Celebrities Entertainment Health

കുഞ്ഞിന് മുലയൂട്ടുന്നത് അൽപ്പം പ്രയാസമായിരുന്നു, സാധാരണ പാലണ് കുട്ടിക്ക് കൊടുത്തത്, അതിന് പലരുടേയും വായിലിരുക്കുന്നത് കേൾക്കേണ്ടി വന്നു: നടി ശിവദ

ആൽബം ഗാനങ്ങളിലെ പ്രകടനങ്ങളിലൂടെ സിനിമയിൽ ചേക്കേറിയ ശിവദ കേരള കഫെ എന്ന ചിത്രത്തിലൂടെയാണ് സിനിമയിൽ ചുവട് വെച്ച താരമാണ് ശിവദ നായർ. സു സു സുധി വാത്മീകം, അച്ചായൻസ്, ലക്ഷ്യം, തുടങ്ങിയ മലയാളം ചലച്ചിത്രങ്ങളിലൂടെ ശിവദ മലയാളികൾക്ക് പ്രിയങ്കരിയായി മാറി.

ലിവിംഗ് ടുഗതർ എന്ന ഫാസിൽ ചിത്രത്തിലൂടെ കൂടുതൽ ശ്രദ്ധ നേടിയ ശിവദ പിന്നീട് തമിഴ് മലയാള ചലച്ചിത്രങ്ങളിൽ സജീവ സാന്നിധ്യമായി. നെടുംചാലയ് എന്ന ചിത്രത്തിലൂടെയായിരുന്നു താരത്തിന്റെ തമിഴ് സിനിമാ അരങ്ങേറ്റം. തുടർന്ന്, സീറോ, അതേ കൺകൾ, മാരാ തുടങ്ങിയ തമിഴ് ചിത്രങ്ങളിൽ അഭിനയിച്ചു. സിനിമകളിലെ പോലെ തന്നെ സമൂഹ മാധ്യമങ്ങളിലും സജീവമാണ് ശിവദ.

ലിവിങ് ടുഗദറിന് ശേഷം തമിഴിലും മലയാളത്തിലുമായി പത്തോളം ചിത്രങ്ങളിൽ താരം ചുരുങ്ങിയ കാലത്തിനുള്ളിൽ ചെയ്തിട്ടുണ്ട്. ജയസൂര്യയുടെ നായികയായി എത്തിയ സു സുധി വാത്മീകമാണ് ശിവദയുടെ ശ്രദ്ധിക്കപ്പെട്ട കഥാപാത്രം. ലൂസിഫറാണ് താരം അവസാനം അഭിനയിച്ചത്.

2015 ഡിസംബറലായിരുന്നു മുരളി കൃഷ്ണനെ വിവാഹം കഴിക്കുന്നത്. സീരിയലുകളുടെയും സിനിമയിലൂടെയും കലാ രംഗത്ത് സജീവമായിരുന്ന താരമായിരുന്നു മുരളി. വിനയൻ ചിത്രമായ രഘുവിന്റെ സ്വന്തം റസിയയിലും ദുൽഖർ ചിത്രം സെക്കൻഡ് ഷോയിലൂടെയും പ്രേക്ഷകർക്ക് പരിചിതനാണ് മുരളിയും.

ശിവദ മുരളി കൃഷ്ണൻ ദമ്പതികൾക്ക് 2019 ലാണ് മകൾ ജനിക്കുന്നത്. മകൾ ജനിച്ച ശേഷവും സിനിമയിലും സീരിയലിലും സജീവമാണ് താരം. അരുന്ധതി എന്നാണ് മകൾക്ക് പേരിട്ടിരിക്കുന്നത്. കുഞ്ഞിന്റെ കുഞ്ഞിക്കൈയുടെ ചിത്രവും പങ്കുവച്ചു കൊണ്ടാണ് താരം മകൾ ജനിച്ച സന്തോഷെ പങ്കുവച്ചത്.

പ്രസവ സമയത്ത് മാത്രമാണ് താരം സിനിമയിൽ നിന്നും മാറി നിന്നത്ഇപ്പോളിതാ മകളെക്കുറിച്ചും ജീവിതത്തെക്കുറിച്ചും തുറന്നുപറയുകയാണ് താരം. ആദ്യമായി അമ്മയാകുന്നവർക്ക് ചില ഉപദേശം കൊടുക്കുകയാണ് ശിവദ.

ഇപ്പോൾ അങ്ങനെ കിട്ടുന്ന ഉപദേശങ്ങൾ കണ്ടില്ല എന്ന് നടിക്കാൻ എനിക്കൊട്ടും പേടിയില്ലെന്നും ശിവദ പറഞ്ഞു എന്നെ സംബന്ധിച്ച്, പ്രസവാനന്തരം മുലയൂട്ടുന്നത് അല്പം പ്രയാസമായിരുന്നു. അതുകൊണ്ട് തന്നെ മകൾക്ക് സാധാരണ പാലാണ് കൊടുത്തിരുന്നത്. അതിനും ഒരുപാട് വിമർശനങ്ങൾ കേൾക്കേണ്ടി വന്നു.

എന്റെ കാര്യത്തിൽ, കുഞ്ഞിന് 2.5 കിലോ ഭാരം മാത്രമേ ആദ്യം ഉണ്ടായിരുന്നുള്ളൂ. പിന്നെ കുഞ്ഞ് പെട്ടന്ന് തടിവച്ചു. അപ്പോൾ എല്ലാവരും പറഞ്ഞു ഞാൻ കുഞ്ഞിന് അധികം മുലപ്പാൽ നൽകിയത് കൊണ്ടാണെന്ന്. പിന്നെ കുഞ്ഞ് കുറച്ച് തടി കുറഞ്ഞു, അപ്പോൾ പറയുന്നത് ഞാൻ എന്റെ കുഞ്ഞിന് ശരിയായി മുലയൂട്ടുന്നില്ല എന്നാണ്.

എനിക്ക് വല്ലാതെ വിഷമം തോന്നി. ഇപ്പോൾ ചിന്തിക്കുമ്പോൾ, ഞാൻ എന്റെ കുഞ്ഞിനെ പരിപാലിച്ചതെല്ലാം വളരെ നല്ല രീതിയിലാണ്. ഒരു അമ്മ എന്ന നിലയിൽ നിങ്ങൾ സ്വയം വിശ്വസിക്കുക. സ്വന്തം കുഞ്ഞിന് നിങ്ങൾ ചെയ്യുന്നത് ഒന്നും ഒരിക്കലും കുറഞ്ഞ് പോവില്ല. നിങ്ങളുടെ കുഞ്ഞിന്റെ നല്ല അമ്മയായിരിക്കുക. എപ്പോഴും സന്തോഷത്തോടെ ഇരിക്കുക.

മാതൃത്വം ആസ്വദിയ്ക്കുകയും കുഞ്ഞിനൊപ്പമുള്ള പരമാവധി ഫോട്ടോകൾ എടുത്ത് സൂക്ഷിക്കുകയും ചെയ്യുകയും വേണമെന്ന് ശിവദ പറയുന്നു.

Tags