പ്രശസ്ത സിനിമ സീരിയൽ താരം മോഹിത് റൈന വിവാഹിതനായി. ടെലിവിഷൻ താരമായ അതിഥി ശർമയാണ് വധു. പ്രണയവിവാഹമാണ് ഇരുവരുടെയും. ടെലിവിഷനിലെ ഹിറ്റ് സീരിയലായ ദേവോം കി ദേവ് മഹാദേവിൽ പരമ ശിവന്റെ റോളിലായിരുന്നു മോഹിത് എത്തിയിരുന്നത്.
ഈ വേഷമാണ് മോഹതി റൈനയെ പ്രശസ്തിയിലേയ്ക്ക് ഉയർത്തിയത്. ഈ നൂറ്റാണ്ടിലെ പെർഫെക്ട് ശിവൻ എന്നായിരുന്നു ആരാധകർ മോഹിതിനെ വിശേഷിപ്പിച്ചിരുന്നത്. എല്ലാവരുടെയും സ്നേഹവും പ്രാർഥനകളും തനിക്കുണ്ടാകണമെന്ന് മോഹിത് ഇൻസ്റ്റഗ്രാമിലൂടെ ആരാധകരോട് അഭ്യർത്ഥിച്ചു.
Also Read
കൂടെ അഭിനയിക്കാൻ ദുൽഖറിനെക്കാൾ താൻ കംഫർട്ടബിൾ മമ്മൂട്ടിയ്‌ക്കൊപ്പം: ഷൈൻ ടോം ചാക്കോ
പാർവതി ശിവൻ പരിണയം എന്ന രീതിയിൽ മോഹിതിന്റെയും അതിഥിയുടെയും വിവാഹം ആരാധകർ സോഷ്യൽ മീഡിയയിൽ ആഘോഷിക്കുന്നുണ്ട്. ഡോൺ മുത്തു സ്വാമി എന്ന ചിത്രത്തിലൂടെയാണ് മോഹിത് സിനിമയിൽ എത്തിയത്.
ഉറി-ദ സർജിക്കൽ സ്ര്ടൈക്ക്, മിസിസ് സീരിയൽ കില്ലർ, ഷിദാത് തുടങ്ങിയവയാണ് മോഹിതിന്റെ മറ്റ് ചിത്രങ്ങൾ. വിവാഹ ചിത്രം ഇതിനോടകം സൈബറിടത്ത് തരംഗം സൃഷ്ടിച്ചു കഴിഞ്ഞു. നിരവധി പേരാണ് താരത്തിന്റെ ചിത്രങ്ങൾക്ക് ലൈക്കുകളും കമന്റുകളുമായി എത്തുന്നത്.
