മലയാളം മിനിസ്ക്രീൻ പേക്ഷകർക്ക് ഏറെ സുപരിചിതയാണ് ഗൗരി കൃഷ്ണൻ. ഇപ്പോൾ അഭിനയത്തിൽ നിന്നും വിട്ടുനിൽക്കുന്ന താരം യുട്യൂബ് ചാനലിലും സമൂഹമാധ്യമങ്ങളിലും സജീവമാണ്. ഏഷ്യാനെറ്റിൽ സംപ്രേക്ഷണം ചെയ്തിരുന്ന പൗർണമി തിങ്കൾ എന്ന സീരിയലിലൂടെയാണ് ഗൗരി കൃഷ്ണൻ പ്രശസ്തയായത്.
സീരിയലിന്റെ സംവിധായകൻ മനോജിനെ തന്നെയാണ് ഗൗരി വിവാഹം ചെയ്തതും. സെറ്റിൽ വെച്ച് തുടങ്ങിയ സൗഹൃദം പിന്നീട് പ്രണയമാവുകയായിരുന്നു. ഇപ്പോൾ അഭിനയത്തിൽ നിന്നും വിട്ടുനിൽക്കുന്ന താരം തന്റെ വിശേഷങ്ങൾ യുട്യൂബ് ചാനലിലൂടെ പങ്കുവെയ്ക്കാറുണ്ട്. ഒരിടവേളക്കു ശേഷം വീണ്ടും പുതിയ വ്ളോഗുമായി ഗൗരി തിരിച്ചെത്തിയിരിക്കുകയാണ്.
വീഡിയോയ്ക്കു താഴെ ഭർത്താവിനെക്കുറിച്ചുള്ള ചോദ്യങ്ങൾക്ക് തങ്ങളിപ്പോൾ പിരിഞ്ഞാണ് ജീവിക്കുന്നതെന്നും ഗൗരി മറുപടി നൽകുന്നുണ്ട്. ജീവിതത്തിലെ വലിയൊരു ട്വിസ്റ്റ് ആന്റ് ടേൺസും റോളർ കോസ്റ്റർ റൈഡിനുമൊക്കെ ശേഷം അവസാനം ഞാൻ ട്രാക്കിലേക്ക് തിരിച്ചെത്തുകയാണ്.
ഒരുപാടു പേർ എന്നോടു ചോദിച്ചിരുന്നു, എന്താണ് വീഡിയോകൾ ഇടാത്തത്, സീരിയൽ ചെയ്യാത്തത് എന്നൊക്കെ. എന്നെ അന്വേഷിച്ച എല്ലാവരോടുമുള്ള സ്നേഹവും നന്ദിയും അറിയിക്കുന്നു. ജീവിതം തന്നെ മൊത്തത്തിൽ ഒന്ന് ബ്രേക്കായിരുന്നു. ആ ബ്രേക്കിൽ നിന്ന് വീണ്ടുമൊരു റീ സ്റ്റാർട്ട് പോലെ തുടങ്ങുകയാണ്.
ഇതുവരെ ലഭിച്ച പിന്തുണയും സ്നേഹവും ഇനിയും പ്രതീക്ഷിക്കുന്നു എന്നു പറഞ്ഞുകൊണ്ടാണ് ഗൗരി വീഡിയോ തുടങ്ങുന്നത്. ഒരു സുഹൃത്തിന്റെ വിവാഹത്തിന് പോകുന്ന വിശേഷങ്ങളാണ് തുടർന്ന് ഗൗരി വീഡിയോയിൽ ഉൾപ്പെടുത്തിയിരിക്കുന്നത്.
വീഡിയോയ്ക്കു താഴെ നിരവധിയാളുകളാണ് മനോജ് എവിടെ എന്നു ചോദിക്കുന്നത്. മനോജുമായി ബന്ധപ്പെട്ട ചോദ്യങ്ങൾക്കെല്ലാം ഗൗരി മറുപടി നൽകുന്നുമുണ്ട്. തങ്ങളിപ്പോൾ പിരിഞ്ഞാണ് താമസിക്കുന്നതെന്നും സ്നേഹം പിടിച്ചു വാങ്ങാൻ കഴിയുന്ന ഒന്നല്ലെന്നും ഗൗരി പറയുന്നു. ആരുടെയും ജീവിതത്തിൽ ഒരു ബാധ്യതയായി തീരാൻ ആഗ്രഹിക്കുന്നില്ലെന്നും വീഡിയോയിൽ കാണുന്നതുപോലെയല്ല ആരുടെയും ജീവിതമെന്നും ഗൗരി കൂട്ടിച്ചേർത്തു.
