ആര്യൻഖാൻ ദുൽഖർ സൽമാൻ പ്രണവ് മോഹൻലാൽ ഒരേ തൂവൽ പക്ഷികൾ, മമ്മൂക്കയെയും ലാലേട്ടനെയും നമിക്കണം! നടൻ മനോജിന്റെ വീഡിയോ ശ്രദ്ധ നേടുന്നു

5309

ആഡംബര കപ്പലിൽ നടന്ന് ലഹരി പാർട്ടിയുമായി ബന്ധപ്പെട്ട കേസിൽ അടുത്തിടെയാണ് ബോളിവുഡ് സൂപ്പർ സ്റ്റാർ ഷാരുഖ് ഖാന്റെ മകൻ ആര്യൻ ഖാൻ അറസ്റ്റിലായത്. ലഹരിവസ്തുക്കളുടെ വാങ്ങൽ, വിൽപ്പന, ഉപയോഗം എന്നീ കുറ്റങ്ങളാണ് ആര്യനെതിരെ എൻസിബി ചുമത്തിയിരിക്കുന്നത്.

ഒപ്പമുണ്ടായിരുന്ന മറ്റ് ഏഴ് പേരുടേയും അറസ്റ്റ് രേഖപ്പെടുത്തിയിട്ടുണ്ട്. എട്ട് പേരാണ് കേസിൽ അറസ്റ്റിലായിരിക്കുന്നത്. ഇപ്പോഴിതാ നടൻ മനോജ് കുമാർ ആര്യൻഖാനെയും ആ കുടുംബത്തെയും കുറിച്ച് പുതിയ വീഡിയോയിലൂടെ പറയുന്നതാണ് ശ്രദ്ധ നേടുന്നത്. ഒപ്പം തന്റെ മകന്റെ പ്രായമായുള്ള കുട്ടികൾക്കായുള്ള ഉപദേശവും അദ്ദേഹംനൽകുന്നുണ്ട്.

Advertisement

ALSO READ

ഞാൻ ഒരു സിംഗിൾ പേരന്റ് ആകാൻ തീരുമാനിച്ചു! മെറ്റേർണിറ്റി ഫോട്ടോഷൂട്ടുമായി നിവേദ് ; മെയിൽ മെറ്റേർണിറ്റി സാധ്യമാണോ? സംശയവുമായി സോഷ്യൽമീഡിയ

ആര്യൻ ഖാൻ പിടിയിലായ വാർത്ത അറിഞ്ഞപ്പോൾ വളരെ അധികം വേദനയുണ്ട്. ആര്യൻഖാൻ അത്ര വലിയ സെലിബ്രിറ്റി ഒന്നും അല്ല. ആകെയുള്ള ഒരു പശ്ചാത്തലം എന്ന് പറയുന്നത് ദി ലയൺ കിങ്ങിൽ സിംഹകുഞ്ഞിനു ശബ്ദം മാത്രമാണ്. പക്ഷേ ഷാരൂഖ് ഖാന്റെ മകൻ ആണ് ആര്യൻ ഖാൻ എന്നതാണ് എല്ലാവരെയും എന്നെയും മറ്റുളവരെയും വേദനിപ്പിക്കുന്നത്. എന്റെ ചിന്ത അദ്ദേഹത്തെ കുറിച്ചാണ്. ഞാനൊക്കെ മമ്മൂട്ടിയെയും മോഹൻലാലിനെയും പോലെ ആരാധിക്കുന്ന നടൻ ആണ് അദ്ദേഹം.

മമ്മൂക്കയെയും ലാലേട്ടനെയും കുറിച്ച് പരസ്പരം ഒരുപാട് ഷാരൂഖ് വാ തോരാതെ പറഞ്ഞിട്ടുണ്ട്. ഇന്ത്യൻ സിനിമയുടെ ചക്രവർത്തിയാണ് അദ്ദേഹം. എത്രയോ വർഷമായി അദ്ദേഹം താര പദവിയിൽ ആണ്. എന്നിട്ടും അവരോട് അദ്ദേഹം കാണിച്ച ആ ബഹുമാനം, ആ എളിമ ഒക്കെയും എടുത്തുപറയണ്ടതാണ്. വലിയ പദവിയിൽ നിൽക്കുന്ന ആളാണ് എന്ന തോന്നൽ ഒന്നും അദ്ദേഹത്തിനില്ല. അത് തന്നെയാണ് ആളുകൾ അദ്ദേഹത്തെ ഇഷ്ടപ്പെടാനുള്ള കാരണവും.

ഒരു അച്ഛൻ എന്ന നിലയിൽ ആ കുടുംബത്തിന്റെ വേദന എനിക്ക് ഊഹിക്കാൻ കഴിയും. എന്റെ മകൻ ഒരു മൂന്നുവർഷം കഴിയുമ്പോൾ പ്രായപൂർത്തിയാകും. ഒരു ബിയർ അടിച്ചു വഴക്കുണ്ടാക്കും പോലെയല്ലലോ ഇത്തരം ഒരു കേസിൽ പെടുന്നത്. ഒരുപാട് പ്രമുഖർ ജയിലിൽ കിടക്കുകയാണ് ജാമ്യം പോലും കിട്ടുകയില്ല. ഭാവി തന്നേ നഷ്ടപ്പെടുകയാണ്. അപ്പോൾ ഈ അവസരത്തിൽ ആ കുടുംബത്തിന്റെ അവസ്ഥ എന്തായിരിക്കും. ഊണും ഉറക്കവും ഇല്ലാത്ത മരിച്ച വീട് പോലെ ആയിരിക്കില്ലേ

തെറ്റ് തിരുത്താൻ ഉള്ള അവസരം എല്ലാവർക്കും ഈശ്വരൻ നൽകണം. അത് പ്രാർത്ഥിക്കാനേ നമുക്ക് കഴിയൂ. ഇതിന്റെ ഇടയ്ക്ക് ഷാരൂഖിനെ സോഷ്യൽ മീഡിയ വലിച്ചൊട്ടിക്കുന്നതും കണ്ടതാണ്. അദ്ദേഹം സാധാരണ രീതിയിൽ ആകും മുൻപ് മകനെ കുറിച്ച് പറഞ്ഞത്. എന്നിരുന്നാലും എനിക്ക് പറയാൻ ഉള്ളത് അദ്ദേഹം അങ്ങനെ പറയാൻ പാടില്ലായിരുന്നു എന്നാണ്. ടീനേജ് കാലം എന്ന് പറയുന്നത് മനുഷ്യൻ വഴി തെറ്റുന്ന കാലഘട്ടം ആണ്. ആ സമയത്ത് ആണ് ഏറ്റവും കൂടുതൽ ശ്രദ്ധിക്കേണ്ടത്. അവിടെ ശ്രദ്ധിച്ചു കഴിഞ്ഞാൽ ഒരു വീണ്ടുവിചാരം ഉണ്ടാകും. ആര്യൻഖാൻ , ദുൽഖർ സൽമാൻ , പ്രണവ് മോഹൻലാൽ ഒരേ തൂവൽ പക്ഷികൾ എന്ന ക്യാപ്ഷൻ നൽകിക്കൊണ്ടാണ് മനോജ് വീഡിയോ പങ്കിട്ടത്.

ALSO READ

തന്റെ അഭിനയ അരങ്ങേറ്റത്തെത്തിന് കൂടുതൽ ഒപ്പം നിന്നത് ചെറിയമ്മ വിജയകുമാരിയാണ് കൂടാതെ ഞാൻ അച്ഛനോടും മുത്തച്ഛനോടും കടപ്പെട്ടിരിക്കുന്നു : വൈഷ്ണവിയുടെ വാക്കുകൾ

പ്രണയം ആവശ്യമാണ്. പക്ഷെ ടീനേജിൽ പ്രണയം വേണ്ടത് വിദ്യാഭ്യാസത്തോട് മാത്രമാണ്. അത് പൂർത്തിയാക്കും വരെ മറ്റു ചിന്തകൾ ഉണ്ടാകരുത്. കൂട്ടുകാരെ തെരഞ്ഞെടുക്കുമ്പോൾ ശ്രദ്ധിക്കണം. എന്തുകൊണ്ടാണ് ഞാൻ തംബ് നെയിലിൽ ആര്യൻഖാൻ , ദുൽഖർ സൽമാൻ , പ്രണവ് മോഹൻലാൽ ഒരേ തൂവൽ പക്ഷികൾ എന്ന് കുറിച്ചത് എന്ന് നിങ്ങൾ അറിയണം. ഇവർ മൂന്നുപേരും മഹാനടന്മാരുടെ മക്കൾ ആണ്. വെള്ളിക്കരണ്ടിയുമായി പിറന്ന മക്കൾ ആണ് ഇവർ മൂന്നുപേരും.

നമ്മൾ മനസിലാക്കേണ്ട കാര്യം ദുൽഖറും, പ്രണവും എത്ര സിംപിൾ ആയി ജീവിക്കുന്നവർ ആണ് എന്നതാണ്. ആർഭാടത്തിൽ ജനിച്ച കുട്ടികൾ ആണെങ്കിലും ഇതേപോലെ ലാളിത്യം തുളുമ്പുന്ന പൊന്നും കുടങ്ങളെ സമ്മാനിച്ചതിന് മമ്മൂക്കയെയും ലാലേട്ടനെയും നമിക്കണം. എന്റെ മകനും വലിയ വലിയ ആഗ്രഹങ്ങൾ ഒന്നും തന്നെയില്ല. മക്കൾ അച്ഛനും അമ്മയ്ക്കും അഭിമാനം ആകണം. മക്കളെ വളർത്തുമ്പോൾ എപ്പോഴും ശ്രദ്ധിക്കുക. മാക്‌സിമം മക്കളുടെ ഒരു കടിഞ്ഞാൺ നമ്മുടെ കൈയ്യിൽ ഉണ്ടാകണം എന്നും മനോജ് കുമാർ എല്ലാവരേയും ഓർമ്മിപ്പിയ്ക്കുന്നുണ്ട്.

Advertisement