത്രത്തിലെ നാഴികക്കല്ലായ ദൃശ്യത്തിന്റെ രണ്ടാം ഭാഗം എന്ന നിലയിൽ വലിയ പ്രതീക്ഷയോടെയാണ് ഈ ചിത്രം പ്രേക്ഷകർ കാത്തിരിക്കുന്നത്. ഇന്ത്യൻ മുഴുവനുമുള്ള പ്രേക്ഷകർ കാത്തിരിക്കുന്ന ചിത്രം കൂടിയാണ് ദൃശ്യം 2 .
ഫെബ്രുവരി എട്ടിന് ഉച്ചക്ക് ഒരു മണിക്ക് ഒഫീഷ്യൽ ആയി ട്രെയിലർ റിലീസ് ചെയുമെന്നാണ് ആമസോൺ പ്രൈം പ്രഖ്യാപിച്ചിരുന്നത് എങ്കിലും ഇന്ന് ഉച്ചയോടെ അവർ ട്രെയിലർ പ്രീമിയർ തുടങ്ങിയപ്പോൾ സാങ്കേതികപരമായ തെറ്റുകൾ കൊണ്ട് ട്രെയിലർ ലീക്ക് ആവുകയായിരുന്നു.
അതോടെ സോഷ്യൽ മീഡിയ മുഴുവൻ ട്രെയിലർ വീഡിയോ പരക്കുകയും അതിനെ തുടർന്ന് ഇന്ന് തന്നെ ആമസോൺ പ്രൈം ഒഫിഷ്യൽ ആയി ട്രെയിലർ റിലീസ് ചെയ്യുകയുമായിരുന്നു. ഏതായാലും സർപ്രൈസ് ആയി എത്തിയ ഈ ട്രെയിലറിന് ഗംഭീര പ്രേക്ഷക പ്രതികരണമാണ് ഇപ്പോൾ ലഭിച്ചു കൊണ്ടിരിക്കുന്നത്.
ട്രെയിലറിൽ കാണിക്കുന്ന രംഗങ്ങളിലെ മോഹൻലാലിന്റെ പ്രകടനത്തിന് പ്രേക്ഷകരിൽ നിന്നും വലിയ പ്രശംസ ലഭിക്കുന്നുമുണ്ട്. മോഹൻലാൽ എന്ന നടനേയും താരത്തെയും സ്‌നേഹിക്കുന്നവർക്കെല്ലാം ദൃശ്യം 2 ഒരു വിരുന്നാകും എന്ന സൂചനയാണ് ട്രൈലെർ നൽകുന്നത്.
മീന, എസ്തർ അനിൽ, അൻസിബ, മുരളി ഗോപി, സായി കുമാർ, ഗണേഷ് കുമാർ എന്നിവരും അഭിനയിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്.
22 കോടിയോളമാണ് ഈ ചിത്രത്തിനായി ആമസോൺ പ്രൈം നൽകിയ ഡിജിറ്റൽ റൈറ്റ്‌സ് എന്നും റിപ്പോർട്ടുകൾ പറയുന്നു. ഫെബ്രുവരി 19 നു ഈ ചിത്രം ആമസോൺ പ്രൈം റിലീസ് ആയി എത്തുമെന്നാണ് അവർ പ്രഖ്യാപിച്ചിരിക്കുന്നത്.
