മലയാള സീരിയല്‍ പ്രേമികള്‍ക്ക് സുപരിതയാണ് അമൃത. സീരിയലുകളിലെ വ്യത്യസ്തമാര്‍ന്ന കഥാപാത്രങ്ങളിലൂടെയാണ് അമൃത ശ്രദ്ധിക്കപ്പെട്ടത്. പ്രശാന്താണ് അമൃതയുടെ ഭര്‍ത്താവ്.
ഇന്ന് സോഷ്യല്‍മീഡിയയില്‍ സജീവമാണ് അമൃത. സ്വന്തമായി ഒരു യൂട്യൂബ് ചാനലും താരത്തിനുണ്ട്. ഇപ്പോഴിതാ അമൃതയുടെയും ഭര്‍ത്താവിന്റെയും ഒരു അഭിമുഖമാണ് ശ്രദ്ധിക്കപ്പെടുന്നത്.
ചേട്ടന്റെയും വീട്ടുകാരുടെയും പിന്തുണയുള്ളതുകൊണ്ടാണ് താന്‍ ഇപ്പോഴും അഭിനയ രംഗത്ത് തുടരുന്നതെന്നും അവര്‍ പോവേണ്ട എന്ന് പറഞ്ഞാല്‍ താന്‍ ഈ ഫീല്‍ഡില്‍ ഉണ്ടാവില്ലെന്നും അമൃത പറയുന്നു. യുട്യൂബ് ചാനല്‍ തുടങ്ങിയതിനെക്കുറിച്ചും ഇരുവരും പറയുന്നുണ്ട്.
കല്യാണത്തിന് മുമ്പാണ് യൂട്യൂബ് ചാനല്‍ തുടങ്ങുന്നതിനെക്കുറിച്ച് അവര്‍ ചോദിക്കുന്നതെന്നും കല്യാണം കഴിഞ്ഞതിന് ശേഷമാണ് തുടങ്ങാമെന്ന് തീരുമാനിച്ചതെന്നും ഇപ്പോള്‍ രണ്ടാളും ഫ്രീയായിരിക്കുമ്പോഴാണ് വീഡിയോയെടുക്കുന്നതെന്നും അമൃത കൂട്ടിച്ചേര്‍ത്തു.
താന്‍ പുറത്തേക്ക് പോകാന്‍ ആഗ്രഹിച്ചിരുന്ന ആളാണെന്നും എന്നാല്‍ നടന്നില്ലെന്നും തനിക്ക് അഭിനയിക്കാന്‍ ആഗ്രമുണ്ടെന്ന് മനസ്സിലാക്കി അമൃത അവസരങ്ങള്‍ കൊണ്ടുതന്നുവെന്നും പ്രശാന്ത് പറയുന്നു.
