49-ാമത് കേരള സംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. മികച്ച നടന്മാരായി ജയസൂര്യയെയും സൗബിന്‍ ഷാഹിറിനെയും തിരഞ്ഞെടുത്തു. ജോജു ജോര്‍ജാണ് മികച്ച സ്വഭാവനടന്‍. ജോസഫിലെ അഭിനയത്തിനാണ് അവാര്‍ഡ്. മികച്ച സംവിധായകനായി ശ്യാമ പ്രസാദും( ഒരു ഞായറാഴ്ച്ച) മികച്ച നവാഗത സംവിധായകനായി സക്കറിയ മുഹമ്മദും( സുഡാനി ഫ്രം നൈജീരിയ) തിരഞ്ഞെടുക്കപ്പെട്ടു.
നിമിഷ സജയനാണ് മികച്ച നടി. ജനപ്രിയ ചിത്രമായി സുഡാനി ഫ്രം നൈജീരിയയെയും തിരഞ്ഞെടുത്തു. സാംസ്‌കാരിക വകുപ്പ് മന്ത്രി എ.കെ ബാലനാണ് പുരസ്‌കാരങ്ങള്‍ പ്രഖ്യാപിക്കുന്നത്. പുതിയ തലമുറയും മുതിര്‍ന്നവരും തമ്മിലുള്ള ശക്തമായ മത്സരമായിരുന്നു അണിയറയില്‍.
104 ചിത്രങ്ങളാണ് ഇത്തവണ ചലച്ചിത്ര പുരസ്‌കാരത്തിന് മത്സരിക്കുന്നത്. അതിൽ 100 എണ്ണം ഫീച്ചർ വിഭാഗത്തിൽ ഉൾപ്പെടുന്നു.
പ്രമുഖ സംവിധായകൻ കുമാർ സാഹ്നിയാണ് ഇത്തവണത്തെ ജൂറി ചെയർമാൻ. സംവിധായകരായ ഷെറി ഗോവിന്ദൻ, ജോർജ് കിത്തു, ഛായാഗ്രാഹകൻ കെ.ജി ജയൻ, നിരൂപകരായ വിജയകൃഷ്ണൻ, എഡിറ്റർ ബിജു സുകുമാരൻ, സംഗീത സംവിധായകൻ പി.ജെ ഇഗ്‌നേഷ്യസ്, നടി നവ്യാ നായർ, മോഹൻദാസ് എന്നിവരും ജൂറി അംഗങ്ങളാണ്.
ജോജു ജോർജ് മികച്ച സ്വഭാവ നടൻ, ശ്യാമപ്രസാദ് മികച്ച സംവിധായകൻ, മികച്ച ചലച്ചിത്ര ഗ്രന്ഥം എം ജയരാജിന്റെ മലയാള സിനിമ പിന്നിട്ട വഴികൾ, മികച്ച സിനിമ ഒരു ഞായറാഴ്ച, മികച്ച സംവിധായകൻ, ശ്യാമപ്രസാദ്
#മികച്ച നടൻ ജയസൂര്യ, സൗബിൻ, #മികച്ച നടി നിമിഷ സജയൻ, മികച്ച കഥാകൃത്ത് ജോയ് മാത്യു (അങ്കിൾ), #മികച്ച ഛായാഗ്രാഹകൻ കെ യു മോഹനൻ (കാർബൺ), #മികച്ച തിരക്കഥാകൃത്ത് മുഹസിൻ പരാരി, സക്കറിയ (സുഡാനി ഫ്രം നൈജീരിയ)
മികച്ച ബാലതാരം മാസ്റ്റർ മിഥുൻ, #മികച്ച പിന്നണി ഗായകൻ വിജയ് യേശുദാസ്, #മികച്ച സിങ്ക് കൌണ്ട് അനിൽ രാധാകൃഷ്ണൻ, #ഛായാഗ്രാഹണം ജൂറി പരാമർശം മധു അമ്പാട്ട്, #മികച്ച കുട്ടികളുടെ ചിത്രം അങ്ങനെ അകലെ ദൂരെ, #മികച്ച ഗായിക ശ്രേയാ ഘോഷാൽ,
#മികച്ച കാല സംവിധായകൻ, #മികച്ച സംഗീത സംവിധായകൻ വിശാൽ ഭരദ്വാജ് (കാർബൺ), #മികച്ച പശ്ചത്തല സംഗീതം ബിജിബാൽ (ആമി), #മികച്ച കലാസംവിധായകൻ വിനേഷ് ബംഗ്ലാൽ (കമ്മാരസംഭവം), #മികച്ച ചിത്രസംയോജകൻ അരവിന്ദ് മൻമദൻ (ഒരു ഞായറാഴ്ച), #മികച്ച തിരക്കഥാകൃത്തുക്കൾ മുഹ്സിൻ പെരാരി, സക്കറിയ (സുഡാനി ഫ്രം നൈജീരിയ), #മികച്ച സ്വഭാവനടിമാർ സാവിത്രി ശ്രീധരൻ, സരസ്സ ബാലുശ്ശേരി
