മലയാളം മിനിസ്ക്രീനില് തിളങ്ങി നില്ക്കുന്ന സെലിബ്രിറ്റി ദമ്പതികളാണ് ജീവ ജോസഫും ഷിറ്റു എന്ന അപര്ണ തോമസും. സരിഗമപ കേരളം എന്ന സംഗീത റിയാലിറ്റി ഷോയിലൂടെ മലയാളികള്ക്ക് സുപരിചിതനായ ജീവ വളരെ ചുരുങ്ങിയ സമയം കൊണ്ടാണ് പ്രേക്ഷകഹൃദയങ്ങള് കീഴടക്കിയത്.
തനത് അവതരണ ശൈലി കൊണ്ടും ഫ്ലോറില് ജീവ പരത്തുന്ന പോസിറ്റിവിറ്റി കൊണ്ടുമൊക്കെയാണ് അവതാരകനെന്ന നിലയില് ജീവ ശ്രദ്ധ നേടിയത്. ഇപ്പോഴിതാ ജീവയും ഭാര്യയും മോഡലുമൊക്കെയായ അപര്ണയും അവതാരകരായി എത്തുന്ന മിസ്റ്റര് ആന്റ് മിസിസ് എന്ന ഷോയും സൂപ്പര് ഹിറ്റായി മുന്നേറുകയാണ്.
ജീവയുടെ ഭാര്യയായ അപര്ണ്ണ എയര്ഹോസ്റ്റസാണ്. അഭിനയത്തിലും കഴിവ് തെളിയിച്ചിട്ടുണ്ട് അപര്ണ്ണ. സൂര്യ മ്യൂസിക്ക് എന്ന സംഗീത ചാനലിലെ ലൈവ് ഷോ അവതാരകനായിട്ടായിരുന്നു ജീവയുടെ തുടക്കം. വ്യത്യസ്തമായ അവതരണ ശൈലിയുമായി പ്രേക്ഷകര്ക്ക് പ്രിയങ്കരനായി മാറിയതാണ് ജീവ. അപര്ണയും ജീവയും യൂട്യൂബിലും സജീവമായിരുന്നു. ഇടയ്ക്ക് അവര് ചാനല് നിര്ത്തുകയും ചെയ്തിരുന്നു. ഇപ്പോള് പുതിയ ചാനല് ആരംഭിച്ചിരിക്കുകയാണ് ഇരുവരും.
ഇപ്പോഴിതാ തങ്ങള്ക്ക് സോഷ്യല്മീഡിയയിലൂടെ വരുന്ന മോശം കമന്റുകളെ കുറിച്ച് സംസാരിക്കുകയാണ് ജീവ. ചിലര് ടോക്സിറ്റിക്ക് വേണ്ടി മാത്രമാണ് സോഷ്യല്മീഡിയ ഉപയോഗിക്കുന്നതെന്നും സോഷ്യല്മീഡിയയെ ആശ്രയിച്ച് ജീവിക്കുന്നവര് ഒത്തിരിയുണ്ടെന്ന് ഇവര് ആലോചിക്കുന്നില്ലെന്നും ജീവ പറയുന്നു.
ഇന്ന് വ്യക്തിപരമായി തെറി വിളിക്കാനും ഒരാളെ പറ്റി മോശം പറയാനുമൊക്കെയുള്ള പ്ലാറ്റ്ഫോമായി മാറിയിരിക്കുകയാണ് സോഷ്യല്മീഡിയ. തങ്ങളെ കുറിച്ച് മോശമായി കമന്റുകള് വന്നിട്ടുണ്ടെന്നും ഭാര്യയെ ഫ്രീയായി വിട്ടിട്ട് പുറകിലൂടെ നിന്റെ കാര്യങ്ങള് നോക്കുവാണല്ലേ എന്നൊക്കെ ചോദിച്ചിട്ടുണ്ടെന്നും ജീവ പറയുന്നു.
അവളെ അഴിച്ച് വിട്ടിരിക്കുവാണോ, ഒരു ഭര്ത്താവാണെന്ന് പറഞ്ഞ് നടക്കാന് നാണമില്ലേ എന്നൊക്കെ സ്ത്രീകള് മെസ്സേജ് ചെയ്തിട്ടുണ്ട്. ഭാര്യയെ തനിക്ക് ഇഷ്ടമുള്ള വസ്ത്രങ്ങള് ധരിപ്പിക്കുന്നതാണോ ആണത്തമെന്നും അവള്ക്ക് ഇഷ്ടമുള്ള കാര്യങ്ങള് ചെയ്യിക്കാതിരിക്കുന്നതാണോ ആണത്തമെന്നും ജീവ ചോദിക്കുന്നു.