തമിഴകത്തെ പുതിയ താരമായി മാറിയ മലയാളി നടി ഓവിയയാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ച. താരത്തിന്റെ ആത്മഹത്യാശ്രമവും പ്രണയവുമെല്ലാം വലിയ വാര്‍ത്ത ആയിരുന്നു.
ബിഗ്‌ബോസ് റിയാലിറ്റി ഷോയില്‍ മികച്ച പ്രേക്ഷക പ്രീതി നേടിയ ഓവിയയെ തുടക്കം മുതല്‍ പിന്തുണച്ച താരമാണ് ചിമ്പു.
ഇപ്പോള്‍ തമിഴകത്തെ വലിയ ചര്‍ച്ച ഷോയില്‍ നിന്നും പുറത്തായ ഓവിയയോട് ചിമ്പു വിവാഹാഭ്യര്‍ത്ഥന ചെയ്തതാണ്.
എസ്ടിആര്‍ എന്ന ട്വിറ്റര്‍ അക്കൗണ്ട് വഴിയാണ് ട്വീറ്റ് ചെയ്തത്. എന്നാല്‍ സംഭവം നിഷേധിച്ച് ചിമ്പു തന്നെ രംഗത്തെത്തി. വേരിഫൈഡ് ട്വിറ്റര്‍ അക്കൗണ്ടിന്റെ സ്‌ക്രീന്‍ഷോട്ട് ആയാണ് ട്വീറ്റ് പ്രചരിച്ചത്.
ദൈവാനുഗ്രഹമുള്ള, ധൈര്യശാലിയായ പെണ്‍കുട്ടിയാണ് ഓവിയ എന്നും ഓവിയെ വിവാഹം കഴിക്കാന്‍ താന്‍ തയ്യാറാണെന്നുമായിരുന്നു ട്വീറ്റ്. ആരാധകര്‍ ട്വീറ്റ് ഏറ്റെടുത്തതോടെ വലിയ ചര്‍ച്ചയായി.
എന്നാല്‍ ഇതൊരു വ്യാജട്വീറ്റ് ആയിരുന്നു. വിഷയത്തില്‍ രൂക്ഷപ്രതികരണവുമായി ചിമ്പു തന്നെ രംഗത്തെത്തി.
ഈ വ്യാജട്വീറ്റിന് പിന്നില്‍ ആരാണെന്ന് അറിയാമെന്നും ഇത് അവസാന മുന്നറിയിപ്പ് ആണെന്നും ചിമ്പു പറയുന്നു.
