സിനിമയിൽ ഒട്ടേറെ വില്ലന്മാരെ തോൽപ്പിച്ച ശക്തനായ നായകനായ മമ്മൂട്ടിയും പഞ്ചഗുസ്തി ചാനപ്യൻ ജോബിയും തമ്മിൽ ഏറ്റുമുട്ടിയ രസകരമായി വീഡിയോ ഇപ്പോൾ വൈറലാവുകയാണ്. കൈരളി ടിവിയുടെ ഫീനിക്സ് അവാർഡ് വേദിയിലായിരുന്നു മമ്മൂട്ടിയും ജോബിയും തമ്മിലുള്ള പഞ്ചഗുസ്തി. ഒരു കൈ ഞാൻ തന്നെ നോക്കാമെന്ന് പറഞ്ഞ് മമ്മൂട്ടിയെത്തിയപ്പോൾ ജോബിയും ആഹ്ലാദത്തിലായി. ആരാധകരെ സാക്ഷി നിർത്തി റെഫറിയുടെ വിസിൽ മുഴക്കമില്ലാതെ ഒരു പഞ്ചഗുസ്തി മത്സരം.
ഷർട്ടിന്റെ കൈഭാഗം തെറുത്ത് കയറ്റി മമ്മൂക്ക തയ്യാറായി. ജോബിയും വിട്ടില്ല രണ്ടും കൽപ്പിച്ചായിരുന്നു പോരാട്ടം. പിന്നീട് സിനിമയെ വെല്ലുന്ന ത്രില്ലിൽ നിലയ്ക്കാത്ത കൈയ്യടിയായിരുന്നു സദസിൽ നിന്നും.
പഞ്ചഗുസ്തി ചാമ്പ്യന്റെ കൂടെ സ്റ്റേജിൽ വെച്ചു പഞ്ച് പിടിക്കുന്ന മമ്മൂട്ടിയുടെ പുതിയ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്.
ലോക പഞ്ചഗുസ്തി ചാമ്പ്യൻ ആയിട്ടുള്ള ജോബി മാത്യുവുമായി ആയിരുന്നു മമ്മൂട്ടിയുടെ മത്സരം. സിനിമയിൽ ഒട്ടേറെ വില്ലന്മാരെ തോൽപ്പിച്ച ശക്തനായ നായകൻ ആണെങ്കിലും ഇന്നലെ ജോബിയുടെ കൈക്കരുത്തിനു മുന്നിൽ മമ്മൂട്ടിയും തോൽവി സമ്മതിച്ചു.
ജോബിക്കൊപ്പം മമ്മൂട്ടി മത്സരിച്ചത് ഏറെ രസകരമായ കാഴ്ച്ച ആയിരുന്നു. കൈരളി ടി വി യുടെ ഫീനിക്സ് അവാർഡ് ദാന ചടങ്ങിൽ വെച്ചായിരുന്നു ഈ രസകരമായ മത്സരം നടന്നത്. മത്സരത്തിന് ശേഷം മമ്മൂട്ടി ജോബിയെ അഭിനന്ദിക്കുകയും ചെയ്തു. കൈരളി ടി വി യുടെ ചെയർമാൻ ആണ് മമ്മൂട്ടി. കൈരളി ടി വി യുടെ എം ഡി ആയ ജോൺ ബ്രിട്ടാസും മമ്മൂട്ടിയുടെ ഒപ്പം ഉണ്ടായിരുന്നു.
24 വേൾഡ് മെഡലുകൾ നേടിയിട്ടുള്ള ഗുസ്തി ചാമ്പ്യൻ ആണ് ജോബി മാത്യു. നോർമൽ വിഭാഗത്തിൽ 2008 ൽ സ്പെയിനിൽ വെച് ലോക പഞ്ച ഗുസ്തി ചാമ്പ്യൻ ആയ ജോബി, 2012 ഭിന്ന ശേഷി വിഭാഗത്തിലും ലോക പഞ്ച ഗുസ്തി ചാമ്പ്യൻ ആയി മാറി. 2013 ൽ അമേരിക്കയിൽ വച്ച് നടന്ന ഹ്രസ്വകായർക്കായുള്ള ഒളിമ്പിക്‌സിലെ ചാമ്പ്യൻ കൂടിയായ ജോബി, 5 സ്വർണ്ണ മെഡൽ ആണ് നേടിയത്. 2017 ൽ കാനഡയിൽ 6 സ്വർണ്ണ മെഡലുകളും ജോബി നേടിയിട്ടുണ്ട്. ഇതു കൂടാതെ മലയാള സിനിമയിലും ജോബി അഭിനയിച്ചിട്ടുണ്ട്. കഥ പറഞ്ഞ കഥ എന്ന ചിത്രത്തിൽ ആണ് ജോബി അഭിനയിച്ചിട്ടുള്ളത്.
വീഡിയോ കാണാം
