ഒരു മാസത്തേക്ക് മാത്രമാണ് ഞങ്ങളുടെ ബന്ധം എന്ന് ആക്ഷേപിച്ചവരുണ്ട്, സൂര്യയെ അഴിഞ്ഞാട്ടക്കാരി എന്ന് പറഞ്ഞവർ ആണ് എന്റെ പള്ളിയിൽ ഉള്ളവർ : അവരുടെയെല്ലാം മുന്നിൽ മുൻപിൽ അന്തസോടെയാണ് ഞങ്ങൾ നാല് വർഷം പൂർത്തിയാക്കുന്നതെന്ന് ഇഷാനും സൂര്യയും

കേരളത്തിലെ ആദ്യത്തെ ട്രാൻസ്ജെൻഡർ ദമ്പതികളായ സൂര്യയും ഇഷാനും ആദ്യത്തെ കണ്മണിക്കായുള്ള കാത്തിരിപ്പിലും അതിനായുള്ള ചികിത്സയിലും ആണ്. ആ സ്വപ്നത്തിലേക്കുള്ള യാത്രയിലാണ് ഇരുവരും. ഇന്ത്യയിലെ ആദ്യ ട്രാൻസ് കപ്പിൾ എന്ന വിശേഷണം ഉള്ള ഇരുവരും ജീവിതം ആരംഭിച്ചിട്ട് നാലാം വർഷത്തിലേക്ക് കടക്കുകയാണ്. 2018 ജൂൺ 29 നായിരുന്നു ഇരുവരുടെയും വിവാഹം.

കുടുംബാംഗങ്ങളുടെ പൂർണ്ണ സമ്മതത്തോടെ തിരുവനന്തപുരം മന്നം മെമ്മോറിയൽ ഹാളിൽ സ്പെഷ്യൽ മാര്യേജ് ആക്ട് പ്രകാരം ആണ് ഇരുവരുടെയും വിവാഹം നടന്നത്. നിങ്ങളുടെ ജീവിതം ഒരു മാസം മാത്രമേ നിലകൊള്ളൂ എന്ന് പറഞ്ഞവർക്ക് മുൻപിൽ അന്തസോടെയാണ് ഞങ്ങൾ നാല് വർഷം പൂർത്തിയാക്കിയതെന്നു പറയുകയാണ് ഇരുവരും. എങ്കിലും മതപരമായ ചില ബുദ്ധിമുട്ടുകൾ തങ്ങളെ ഇപ്പോഴും അലട്ടുന്നുണ്ട് എന്നും ഇരുവരും പറയുന്നുണ്ട്.

ALSO READ

ചില നഷ്ടങ്ങൾ സംഭവിച്ചിട്ടില്ല എന്ന് വിശ്വസിക്കുന്നതാണ് നല്ലത്; ദു:ഖവാർത്ത പങ്കിട്ട് സൂരജ് സൺ

ഇന്ത്യയിലെ ആദ്യ ട്രാൻസ് ദമ്പതികളായ സൂര്യയും ഇഷാനും ഒരുമിച്ചൊരു ജീവിതം തുടങ്ങിയിട്ട് നാലാം വർഷത്തിലേക്ക് കടക്കുകയാണ്. ആദ്യം വിവാഹമെന്ന ഒരു അഭിപ്രായം തന്നെ പറയുന്നത് ഇക്കയാണ്. സൂര്യ ഒരു സ്വകാര്യ മാധ്യമത്തിനോട് സംസാരിച്ചു തുടങ്ങുന്നത് ഇങ്ങിനെയാണ്. ഒരു ട്രാൻസ് ആയ ഒരു വ്യക്തിക്ക് വിവാഹം എന്നതൊക്കെ വിദൂര സ്വപ്നമായ ഒരു കാലത്താണ് വിവാഹം കഴിക്കണമെന്ന ആവശ്യം ഇക്ക പറയുന്നത്. എനിക്ക് എന്നെ തന്നെ മാറ്റിയ ഒരു സംഭവം ആയിരുന്നു ആ വിവാഹാലോചന.

ഒരു ധൈര്യത്തോടെ എന്നെ വിവാഹം കഴിക്കണം കുടുംബത്തോടെ കൊണ്ട് പോകണം എന്ന് എന്നോട് പറയുന്ന ആദ്യത്തെ വ്യക്തിയും ഇക്ക ആയിരുന്നു. അതിനു മുൻപുവരെ പ്രണയം ഉണ്ടായിട്ടുണ്ട്. വിവാഹം കഴിക്കാം എന്നൊക്കെയും പലരും പറഞ്ഞിട്ടുണ്ടെങ്കിലും അതൊക്കെ ആരും കേൾക്കാതെ മാത്രം ധൈര്യം ഇല്ലാതെയുള്ള സംസാരം മാത്രമായിരുന്നു. എന്നാൽ അത്രയും ധൈര്യത്തോടെ അന്തസ്സോടെ കൈപിടിച്ച് കൊണ്ട് പോകണമെന്നു പറഞ്ഞത് ഇക്ക മാത്രമാണ് എന്നാണ് സൂര്യ പറയുന്നത്.

പ്രൊപ്പോസൽ ഒന്നും ആദ്യമൊന്നും പറഞ്ഞില്ല. പേപ്പറിൽ എഴുതി വയ്ക്കുകയാണ് ചെയ്തത്. കണ്ണുകൾ കൊണ്ട് ഞങ്ങൾ രണ്ടുപേരും പ്രണയിച്ചിരുന്നു. പിന്നീട് വിവാഹത്തിലേക്ക് എത്താൻ പോകുന്നു എന്ന് അറിഞ്ഞപ്പോൾ കുറെ ആളുകൾ എന്നെ എതിർക്കുകയും ചെയ്തു. ഒരു മാസത്തേക്ക് മാത്രമാണ് ഞങ്ങളുടെ ബന്ധം എന്ന് ആക്ഷേപിച്ച ഒരുപാട് ആളുകൾ ഉണ്ട്. അവരുടെ മുൻപിൽ ആണ് അന്തസ്സോടെ ഞങ്ങൾ ഇന്ന് ജീവിക്കുന്നത്. ഇന്ന് മാട്രിമോണിയൽ കോളങ്ങളിൽ ട്രാൻസിനു ഒരു കോളം തന്നെ ഉണ്ട് എന്നും സൂര്യ പറയുന്നു.

പലരും സ്വകാര്യാകാര്യങ്ങളിൽ എങ്ങനെ എന്ന് വരെയും ചോദിച്ചിട്ടുണ്ട്. ആകാംഷയോടെ ഞങ്ങളുടെ ജീവിതത്തിലേക്ക് നോക്കിയിട്ടുണ്ട്. നിങ്ങളെ പോലെ ജീവിച്ചാൽ മതി എന്ന് ചിന്തിക്കുന്ന ഒരുപാട് ആളുകളുണ്ട്. ശരിക്കും പറഞ്ഞാൽ വിവാഹം കഴിഞ്ഞ പിറ്റേദിവസം സഹോദരി ചോദിച്ച ചോദ്യം പറയാതെ വയ്യ. അത് സത്യം പറഞ്ഞാൽ ഒരുപാട് സന്തോഷം നൽകിയിരുന്നു. നിങ്ങളുടെ ആദ്യരാത്രി എങ്ങനെ ആയിരുന്നു എന്നായിരുന്നു ആ ചോദ്യം. പുറത്തു ഒരാൾ ആയിരുന്നു എങ്കിൽ അടി ആകുന്ന ചോദ്യം.

ALSO READ

പരിഹാസങ്ങൾക്കും ചോദ്യങ്ങൾക്കുമുള്ള ഉത്തരം! പുതിയ വീടും സ്ഥലവും ആരാധകർക്ക് കാണിച്ച് കൊടുത്ത് ഇച്ചാപ്പി ; താമസമാക്കാത്തതിന്റെ കാരണം ഇതാണ്

എന്നെ സംബന്ധിച്ച് ഒരുപാട് സന്തോഷം ആണ് ആ ചോദ്യം നൽകിയത്. കാരണം സാധാരണക്കാരിൽ സാധാരണക്കാരിയായ എന്റെ സഹോദരി അത് ചിന്തിച്ചു എങ്കിൽ ഇന്ത്യയിലെ ഓരോ വ്യക്തികളും എങ്ങനെ ചിന്തിച്ചിട്ടുണ്ടാകും. കാരണം ഓരോ ആളുകളെയും കൊണ്ട് ഞങ്ങൾ ചിന്തിപ്പിക്കുകയായിരുന്നു എന്ന് വേണം പറയാൻ. അതൊക്കെയാണ് വിവാഹത്തിലേക്ക് കിട്ടിയ വലിയ മൂല്യം എന്ന് പറയാൻ ആകും. വിവാഹം എന്ന് പറയുന്നത് ഞങ്ങളുടെ ആഗ്രഹങ്ങളെ എക്‌സ്പ്രസ് ചെയ്യുക എന്നാണ് തീരുമാനിച്ചത്. ഞങ്ങൾക്ക് സ്വന്തമായി അഭിപ്രായ സ്വാതന്ത്ര്യങ്ങൾ ഉണ്ട്.

നോർമൽ എന്ന് ചിന്തിക്കുന്ന ദമ്പതികൾ ഒക്കെയും ഞങ്ങളെ കണ്ട് അസൂയപ്പെട്ടിട്ടുണ്ട്. ഇക്കയെ പോലെയുള്ള ഒരാളെ അല്ലെങ്കിൽ ഇക്കായെ തന്നെ കിട്ടിയാൽ എന്ന് ചിന്തിക്കുന്ന തരത്തിലുള്ള മെസേജുകൾ വരെ എനിക്ക് കിട്ടാറുണ്ട്. അന്ന് ഞങ്ങളെ പരിഹസിച്ചവരോട് അന്തസ്സത്തോടെ പറയാൻ ആകും ഞങ്ങളുടെ പ്രണയത്തെക്കുറിച്ച് വിവാഹത്തെക്കുറിച്ചും എല്ലാം. ഇരു കുടുംബങ്ങളുടെയും പിന്തുണ ഉണ്ട് എങ്കിലും മതപരമായ ചില കാര്യങ്ങളിൽ പൂർണമായും ഉൾക്കൊണ്ടു എന്ന് പറയാൻ ആകില്ല എന്നാണ് ഇഷാൻ പറയുന്നത്.

എന്നെ അംഗീകരിച്ചിട്ടുണ്ട് എങ്കിൽ എന്നെ പോലെയുള്ള ആളുകളെയും അംഗീകരിക്കണം. കാരണം എന്നെ പോലെയുള്ള ആളുകൾ ആ പ്രദേശത്തു വന്നിട്ടുണ്ടാകും. ഒരാളുടെ വ്യക്തിത്വത്തെ അംഗീകരിച്ചു എങ്കിൽ ആ നാട് വിട്ട് അവർക്ക് പോകേണ്ടി വരില്ലല്ലോ. ഇഷാൻ ചോദിക്കുന്നു. സൂര്യയെ കല്യാണം കഴിച്ചതുകൊണ്ടും, മതം മാറാത്തതിന്റെ പേരിലും, പിന്നെ സൂര്യ പബ്ലിക് ആക്റ്റിവിറ്റികളിൽ നിലനിൽക്കുന്നതുകൊണ്ടും പരസ്യമായി മോശപെടുത്തിയിട്ടുണ്ട്.

ഞങ്ങളെ ഇപ്പോഴും അക്കാര്യത്തിൽ ഒന്നും അംഗീകരിക്കാത്തവർ നാട്ടിലുണ്ട്. ഉപ്പയുടെ മുൻപിൽ വച്ചുകൊണ്ട് സൂര്യയെ അപമാനിച്ചവർ നാട്ടിലുണ്ട്. അഴിഞ്ഞാട്ടക്കാരി എന്ന് പറഞ്ഞവർ ആണ് എന്റെ പള്ളിയിൽ ഉള്ളവർ. അങ്ങനെ ആണെങ്കിൽ മതത്തിൽ നിന്നുള്ള മമ്മൂട്ടിയും ദുൽഖർ ഒക്കെയും കലയെ ഉപാസിച്ചു ജീവിക്കുന്നവർ ആണ്. കാലബോധത്തോടെ ആരെയും ഉൾകൊള്ളാൻ അവർക്ക് കഴിയുന്നില്ല എന്നാണ് വിഷമത്തോടെ ഇഷാൻ പറയുന്നത്.