കോടതി സമക്ഷം വാദിക്കാനായി ഇനി വക്കില്‍ ദിലീപ്, ഇത് കിടുക്കുമെന്ന് ആരാധകര്‍

101

ഹിറ്റ് മേക്കര്‍ ബി ഉണ്ണികൃഷ്ണൻ മലയാളത്തിന്റെ ജനപ്രിയ നായകന്‍ ദിലീപിനെ നായകനാക്കി ഒരുക്കുന്ന പുതിയ ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും ഇന്ന് റിലീസ് ചെയ്തു. കോടതി സമക്ഷം ബാലൻ വക്കീൽ എന്നാണ് ഈ ചിത്രത്തിന്റെ പേര്.

Advertisements

നീതി എന്നാണ് ഈ പ്രോജക്ടിന്റെ ടൈറ്റിൽ എന്ന രീതിയിൽ ഒരു വാർത്ത നേരത്തെ സോഷ്യൽ മീഡിയയിൽ പ്രചരിച്ചിരുന്നു. ഇന്ന് അൻപതാം പിറന്നാൾ ആഘോഷിക്കുന്ന ദിലീപിന് ഉള്ള ജന്മദിന സമ്മാനമായി ആണ് ഈ ചിത്രത്തിന്റെ ടൈറ്റിലും ഫസ്റ്റ് ലുക്കും റിലീസ് ചെയ്തിരിക്കുന്നത്. വിക്കുള്ള ഒരു വക്കീലായാണ് ദിലീപ് ഈ ചിത്രത്തിൽ അഭിനയിക്കുന്നത് എന്നാണ് റിപ്പോർട്ടുകൾ പറയുന്നത്.

ദിലീപിനെ നായകനാക്കി ബി ഉണ്ണികൃഷ്ണൻ ആദ്യമായി സംവിധാനം ചെയ്യുന്ന ചിത്രമാണ് കോടതി സമക്ഷം ബാലൻ വക്കീൽ. ബോളിവുഡ് ഭീമന്മാർ ആയ വയാകോം 18 മോഷൻ പിക്ചർസ്‌ ന്റെ മലയാള സിനിമയിലെ ആദ്യത്തെ നിർമ്മാണ സംരംഭമാണ് ഈ ചിത്രം .

യു ടി വി , റോക്ക് ലൈൻ പിക്ചർസ് തുടങ്ങിയ വമ്പന്മാരും മലയാളത്തിൽ എത്തിയത് ബി ഉണ്ണികൃഷ്ണൻ ചിത്രങ്ങളിലൂടെ ആയിരുന്നു. യു ടി വി മലയാളത്തിൽ എത്തിയത് ബി ഉണ്ണികൃഷ്ണൻ- മോഹൻലാൽ ടീമിന്റെ ഗ്രാൻഡ് മാസ്റ്ററിലൂടെയും , റോക്ക് ലൈൻ പിക്ചർസ്‌ മലയാളത്തിൽ എത്തിയത് ബി ഉണ്ണികൃഷ്ണൻ- മോഹൻലാൽ ടീമിന്റെ വില്ലനിലൂടെയും ആയിരുന്നു.

നീതി എന്ന ഈ ചിത്രത്തിൽ ദിലീപിന് രണ്ടു നായികമാർ ഉണ്ടെന്നും മമത മോഹൻദാസും , പ്രിയ ആനന്ദും ആയിരിക്കും ആ നായികമാർ എന്നും റിപ്പോർട്ടുകൾ വന്നിരുന്നു. രാമചന്ദ്ര ബാബു ഒരുക്കുന്ന പ്രൊഫസ്സർ ഡിങ്കൻ എന്ന ത്രീഡി ചിത്രമാണ് ഇത് കൂടാതെ ഇപ്പോൾ ദിലീപ് ചെയ്തു കൊണ്ടിരിക്കുന്ന സിനിമ.

Advertisement