തെന്നിന്ത്യന് സൂപ്പര്താരം ചിയാന് വിക്രം ചിത്രം സാമി 2 വിന്റെ തീയേട്രിക്കല് ട്രയിലറെത്തി. രണ്ടു മിനിറ്റ് ദൈര്ഘ്യമുള്ള മാസ്സായ സംഘട്ടന രംഗങ്ങളുണ്ട്.
കീര്ത്തി സുരേഷാണ് ചിത്രത്തില് വിക്രമിന്റെ നായികയായി എത്തുന്നത്. ആദ്യ ഭാഗം സംവിധാനം ചെയ്ത ഹരി തന്നെയാണ് ഈ സിനിമയും ഒരുക്കിയിരിക്കുന്നത്.
ദേവിശ്രീ പ്രസാദാണ് ഈ ബിഗ്ബജറ്റ് ചിത്രത്തിനു വേണ്ടി സംഗീത സംവിധാനം നിര്വ്വഹിക്കുന്നത്. ബോബി സിംഹയും ചിത്രത്തില് വളരെ പ്രാധാന്യമുള്ളൊരു കഥാപാത്രത്തെ അവതരിപ്പിക്കുന്നുണ്ട്. ഈ ചിത്രത്തില് മൂന്ന് വ്യത്യസ്ത ലുക്കുകളിലാണ് ബോബി സിംഹ എത്തുന്നത്.
ഏതാണ്ട് ആറ് മാസത്തെ പ്രയത്നത്തിനൊടുവിലാണ് ബോബി സിംഹയുടെ ലുക്കുകള് ഫൈനലായത്.പ്രഭു, ജോണ് വിജയ് സൂരി തുടങ്ങിയ താരങ്ങളും ചിത്രത്തില് പ്രധാന കഥാപാത്രങ്ങളായി എത്തുന്നുണ്ട്.
തമീന്സ് ഫിലിംസിന്റെ ബാനറില് ഷിബു തമീന്സാണ് സാമി 2വിന്റെ നിര്മ്മാണം നിര്വ്വഹിക്കുന്നത്. പ്രിയന് എ വെങ്കിടേഷ് ചായാഗ്രഹണം നിര്വ്വഹിക്കുന്ന ചിത്രത്തിന് വിടി വിജയനാണ് എഡിറ്റിങ്ങ് ചെയ്യുന്നത്.