മെഗാസ്റ്റാര്‍ മമ്മൂട്ടിയും യൂത്ത് ഐക്കണ്‍ പൃഥ്വിരാജും ഒന്നിക്കുന്ന സിനിമയുടെ ആദ്യ ആലോചനകള്‍ തുടങ്ങിയതായി സൂചന.
മുരളി ഗോപി തിരക്കഥയെഴുതുന്ന സിനിമ വാത്സല്യം പോലെ ഒരു കുടുംബചിത്രമായിരിക്കുമെന്ന് റിപ്പോര്‍ട്ടുകള്‍.
ഏറെക്കാലമായി മലയാളത്തില്‍ നിന്ന് മാറിനില്‍ക്കുന്ന നല്ല കുടുംബകഥയുടെ തിരിച്ചുവരവായിരിക്കും ഈ സിനിമ.
ശോഭന ഈ സിനിമയിലൂടെ വീണ്ടും മലയാളത്തിലേക്ക് എത്തുമെന്നും സൂചനകളുണ്ട്. കുടുംബബന്ധങ്ങളുടെ ഇഴയടുപ്പത്തിന്റെയും സ്‌നേഹ ദ്വേഷത്തിന്റെയും കഥ പറയുന്ന ചിത്രത്തില്‍ ഒരു വലിയ കുടുംബത്തിന്റെ നാഥനായി മമ്മൂട്ടി പ്രത്യക്ഷപ്പെടുമെന്നാണ് അറിയുന്നത്.
മികച്ച ഗാനങ്ങളും ചിത്രത്തിലുണ്ടാകും. ലൂസിഫര്‍ ഒരിക്കലും കുടുംബപ്രേക്ഷകരെ ലക്ഷ്യമാക്കി ഒരുക്കിയ സിനിമയല്ല. എന്നാല്‍ ആ സിനിമ കുടുംബ പ്രേക്ഷകര്‍ ഏറ്റെടുക്കുന്നതാണ് തിയ്യെറ്ററുകളില്‍ കാണാന്‍ കഴിയുന്നത്.
തന്റെ അടുത്ത സിനിമ പക്കാ കുടുംബപ്രേക്ഷകര്‍ക്ക് വേണ്ടിയുള്ളതാകണമെന്ന നിര്‍ബന്ധത്തിലാണത്രേ പൃഥ്വിരാജ്. അതേ സമയം ലൂസിഫര്‍ 2 നെകുറിച്ചും ചര്‍ച്ചകള്‍ പുരോഗമിക്കുകയാണ്.
