കുഞ്ചന്‍ നമ്പ്യാരുടെ സ്ഥാനം വളരെ മലയാള സാഹിത്യ കല ലോകത്ത് വലുതാണ്. മലയാളികള്‍ അറിഞ്ഞിരിക്കേണ്ട ജീവിതമാണ് അദ്ദേഹത്തിന്റേത്.
ഇപ്പോഴിതാ കുഞ്ചന്‍ നമ്പ്യാരും വെള്ളിത്തിരയിലേക്ക് എത്തുകയാണ്. പ്രമുഖ സംവിധായകന്‍ ഹരിഹരന് ആണ് കുഞ്ചന്‍ നമ്പ്യാരുടെ ജീവിത കഥഒരുക്കുന്നത്.
ആ സിനിമയെ പറ്റി മനസ് തുറക്കുകയാണ് ഹരിഹരന്. കഥയെക്കുറിച്ചുള്ള ചിന്തകള്‍ പുരോഗമിക്കുമ്പോള്‍ തന്നെ കുഞ്ചന്‍ നമ്പ്യാരെ ആര് അവതരിപ്പിക്കും എന്നൊരു ചിന്തയും മനസ്സിലുണ്ടായിരുന്നു.
അഭിനയവും അഭ്യാസവും തുള്ളലുമൊക്കെയായി മികച്ച സാധ്യതയുള്ള വേഷമാണിത്. മുപ്പത് വയസ്സ് മുതല്‍ അറുപത്തിയഞ്ച് വയസ്സ് വരെയുള്ള നമ്പ്യാരുടെ ജീവിതമാണ് അവതരിപ്പിക്കാന്‍ ഉദ്ദേശിക്കുന്നത്.
ഒരൊറ്റ നടന്‍ തന്നെ ഇത് പൂര്‍ണമായി ചെയ്യണമെന്നാണ് ആഗ്രഹം. പല പേരുകളും മനസ്സില്‍ ഉണ്ടെങ്കിലും ആരെയും ഉറപ്പിച്ചിട്ടില്ല. അതൊരു സസ്പെന്‍സായി നില്‍ക്കട്ടെ.
എന്തായാലും നമ്പ്യാരുടെ കാസ്റ്റിങ് ഒരു സര്‍പ്രൈസായിരിക്കും. മൂന്ന് നായികമാരുണ്ട് ചിത്രത്തില്‍. പിന്നെ മാത്തൂര്‍ പണിക്കരെയും ദ്രോണമ്പള്ളി നായ്ക്കരെയും മാര്‍ത്താണ്ഡവര്‍മയെയും ചെമ്പകശ്ശേരി രാജാക്കന്മാരെയും പോലുള്ള ശക്തരായ കഥാപാത്രങ്ങള്‍ വേറെയും ഹരിഹരന് പറയുന്നു.
അതേ സമയം മോഹന്‍ലാലോ ദിലീപോ ജയറാമോ ഇവരില്‍ ആരെങ്കിലുംആകും കുഞ്ചന്‍ നമ്പ്യാര്‍ എന്നാണ് സിനിമാരംഗത്ത് നിന്നറിയാന്‍ കഴിയുന്നത്.
