അനിയത്തിപ്രാവ് എന്ന ചിത്രത്തിലൂടെ മലയാള സിനിമയിലേക്ക് എത്തിയ താരം ആണ് കുഞ്ചാക്കോ ബോബന്. ഇതിലെ താരത്തിന്റെ സുധി എന്ന കഥാപാത്രം പ്രേക്ഷകര്‍ ഏറ്റെടുക്കുകയായിരുന്നു. അന്ന് 21 വയസ്സ് ആയിരുന്നു കുഞ്ചാക്കോ ബോബന്.
ഇപ്പോഴിതാ സിനിമ ഇറങ്ങിയിട്ട് 27 വര്‍ഷങ്ങള്‍ പിന്നിടുന്നു. ഈ ദിനത്തില്‍ തന്റെ ആരാധകര്‍ക്ക് നന്ദി പറഞ്ഞുകൊണ്ട് ചാക്കോച്ചന്‍ എത്തി.
താരം ഇന്‍സ്റ്റാഗ്രാമില്‍ പങ്കുവച്ചിരിക്കുന്ന പോസ്റ്റാണ് ഇപ്പോള്‍ ശ്രദ്ധ നേടുന്നത്.
‘ നിങ്ങളില്‍ നിന്നും ലഭിച്ച അളവില്ലാത്ത സ്‌നേഹത്തിന്റെ 27 വര്‍ഷങ്ങള്‍. എല്ലാവര്‍ക്കും നന്ദി, അനിയത്തിപ്രാവിന് വേണ്ടി..സുധിക്ക് വേണ്ടി.. എനിക്കുവേണ്ടി.. ‘ എന്നാണ് ഭാര്യ പ്രിയക്ക് ഒപ്പം ഉള്ള ചിത്രം പങ്കു വച്ചുകൊണ്ട് ചാക്കോച്ചന്‍ കുറിച്ചത്. അനിയത്തിപ്രാവില്‍ തനിക്കൊപ്പം അഭിനയിച്ചിരുന്ന നടന്‍ സുധീഷിനെയും നടന്‍ ഹരിശ്രീ അശോകനെയും താരം ഈ പോസ്റ്റില്‍ മെന്‍ഷന്‍ ചെയ്തിട്ടുണ്ട്.
ഫാസില്‍ രചനയും സംവിധാനവും നിര്‍വ്വഹിച്ച് കുഞ്ചാക്കോ ബോബന് , തിലകന്‍, ഇന്നസെന്റ്, ശാലിനി എന്നിവര്‍ പ്രധാനവേഷങ്ങളില്‍ അഭിനയിച്ച് 1997-ല്‍ പ്രദര്‍ശനത്തിനെത്തിയ ചലച്ചിത്രമാണ് അനിയത്തിപ്രാവ്. സ്വര്‍ഗ്ഗചിത്രയുടെ ബാനറില്‍ അപ്പച്ചന്‍ ആണ് ഈ ചിത്രം നിര്‍മ്മിച്ചിരിക്കുന്നത്. ബാലതാരമായി പ്രശസ്തയായിരുന്ന ശാലിനി നായികയായി തിരിച്ചെത്തിയ ഈ ചിത്രത്തിലൂടെയാണ് കുഞ്ചാക്കോ ബോബന് അഭിനയരംഗത്തേക്ക് പ്രവേശിക്കുന്നത്.
