ഏഷ്യാനെറ്റിൽ സംപ്രേഷണം ചെയ്യുന്ന സൂപ്പർഹിറ്റ് പരമ്പരയായ കുടുംബവിളക്ക് മിനി സ്‌ക്രീനിൽ ടോപ് റേറ്റിങ്ങിൽ നിൽക്കുന്ന സീരിയലാണ്. സുമിത്ര എന്ന വീട്ടമമയുടെ കഥ പറയുന്ന സീരിയൽ ഇതിനോടകം തന്നെ ആരാധകർ ഏറ്റെടുത്ത് കഴിഞ്ഞു.
മലയാള സിനിമയിലെ താരരാജാവ് മോഹൻലാലിനെ നായകനാക്കി ബ്ലസ്സി ഒരുക്കിയ തൻമാത്ര എന്ന സിനിയിലൂടെ എത്തി പിന്നീട് മലയാളികളുടെ പ്രിയങ്കരിയായി മാറിയ മീരാ വാസുദേവാണ് ഇതിലെ നായികയായി സുമിത്രയെ അവതരിപ്പിക്കുന്നത്.
ഈ പരമ്പരയിൽ സുമിത്രയുടെ മകളായ ശീതൾ എന്നാ കഥാപാത്രത്തിലൂടെ ഇപ്പോൾ സീരിയൽ പ്രേമികളുടെ നിറഞ്ഞ കൈയ്യടി വാങ്ങുന്ന താരമാണ് അമൃത നായർ. അത സമയം അമൃത നായർ കുടുംബവിളക്കിൽ എത്തും മുൻപേ ശീതളിനെ അവതരിപ്പിച്ചിരുന്നത് പാർവതി വിജയ് ആയിരുന്നു. പാർവതിയുടെ പിന്മാറ്റത്തോടെയാണ് അമൃത കുടുംബവിളക്കിലേക്ക് എത്തിയത്.
ശീതൾ ആയി എത്തും മുൻപേ തന്നെ മിനി സ്‌ക്രീൻ പരമ്പരകളിലു സ്റ്റർമാജിക്കിലും അമൃത അഭിനയിച്ചിട്ടുണ്ട്. അമൃതയെ സ്റ്റാർമാജിക്കിലൂടെ പ്രേക്ഷർക്ക് പരിചിതം ആണെങ്കിലും, ഏറ്റവും കൂടുതൽ ശ്രദ്ധ ലഭിച്ചത് ശീതൾ എന്ന കഥാപാത്രത്തിലൂടെയാണ്. തനിക്ക് പ്രതീക്ഷിക്കാതെ കൈ വന്ന ഭാഗ്യം എന്നാണ് കുടുംബവിളക്കിലെ ശീതളിനെക്കുറിച്ച് പലകുറി അമൃത പറഞ്ഞിട്ടുള്ളത്.
ഇപ്പോൾ അമൃത പങ്ക് വച്ച ഒരു ഇൻസ്റ്റസ്റ്റോറിയാണ് ഏറെ വൈറലാകുന്നത്. മഞ്ഞച്ചരടിൽ കോർത്തതാലിയും അണിഞ്ഞുകൊണ്ടുള്ള ഒരു വീഡിയോ ആണ് അമൃത സോഷ്യൽ മീഡിയ വഴി പങ്കുവച്ചിരിക്കുന്നത്. വീഡിയോയ്ക്ക് പിന്നാലെ അമൃതയുടെ വിവാഹം കഴിഞ്ഞോ എന്നരീതിയിൽ ചോദ്യവുമായി ആരാധകർ എത്തി.
എന്നാൽ തന്റെ വിവാഹം അല്ല, ഷൂട്ട് ആവശ്യത്തിന് വേണ്ടി കൊണ്ടുവന്ന താലിയാണ്, താൻ വെറുതെ ഒന്ന് ഇട്ടുനോക്കിയതാണ് എന്ന മറുപടിയാണ് അമൃത നൽകിയത്. അതേസമയം സീരിയിൽ ഒരു പ്രധാന കഥാപാത്രത്തെ അവതരിപ്പിക്കുന്ന നൂബിയും ഒത്തുള്ള വീഡിയോയും അമൃത പങ്ക് വച്ചിട്ടുണ്ട്.
ഹാപ്പി മാരീഡ് ലൈഫ്, നാട്ടുകാരെക്കൊണ്ട് അതും ഇതും പറയിപ്പിച്ചെ അടങ്ങൂ. അല്യോടാ മക്കളെ, എന്ന് തുടങ്ങി രസകരമായ കമന്റുകളും വീഡിയോയ്ക്ക് ലഭിക്കുന്നുണ്ട്. കൊല്ലം ജില്ലയിലെ പത്തനാപുരം പുന്തല സ്വദേശിയായ അമൃത ഡിഗ്രി പഠനത്തിന് ശേഷം ഒരു പ്രൈവറ്റ് ഫെമിൽ ജോലി ചെയ്യുന്ന അവസരത്തിൽ ആണ് മിനി സ്‌ക്രീനിലേക്ക് എത്തിയത്.
ഡോക്ടർ റാം. ഒരിടത്തൊരു രാജകുമാരി തുടങ്ങിയ പരമ്പരകൾ ആണ് ആദ്യകാലങ്ങളിൽ അമൃതചെയ്തത്. രാജകുമാരിയിലെ ചാരു എന്ന കഥാപാത്രത്തിന് ശേഷം ആണ് സ്റ്റാർ മാജിക്ക് എന്ന ഒരു വലിയ ഷോയിലേക്ക് അമൃത എത്തിയത്. അതുവഴിയാണ് കുടുംബവിളക്കിലേക്ക് താരം പ്രവേശിച്ചത്.
