മലയാളത്തിന്റെ താരരാജാവ് മോഹന്ലാലിനെ നായകനാക്കി ശ്രീകുമാര് മേനോന് ഒരുക്കിയ ചിത്രം ഒടിയന് മികച്ച പ്രതികരണം നേടി മുന്നേറുകയാണ്. ചിത്രത്തിന്റെ മേക്കിങ്ങ് വീഡിയോ ഇപ്പോള് വൈറലാകുകയാണ്.
മോഹന്ലാല് ഡ്യൂപ്പില്ലാതെ ഉയരത്തില് നിന്നും പറന്ന് വന്ന് നടത്തുന്ന സംഘട്ടനരംങ്ങളുടെ ചിത്രീകരണ ദൃശ്യങ്ങള് ആണ് വൈറലാകുന്നത്.
അതേ സമയം മലയാള സിനിമാ ചരിത്രത്തില് ഏറ്റവും വേഗത്തില് നൂറുകോടി കളക്ഷന് നേടുന്ന ചിത്രം എന്ന പദവി ഒടിയന് സ്വന്തമാക്കി എന്നാണ് ഇത് സംബന്ധിച്ച് അണിയറക്കാരുടെ അവകാശവാദം.
എല്ലാ പ്രധാന റിലീസ് കേന്ദ്രങ്ങളിലും പ്രദര്ശനം തുടരുന്ന ഒടിയന് കേവലം 30 ദിവസങ്ങള് കൊണ്ടാണ് 100 കോടി കളക്ഷന് നേടിയത്.
റിലീസിന് മുന്പ് തന്നെ നൂറു കോടിയുടെ പ്രീ ബിസിനസ് ചിത്രത്തിന് ലഭിച്ചിട്ടുണ്ടെന്ന് സംവിധായകന് ശ്രീകുമാര് മേനോന് നേരത്തെ അവകാശപ്പെട്ടിരുന്നു.
അതില് 72 കോടി ടെലിവിഷന് റൈറ്റ്, ബ്രാന്ഡിംഗ് റൈറ്റ്,തുടങ്ങിയ ഇനത്തില് ലഭിച്ച ചിത്രം അതിന്റെ കൂടെ വേള്ഡ് വൈഡ് അഡ്വാന്സ് ബുക്കിങ് കൂടി കണക്കിലെടുത്താണ് 100 കോടി പ്രീ ബിസിനസ് നേടിയത് എന്നാണ് സംവിധായകന് പറഞ്ഞത്.
ഇതോടെ സൗത്ത് ഇന്ത്യയിലെ എക്കാലത്തെയും ഏറ്റവും വലിയ പത്തു പണംവാരി ചിത്രങ്ങളുടെ പട്ടികയില് സ്ഥാനം പിടിച്ചിരിക്കുകയാണ് ഒടിയന്.
ബാഹുബലി യന്തിരന്, 2. 0, മെര്സല്, കബാലി, സര്ക്കാര്, തുടങ്ങിയ ചിത്രങ്ങളുടെ പട്ടികയിലേക്കാണ് ഒടിയനും എത്തിയിരിക്കുന്നത്.
മലയാള സിനിമാ വ്യവസായത്തിന് സ്വപ്നം കാണാന് കഴിയാത്ത നേട്ടമാണ് ഒടിയന് കുറിച്ചത്. പരസ്യ രംഗത്തെ പ്രമുഖനായ വി എ ശ്രീകുമാര് മോനോന് ആദ്യമായി സംവിധാനം ചെയ്ത ഒടിയന് നിര്മ്മിച്ചത് ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ്.
മേക്കിങ്ങ് വീഡിയോ കാണാം