ഞങ്ങളെ പലരും പല തവണ ഡിവോഴ്‌സ് ചെയ്യിപ്പിച്ചു, പക്ഷേ ഞങ്ങളുടെ യാത്ര മുന്നോട്ട് തന്നെ പോവുകയാണ്: മഞ്ജു പത്രോസ്

വെറുതെ അല്ല ഭാര്യ എന്ന റിയാലിറ്റി ഷോയിലൂടെയെത്തി പിന്നീട് മലയാളികളുടെ പ്രിയപ്പെട്ട നടിയായി മാറിയ താരമാണ് മഞ്ജു പത്രോസ്. മഴവിൽ മനോരമയിലെ ഫാമിലി റിയാലിറ്റി ഷോയിൽ കൂടി എത്തുകയും തുടർന്ന് മറിമായം സീരിയലിൽ അഭിനയിക്കുകയും അതിലൂടെ മലയാള സിനിമയിൽ എത്തുകയും ആയിരുന്നു ഈ എറണാകുളം കിഴക്കമ്പലം സ്വദേശിനി.

പിന്നീട് മനിസ്‌ക്രീനിലും ബിഗ്സ്‌ക്രീനിലുമായി താരം പ്രേക്ഷകർക്ക് മുന്നിൽ എത്തി.
മുന്തിരിവള്ളികൾ തളിർക്കുമ്പോ ൾ എന്ന ചിത്രത്തിൽ കൂടി മോഹൻലാലിന് ഒപ്പം വരെ അഭിനയിച്ചിട്ടുള്ള നടിയാണ് മഞ്ജു പത്രോസ്. ബിഗ്‌ബോസ് രണ്ടാം സീസണിലെ കരുത്തുറ്റ മത്സരാർത്ഥികളിൽ ഒരാൾ കൂടിയായിരുന്നു.

എന്നാൽ ബിഗ് ബോസ് സീസൺ രണ്ടിൽ എത്തിയതോടെ താരം ചില വിവാദങ്ങളിലും പെട്ടിരുന്നു. താരത്തിനെതിരെ സൈബർ അറ്റാക്കും രൂക്ഷമായിരുന്നു. ഇപ്പോഴും സോഷ്യൽ മീഡിയകളിൽ ഓരോ പോസ്റ്റുമായി എത്തുമ്പോൾ നെഗറ്റീവ് കമന്റുകൾ പതിവാണ്.

ഭർത്താവുമായി മഞ്ജു വേർപിരിയുന്നു എന്നും വാർത്തകൾ പ്രചരിച്ചിരുന്നു. ബിഗ്ബോസിൽ മഞ്ജു പുറത്താകുന്നതിന് മുമ്പേ ഈ പ്രചരണങ്ങൾ നടന്നിരുന്നു. ഷോയിൽ നിന്ന് പുറത്തെത്തിയതിനു ശേഷം ബ്ലാക്കീസ് എന്ന പേരിലുള്ള തങ്ങളുടെ യുട്യൂബ് ചാനലും അഭിനയവും ഒക്കെയായി മുന്നോട്ടു പോവുകയാണ് മഞ്ജു.

വ്യക്തിപരമായ വിശേഷങ്ങളൊക്കെ അവർ ഫേസ്ബുക്കിലൂടെ പങ്കുവെക്കാറുമുണ്ട്. ഇപ്പോഴിതാ തന്റെയും ഭർത്താവ് സുനിച്ചന്റെയും 15ാം വിവാഹവാർഷികത്തിന്റെ സന്തോഷം പങ്കുവെക്കുകയാണ് അവർ.
മഞ്ജു പത്രോസിന്റെ പോസ്റ്റ് ഇങ്ങനെ. ഇന്ന് ഞങ്ങളുടെ വിവാഹ വാർഷികമാണ്.

ഇതിനിടയിൽ തന്നെ പലരും പല പ്രാവശ്യം ഞങ്ങളെ ഡിവോഴ്‌സ് ചെയ്യിപ്പിച്ചു. സുനിച്ചനെ ആത്മഹത്യാ ചെയ്യിപ്പിച്ചു. പക്ഷെ ഇതൊന്നും ഞങ്ങൾ അറിഞ്ഞില്ല. ഇന്നേക്ക് 15വർഷം, ഞങ്ങളുടെ യാത്ര മുന്നോട്ട് പോകുകയാണ്. സ്‌നേഹിച്ചവരോട്, തിരിച്ചു സ്‌നേഹം മാത്രമേ തരാനുള്ളൂ. ഇനിയും പ്രാർഥനയും കരുതലും കൂടെ വേണം.നിരവധി ആരാധകരാണ് സപ്പോർട്ടുമായെത്തിയിരിക്കുന്നത്.

ബിഗ് ബോസിന് ശേഷം അളിയൻസ് എന്ന പരമ്പരയിലൂടെയും മഞ്ജു ഇപ്പോൾ താരമാണ്. വെറുതെ അല്ല ഭാര്യ റിയാലിറ്റി ഷോയിൽ എത്തും മുൻപ് മഞ്ജു ലോഹിതദാസിന്റെ ചക്രത്തിലൂടെ വെള്ളിത്തിരയിൽ എത്തിയിരുന്നു. ചക്രത്തിനു ശേഷമാണ് താരം വീണ്ടും കലാരംഗത്ത് സജീവമായത്.

നോർത്ത് 24 കാതം, ഉട്ടോപ്യയിലെ രാജാവ്, മഹേഷിന്റെ പ്രതികാരം, കമ്മട്ടിപ്പാടം, മുന്തിരിവള്ളികൾ തളിർക്കുമ്പോൾ, തൊട്ടപ്പൻ, പഞ്ചവർണ്ണതത്ത, സ്‌കൂൾ ബസ്, കഥ പറഞ്ഞ കഥ, പ്രേമസൂത്രം തുടങ്ങി ഒട്ടേറെ ശ്രദ്ധേയ സിനിമകളിൽ കഥാപാത്രങ്ങളെ അവതരിപ്പിച്ചിട്ടുണ്ട് താരം.