ബോളിവുഡ് ആരാധകര്‍ക്ക് ഏറെ പ്രിയപ്പെട്ട താരദമ്പതികളാണ് ദീപിക പദുക്കോണും റണ്‍വീര്‍ സിങും. ഏറ്റവും കൂടുതല്‍ പ്രതിഫലം വാങ്ങുന്ന നായിക എന്നതിലുപരി ലോകോത്തര ബ്രാന്‍ഡുകളുടെ അംബാസിഡര്‍ കൂടിയാണ് ഇന്ന് ദീപിക .
രണ്‍വീറുമൊത്തുള്ള രസകരമായ പല നിമിഷങ്ങളും ദീപിക സോഷ്യല്‍മീഡിയയിലൂടെ പങ്കുവെച്ചിരുന്നു. താരദമ്പതികള്‍ പലപ്പോഴും പല വിവാദങ്ങളിലും അകപ്പെട്ടിരുന്നു. എന്നാല്‍ ഈ ഗോസിപ്പുകളൊന്നും ഇരുവരും മുഖവിലക്കെടുക്കാറില്ല.
രണ്‍വീറും ദീപികയും തമ്മില്‍ സഞ്ജയ് ലീല ബന്‍സാലി ഒരുക്കിയ ഗോലിയോണ്‍ കി രാസ്ലീല രാം ലീല എന്ന സിനിമയുടെ സെറ്റില്‍ വെച്ചാണ് പ്രണയത്തിലാവുന്നത്. പിന്നീട് ഈ ബന്ധം വിവാഹത്തിലെത്തിച്ചേരുകയായിരുന്നു.
ഇപ്പോഴിതാ രണ്‍വീര്‍ ദീപിക പ്രണയത്തെ കുറിച്ച് നടന്‍ ഗുല്‍ഷന്‍ ദേവയ്യ പറഞ്ഞ കാര്യങ്ങളാണ് ശ്രദ്ധ നേടുന്നത്. ചിത്രത്തിന്റെ ആദ്യ ഷെഡ്യൂളിന്റെ സമയത്ത് ഇരുവരും സഹപ്രവര്‍ത്തകര്‍ മാത്രമായിരുന്നുവെന്നും എന്നാല്‍ പിന്നീട് ഇരുവര്‍ക്കും ഇടയില്‍ സംഭവിക്കുന്ന കെമിസ്ട്രി എല്ലാവരും ശ്രദ്ധിച്ചുകൊണ്ടിരിക്കുകയായിരുന്നുവെന്നും അദ്ദേഹം പറയുന്നു.
ചിത്രത്തിന്റെ രണ്ടാമത്തെ ഷെഡ്യൂളായപ്പോള്‍ ഇരുവരും തമ്മിലുള്ള അടുപ്പം കൂടി വന്നു. ഇവര്‍ക്കിടയില്‍ പ്രണയം മൊട്ടിട്ടു തുടങ്ങിയെന്നും ഒരു ദിവസം ദീപിക രണ്‍വീറിന്റെ മടിയിലിരിക്കുന്നതാണ് കണ്ടതെന്നും ഇതെപ്പോള്‍ സംഭവിച്ചുവെന്നാണ് എല്ലാവരും ഓര്‍ത്തതെന്നും കാരണം ദീപിക ഇങ്ങനെയൊന്നുമായിരുന്നില്ലെന്നും അദ്ദേഹം കൂട്ടിച്ചേര്‍ത്തു.
രണ്‍വീറിന് ദീപികയെ ആദ്യം മുതലേ ഇഷ്ടമായിരുന്നുവെന്നാണ് തോന്നുന്നത്. ചിലപ്പോള്‍ പിന്തുടര്‍ന്നിട്ടുണ്ടായിരിക്കാമെന്നും അദ്ദേഹം കൂട്ടിച്ചേര്‍ത്തു. ആറുവര്‍ഷത്തെ പ്രണയത്തിന് ശേഷമാണ് ഇരുവരും ഒന്നിച്ചത്.
