ലേഡീസ് ആന്ഡ് ജെന്റില്മാന് ശേഷം മോഹന്ലാലിനെ നായകനാക്കി സിദ്ദിഖ് രചനയും സംവിധാനവും നിര്വഹിക്കുന്ന ബിഗ് ബ്രദര് ജൂണ് പത്തിന് ബംഗളൂരുവില് തുടങ്ങും.
വൈശാഖ സിനിമയും എസ്. ടാക്കീസും ചേര്ന്ന് നിര്മ്മിക്കുന്ന ഈ ബിഗ് ബഡ്ജറ്റ് ചിത്രത്തിന്റെ താരനിര്ണയം പൂര്ത്തിയായിവരുന്നു.
ഇപ്പോള് ഹൈദരാബാദില് പ്രിയദര്ശന് സംവിധാനം ചെയ്യുന്ന മരയ്ക്കാര് അറബിക്കടലിന്റെ സിംഹത്തില്അഭിനയിച്ചുവരികയാണ് മോഹന്ലാല്.
ഈ ചിത്രം പൂര്ത്തിയാക്കിയ ശേഷം താരം ഇട്ടിമാണി മെയ്ഡ് ഇന് ചൈനയില് ജോയിന് ചെയ്യും. ഇട്ടിമാണിക്ക് ശേഷമാണ് സിദ്ദിഖ് ചിത്രത്തില് മോഹന്ലാല് ജോയിന് ചെയ്യുക.
ജോഷി, വിനയന് തുടങ്ങിയവരുടെ ചിത്രങ്ങളാണ് തുടര്ന്ന് മോഹന്ലാലിനെ കാത്തിരിക്കുന്നത്.