ബാലതാരമായി എത്തി മലയാളികളുടെ ഹൃദയം കവര്‍ന്നതിന് ശേഷം മിനിസ്‌ക്രീനില്‍ നായികയായി എത്തി മലയാളികളുടെ പ്രിയങ്കരിയായി മാറിയ താരമാണ് നടി ഡോ. ഗോപിക അനില്‍. മിനിസ്‌ക്രീന്‍ പ്രേക്ഷകര്‍ക്ക് ഗോപിക അനില്‍ എന്ന പേരിനേക്കാള്‍ സുപരിചിതം അഞ്ജലി എന്ന പേരായിരിക്കും.
സ്വാന്തനത്തിലെ അഞ്ജലി എന്ന താരത്തിന്റെ കഥാപാത്രം ശ്രദ്ധിക്കപ്പെട്ടു. അടുത്തിടെയായിരുന്നു സിനിമാ മിനിസ്‌ക്രീന്‍ താരം ഗോവിന്ദ് പദ്മസൂര്യയുമായി ഗോപിയുടെ വിവാഹം. ആഡംബര വിവാഹമായിരുന്നു ഇവരുടേത്. വിവാഹത്തിന്റെ ചിത്രങ്ങളും വീഡിയോകളുമെല്ലാം സോഷ്യല്‍മീഡിയയില്‍ വൈറലായിരുന്നു.
വിവാഹശേഷം നടത്തിയ ഹണിമൂണ്‍ യാത്രകളുടെ വിശേഷങ്ങളും താരദമ്പതിമാര്‍ പങ്കുവെച്ചിരുന്നു. ഇപ്പോഴിതാ ഒരു ഉദ്ഘാടനത്തിനെത്തിയപ്പോള്‍ തങ്ങളുടെ ഹണിമൂണ്‍ യാത്രയെ കുറിച്ച് ഗോപിക പറഞ്ഞ കാര്യങ്ങളാണ് ശ്രദ്ധനേടുന്നത്.
മാധ്യപ്രവര്‍ത്തകരാണ് ഗോപികയോട് ഹണിമൂണിന് 10 ലക്ഷത്തോളം രൂപ ചെലവായോ എന്ന് ചോദിച്ചത്. അപ്പോള്‍ അത്രയൊന്നും ചെലവായിട്ടില്ലെന്നും കുറേ സ്ഥലത്തൊക്കെ പോയി, ഹോങ്കോങ്ങ് പോയിരുന്നുവെന്നും തായ്‌ലണ്ടില്‍ പോയില്ലെന്നും ഗോപിക പറയുന്നു.
ജിപി ചേട്ടന്‍ ഇപ്പോള്‍ ഷൂട്ടിലാണ്. തനിക്കും ഷൂട്ടൊക്കെ മിസ് ചെയ്യുന്നുണ്ടെന്നും ഗോപിക പറഞ്ഞു. ഗോപികയോട് ഹണിമൂണിന്റെ ചെലവിനെ കുറിച്ച് ചോദിച്ച മാധ്യമപ്രവര്ത്തകന് നേരെ രൂക്ഷവിമര്‍ശനമാണ് ഉയര്‍ന്നത്. ഗോപികയായതുകൊണ്ടാണ് വേറെ ആരെങ്കിലുമായിരുന്നുവെങ്കില്‍ കണക്കിന് കിട്ടിയേനെ എന്ന് ആരാധകര്‍ പറയുന്നു.
