ഭൂമിയോളം വിനയമുള്ള ദേവത ; തന്റെ വലിയ സ്വപ്നം സാക്ഷാത്കരിച്ചതിന്റെ സന്തോഷത്തിൽ സെലിബ്രിറ്റി മേക്കപ്പ് ആർട്ടിസ്റ്റ് ഉണ്ണി

96

സെലിബ്രിറ്റി മേക്കപ്പ് ആർട്ടിസ്റ്റായ ഉണ്ണി സോഷ്യൽ മീഡിയയിൽ അറിയപ്പെടുന്ന വ്യക്തിത്വം ആണ്. കാവ്യ മാധവനൊപ്പമുള്ള ചിത്രങ്ങളിലൂടെയാണ് ഉണ്ണി ആദ്യം ശ്രദ്ധ നേടിയത്.

Advertisements

ALSO READ

ഇവന്മാരൊക്കെ കണക്കാ, ഇന്ന് വരും നാളെ പോകും, അത്രേയുള്ളു; മമ്മൂട്ടിയുടെ കാലൊടിച്ച സംവിധായകന് പിന്നീട് സംഭവിച്ചത് ഇങ്ങനെ

തുടർന്ന് നിരന്തരം കാവ്യയുടെ മേക്കപ്പ് ചെയ്തു ശ്രദ്ധ നേടുകയായിരുന്നു ഉണ്ണി പിഎസ്. അടുത്തിടെ ഉണ്ണി സോഷ്യൽ മീഡിയയുടെ കൈയ്യടി നേടിയത് കേരളത്തിലെ ബിസിനസ് മാഗ്‌നെറ്റായ രവി പിള്ളയുടെ മകന്റെ വിവാഹത്തിന് വധുവിനെ അണിയിച്ചൊരുക്കി കൊണ്ടായിരുന്നു.

അത്യാഢംബരമായി നടന്ന വിവാഹവും വധുവിന്റെ ഒരുക്കവുമൊക്കെ സോഷ്യൽ മീഡിയയിൽ ഏറെ ശ്രദ്ധിക്കപ്പെട്ടിരുന്നു. ഇപ്പോഴിതാ സോഷ്യൽ മീഡിയയുടെ ശ്രദ്ധ വീണ്ടും പിടിച്ചു പറ്റുകയാണ് ഉണ്ണി. മലയാള സിനിമയിൽ ഒരു കാലത്തെ നായികാ സങ്കൽപമായിരുന്ന നടിയാണ് ശോഭന. ശോഭനയെ ഒരുക്കിയതിന്റെ വിശേഷം പങ്കുവെച്ചിരിക്കുകയാണ് ഉണ്ണിയിപ്പോൾ.

 

View this post on Instagram

 

A post shared by Unni (@unnips)

ശോഭനയെ ഒരുക്കുന്നതിന്റെ ചിത്രങ്ങളടക്കം പങ്കുവെച്ചുകൊണ്ടാണ് ഉണ്ണി തന്റെ സന്തോഷം പങ്കുവെച്ചത്. ഒരുപാട് സ്വപ്നം കണ്ട ഫോട്ടോഷൂട്ടാണ് ഇതെന്നും താൻ തന്റെ വലിയ സ്വപ്നം സാക്ഷാത്കരിക്കുകയാണ് എന്ന് വിശ്വസിക്കാൻ സാധിക്കുന്നില്ലെന്നും ഉണ്ണി ഇൻസ്റ്റാഗ്രാമിൽ ചിത്രം പങ്കുവെച്ചു കൊണ്ട് കുറിച്ചു.

ALSO READ

നാളെ എന്ന പ്രതീക്ഷയാണ് എന്റെ ജീവിതം, എനിക്ക് ഇപ്പോൾ ആഗ്രഹിക്കാനെ കഴിയൂ എന്റെ മാറ്റം അംഗീകരിക്കേണ്ടത് നിങ്ങളാണ് ; പുതിയ ചിത്രങ്ങൾ പങ്കു വച്ച് സൂരജ് സൺ, ചിത്രങ്ങൾ വൈറൽ

ഭൂമിയോളം വിനയമുള്ള ഈ ദേവതയെ ഒരുക്കാൻ അവസരം ലഭിച്ചതിൽ ഒരുപാട് സന്തോഷമുണ്ടെന്ന് ഉണ്ണി കുറിച്ചു. ലഭിക്കുന്ന സ്‌നേഹവും അഭിനന്ദനങ്ങളുമൊക്കെ തനിക്ക് സമ്മാനിക്കുന്നത് പോസിറ്റീവ് എനർജിയാണ് എന്നും ഉണ്ണി കുറിച്ചു. തനിക്കിപ്പോൾ തോന്നുന്നത് നന്ദിയും വിസ്മയവുമാണെന്നും ഉണ്ണി ചിത്രങ്ങൾക്കൊപ്പം ഇൻസ്റ്റാഗ്രാമിൽ കുറിച്ചിരിക്കുന്നു.

ഉണ്ണിയുടെ ഇൻസ്റ്റാഗ്രാം പോസ്റ്റിന്റെ പൂർണ്ണ രൂപം ഇങ്ങനെയാണ്. ‘ഞാനൊരുപാട് സ്വപ്നം കണ്ടിരുന്ന ഫോട്ടോഷൂട്ടാണ് ഇത്. ഇതാ ഞാനെന്റെ സ്വപ്നങ്ങൾ സാക്ഷാത്കരിക്കുകയാണ്, ഇത് എനിക്ക് തന്നെ വിശ്വസിക്കാനാകുന്നില്ല. ഭൂമിയോളം വിനയമുള്ള ഈ ദേവതയെ ഒരുക്കാൻ അവസരം ലഭിച്ചതിൽ ഒരുപാട് വിനയാന്വിതനാണ്.’

ഈ സ്‌നേഹവും അഭിനന്ദനങ്ങളും പോസിറ്റീവ് എനർജി പ്രചരിപ്പിക്കുകയാണ്. സത്യത്തിൽ വാക്കുകളില്ല, ഒരുപാട് നന്ദിയും വിസ്മയവും മാത്രമാണ് ഇപ്പോൾ എനിക്ക് തോന്നുന്നത്.’ ശോഭനയെ ഒരുക്കാനുള്ള അവസരത്തെ കുറിച്ച് ഉണ്ണി കുറിച്ചത് ഇങ്ങനെയാണ്. അരുൺ പയ്യടിമീതലാണ് ചിത്രങ്ങൾ പകർത്തിയിരിക്കുന്നത്. സ്‌റ്റൈലിംഗും കോർഡിനേഷനും ചെയ്തത് അർജുൻ വാസുദേവാണ് എന്നും ഉണ്ണി പരയുന്നുണ്ട്.

1980ൽ തമിഴിൽ അരങ്ങേറിയ ശോഭന 1984ൽ പുറത്തിറങ്ങിയ ഏപ്രിൽ 18 എന്ന ചിത്രത്തിലൂടെയാണ് ബാലചന്ദ്രമേനോന്റെ നായികയായി മലയാള സിനിമയിൽ എത്തിയത്. ആദ്യ സിനിമയിലൂടെ തന്നെ ഏറെ ശ്രദ്ധിക്കപ്പെട്ട ശോഭനയെ പിന്നീട് ഒരുപിടി നല്ല വേഷങ്ങൾ തേടിയെത്തി. തമിഴിലും തെലുങ്കിലും കന്നഡയിലുമൊക്കെ ചുരുങ്ങിയ സമയം കൊണ്ട് തന്റേതായ വ്യക്തിമുദ്ര പതിപ്പിച്ച അഭിനേത്രി കൂടിയാണ് ശോഭന.

തെന്നിന്ത്യൻ സിനിമാലോകത്ത് ഒട്ടനവധി മികച്ച വേഷങ്ങളിലൂടെ കഴിവ് തെളിയിച്ച നടിയാണ് ശോഭന. 1980 – 1990 കാലയളവിലാണ് തെന്നിന്ത്യൻ സിനിമാലോകത്ത് ശോഭന ചന്ദ്രകുമാർ പിള്ള എന്ന ശോഭന നിരവധി സിനിമകളുടെ ഭാഗമായത്. തമിഴിൽ തുടങ്ങി പിന്നീട് മലയാളത്തിലും തെലുങ്കിലും കന്നഡയിലും ഹിന്ദിയിലും ഇംഗ്ലീഷിലും വരെ നിരവധി സിനിമകളിൽ ശോഭന അഭിനയിച്ചിട്ടുണ്ട്.

 

Advertisement