അമിത് ചക്കാലയ്ക്കൽ നായകനാകുന്ന ചിത്രത്തിന്റെ ‘തേര്’ പ്രഖ്യാപനവേളയിൽ തന്നെ ശ്രദ്ധിക്കപ്പെട്ടിരിയ്ക്കുകയാണ്. താരത്തിന്റെ ജിബൂട്ടിക്ക് ശേഷം എത്തുന്ന സിനിമയാണ് തേര്.
ALSO READ
എസ്. ജെ സിനു സംവിധാനം ചെയ്യുന്ന ചിത്രമായ ‘തേര്’ ഫസ്റ്റ് ലുക്ക് പോസ്റ്റർ ‘നിഗൂഢത’പടർത്തുന്ന തരത്തിലാണ് ഡിസൈൻ ചെയ്തിരിക്കുന്നത്. ഇപ്പോഴിതാ ചിത്രത്തിന്റെ ഷൂട്ട് ആരംഭിച്ചിരിക്കുകയാണ്.
ഫാമിലി ആക്ഷൻ ത്രില്ലറുമായി വീണ്ടും എസ്. ജെ. സിനു എത്തുകയാണ്. ജിബൂട്ടിയ്ക്ക് ശേഷം എസ്. ജെ സിനു സംവിധാനം ചെയ്യുന്ന ചിത്രം ബ്ലൂഹിൽ നെയ്ൽ കമ്മ്യൂണിക്കേഷന്റെ ബാനറിൽ ജോബി. പി. സാം നിർമിക്കുന്നു.
ചതുരംഗക്കളവും, കളത്തിലിരിക്കുന്ന തേരും, പൊലീസ് തൊപ്പിയും, വിലങ്ങും, തോക്കും, ഉൾപ്പെട്ട പശ്ചാത്തലത്താണ് പോസ്റ്റർ ഒരുക്കിയിട്ടുള്ളത്. നിയമങ്ങൾക്കും നിയമപാലകർക്കും എതിരെയുള്ള നായകന്റെ പോരാട്ടമാകും ഈ ചിത്രമെന്നാണ് റിപ്പോർട്ട്.
ALSO READ
ബാബുരാജ്, കലാഭവൻ ഷാജോൺ, വിജയരാഘവൻ, സഞ്ജു ശിവറാം, പ്രശാന്ത് അലക്സാണ്ടർ, ശ്രീജിത്ത് രവി, അസീസ് നെടുമങ്ങാട്, ഷെഫീഖ്, സ്മിനു സിജോ, റിയ സൈറ, ആർ. ജെ. നിൽജ എന്നിവരാണ് മറ്റു അഭിനേതാക്കൾ.
