തന്റെ മുടി മുറിച്ചു നല്‍കിയതുമായി ബന്ധപ്പെട്ട് സമൂഹ മാദ്ധ്യങ്ങളില്‍ മോശമായ രീതിയില്‍ പ്രചരിക്കുന്ന വീഡിയോയിലെ സത്യവസ്ഥ എന്തെന്ന് വ്യക്തമാക്കി ഡബ്ബിംഗ് ആര്‍ട്ടിസ്‌റ്റും നടിയുമായ ഭാഗ്യലക്ഷ്മി രംഗത്ത്.
വിരല്‍തുമ്ബില്‍ നിന്നും പറ്റിയ പോയ അബദ്ധത്തിന്റെ പേരില്‍ ചില തല്‍പര കക്ഷികള്‍ക്ക് കുറച്ചു നേരത്തേക്ക് തന്നെ മാനസികമായി വിഷമിപ്പിക്കാന്‍ കഴിഞ്ഞെങ്കിലും ഇപ്പോള്‍ താന്‍ പഴയനിലയിലേക്ക് തിരിച്ചെത്തിയിരിക്കുന്നുവെന്ന് പറയുകയാണ് ഭാഗ്യലക്ഷ്മി.
മുടി മുറിച്ചു നല്‍കിയ വിവരം തന്റെ മക്കളോട് പറഞ്ഞതായിരുന്നു അത്. തീര്‍ത്തും സ്വകാര്യമായി അവര്‍ക്ക് അയച്ചു കൊടുത്തത്. എന്നാല്‍ ഒരു നിമിഷത്തെ അശ്രദ്ധയാല്‍ മറ്റൊരാള്‍ക്കു കൂടി ആ വീഡിയോ പോവുകയായിരുന്നു.
അങ്ങനാണ് അത് പ്രചരിച്ചത്. എന്നാല്‍ ആദ്യഭാഗം മനപൂര്‍വമായി വെട്ടിമാറ്റിയതിനു ശേഷമായിരുന്നു പ്രചാരണം. വളരെ കഷ്‌ടപ്പെട്ടാണ് താന്‍ ഈ നിലയില്‍ എത്തിയതെന്നും. അതുകൊണ്ടു തന്നെ ഇതിനേക്കാള്‍ കയ്‌പ്പേറിയ അനുഭവങ്ങള്‍ നേരിട്ടാണ് ഇവിടെ എത്തിയതെന്നും ഭാഗ്യലക്ഷ്മി പറയുന്നു.
‘ഞാന്‍ കരയാനൊന്നും ഒരുക്കമല്ല. കരയത്തുമില്ല. എന്റെ അച്ഛനേയോ, അമ്മയേയോ, ഭര്‍ത്താവിനെയോ ആരെക്കുറിച്ച്‌ എന്തു തന്നെ പറഞ്ഞാലും ഐ ഡോന്റ് കെയര്‍. ഫിനിക്‌സ് പക്ഷിയെ പോലെ ഞാന്‍ ഉയര്‍ത്തെഴുന്നേല്‍ക്കും’- ഭാഗ്യലക്ഷ്മി വ്യക്തമാക്കുന്നു.
