മലയാളികൾക്ക് ഒരു പ്രത്യേക ഇഷ്ടം ഉള്ള നടിമാരിലൊരാളാണ് ദിവ്യ ഉണ്ണി. പലപ്പോഴും തന്റെ വിശേഷങ്ങളെല്ലാം സോഷ്യൽ മീഡിയയിൽ പങ്കുവയ്ക്കാറുണ്ട് താരം. വിവാഹ ശേഷം അഭിനയ ലോകത്തോട് വിട പറഞ്ഞുവെങ്കിലും നൃത്ത വേദികളിൽ സജീവമാണ് താരം. കഴിഞ്ഞ ദിവസങ്ങളിൽ കുടുംബത്തോടൊപ്പം ചോറ്റാനിക്കര ക്ഷേത്രത്തിലും ഗുരുവായൂർ അമ്പലത്തിലും ദർശനം നടത്തുന്ന ചിത്രങ്ങളും ദിവ്യ ഉണ്ണി സോഷ്യൽ മീഡിയയിൽ പങ്കുവച്ചിരുന്നു. ഇപ്പോഴിത താരത്തിന്റെ പുതിയ ചിത്രങ്ങളാണ് സോഷ്യൽ മീഡിയ ഏറ്റെടുത്തിരിക്കുന്നത്.
ഒരു കാലത്ത് മലയാള സിനിമയിൽ വളരെ തിരക്കുള്ള നടിമാരിലൊരാളായിരുന്നു ദിവ്യ ഉണ്ണി. എന്നാൽ വിവാഹത്തോടെ അഭിനയത്തിൽ നിന്നും താരം ഇടവേളയെടുത്തു. നൃത്ത വേദിയിൽ ഇപ്പോഴും സജീവമാണ് താരം. അമേരിക്കയിൽ സ്വന്തമായി നൃത്തവിദ്യാലയവും നടത്തുന്നുണ്ട്. സിനിമയിലേക്ക് താരം തിരികെയെത്തുമെന്ന കാത്തിരിപ്പിലാണ് ആരാധകർ. ചുവപ്പ് നിറത്തിലെ സാരി ഉടുത്ത ചിത്രങ്ങളാണിപ്പോൾ ദിവ്യ പങ്കുവച്ചിരിക്കുന്നത്.
ALSO READ
മൂന്ന് മക്കളാണ് ദിവ്യയ്ക്കുള്ളത്. 2020 ജനുവരിയിലാണ് താരത്തിന് പെൺകുഞ്ഞ് ജനിച്ചത്. താനൊരു കുഞ്ഞ് രാജകുമാരിക്ക് ജന്മം നൽകിയെന്നും ഐശ്വര്യ എന്നാണ് പേരിട്ടിരിക്കുന്നതും ദിവ്യ സോഷ്യൽ മീഡിയയിൽ പങ്കുവച്ചിരുന്നു. അർജുൻ, മീനാക്ഷി എന്നിവരാണ് ദിവ്യയുടെ മറ്റു മക്കൾ. അടുത്തിടെ ഭർത്താവ് അരുണിനും മക്കൾക്കുമൊപ്പമുള്ള ചിത്രങ്ങൾ താരം പങ്കുവച്ചിരുന്നു. ഹൂസ്റ്റണിലെ ഗുരുവായൂരപ്പൻ ക്ഷേത്രത്തിൽ വച്ച് 2018 ഫെബ്രുവരി നാലിനായിരുന്നു ദിവ്യയുടെയും അരുണിന്റെയും വിവാഹം. താരത്തിന്റെ രണ്ടാം വിവാഹമാണിത്.
ബാലതാരമായാണ് ദിവ്യ സിനിമയിലെത്തിയത്. പിന്നീട് സഹനടിയായും നടിയായും സിനിമ ലോകത്ത് നിറഞ്ഞു നിൽക്കുകയായിരുന്നു. മലയാളം, തമിഴ്, കന്നഡ, തെലുങ്ക് എന്നീ ഭാഷകളിലും ചുരുങ്ങിയ കാലത്തിനുള്ളിൽ ദിവ്യ അഭിനയിച്ചിട്ടുണ്ട്. 1996 ൽ പുറത്തിറങ്ങിയ കല്യാണസൗഗന്ധികം ആയിരുന്നു താരത്തിന്റെ ആദ്യ ചിത്രം.
ALSO READ
ദിലീപ്, കലാഭവൻ മണി എന്നിവർക്കൊപ്പമായിരുന്നു ദിവ്യയുടെ ആദ്യ ചിത്രം. പിന്നീട് മമ്മൂട്ടി, മോഹൻലാൽ, സുരേഷ് ഗോപി, ജയറാം തുടങ്ങി മുൻനിര നടൻമാർക്കൊപ്പമെല്ലാം താരമെത്തി. ഭരതൻ, ഐ.വി ശശി, സിബി മലയിൽ തുടങ്ങി മുൻനിര സംവിധായകർക്കൊപ്പമെല്ലാം ദിവ്യ ഉണ്ണി പ്രവർത്തിച്ചു.
ആകാശഗംഗ, ഉസ്താദ്, ഫ്രണ്ട്‌സ്, സൂര്യപുത്രൻ, ഒരു മറവത്തൂർ കനവ്, കഥാനായകൻ, കാരുണ്യം തുടങ്ങി നിരവധി ചിത്രങ്ങളിലെ താരത്തിന്റെ കഥാപാത്രം ഏറെ ശ്രദ്ധിക്കപ്പെട്ടിരുന്നു. അടുത്തിടെ കൊച്ചിയിൽ വച്ചു നടന്ന അമ്മയുടെ ജനറൽ ബോഡി മീറ്റിങ്ങിലും താരം എത്തിയിരുന്നു.
View this post on Instagram
