ടിനി ടോം തിരക്കഥയെഴുതി സംവിധാനം ചെയ്യുന്ന ചിത്രത്തിൽ മമ്മൂട്ടി നായകൻ, ചിത്രീകണം പൂർണമായും ഗൾഫിൽ, ടിനി ഒരുക്കുന്നത് അഷ്റഫ് താമരശേരിയുടെ സംഭവബഹുലമായ ജീവിതം

18

മിമിക്രി രംഗത്ത് നിന്നും സിനിമയിലെത്തി തന്റേതായ ഒരു സ്ഥാനം നേടിയെടുത്ത നടനാണ് ടിനി ടോം. മെഗാസ്റ്റാർ മമ്മൂട്ടിയുമായി വളരെ അടുത്ത സൗഹൃദം സൂക്ഷിക്കുന്ന ആളുമാണ് ടിനി. ഇപ്പോഴിതാ ടിനി ടോം തിരക്കഥയെഴുതുന്ന ചിത്രത്തിൽ മമ്മൂട്ടി നായകനാകുന്നു. പൂർണമായും ഗൾഫിൽ ചിത്രീകരിക്കുന്ന ഈ സിനിമ ബിഗ് ബജറ്റിലാണ് പ്ലാൻ ചെയ്യുന്നത്.

യുഎഇയിലെ സാമൂഹ്യ പ്രവർത്തകൻ അഷ്റഫ് താമരശേരിയുടെ ജീവിതം അടിസ്ഥാനമാകിയാണ് ഈ സിനിമ ഒരുങ്ങുന്നത്. ഗൾഫിൽ വച്ച മരണപ്പെടുന്ന പ്രിയപ്പെട്ടവരുടെ മൃതദേഹങ്ങൾ നാട്ടിലെത്തിക്കുന്നതിന് കുടുംബങ്ങൾക്ക് സഹായം ചെയ്യുന്ന അഷ്റഫ് താമരശേരിയുടെ സംഭവബഹുലമായ ജീവിതമാണ് ടിനി ടോം തന്റെ തിരക്കഥയിൽ വരഞ്ഞിടുന്നത്.

Advertisements

ബോളിവുഡ് നടി ശ്രീദേവിയുടെ മൃതദേഹം ഇന്ത്യയിൽ എത്തിക്കാൻ സഹായിച്ചതും അഷ്റഫായിരുന്നു. ആ സംഭവത്തോടെയാണ് സിനിമ ആരംഭിക്കുന്നതെന്നാണ് റിപ്പോർട്ടുകൾ. തികച്ചും കൊമേഴ്‌സ്യലായ ഒരു സിനിമയായിരിക്കും ഇത്.

സൌബിൻ ഷാഹിർ, ഹരീഷ് കണാരൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. മലയാളത്തിലെ പ്രമുഖനായ സംവിധായകനായിരിക്കും ഈ ചിത്രം സംവിധാനം ചെയ്യുക.

Advertisement