ഊര്‍മ്മിള തകര്‍ത്താടിയ ഛമ്മ ഛമ്മ എന്ന ഗാനം റീമേക്ക് ചെയ്ത് നശിപ്പിച്ചെന്ന് സോഷ്യല്‍മീഡിയ.മേനി പ്രദര്‍ശിപ്പിക്കാനും അശ്ലീലം കുത്തി നിറയ്ക്കാനുമാണ് ആ ഗാനം ഉപയോഗിച്ചതെന്ന് ആളുകള്‍ കുറ്റപ്പെടുത്തുന്നു.
20 വര്‍ഷം മുന്‍പ് റിലീസ് ചെയ്ത ചൈനഗേറ്റിലാണ് ഛമ്മ ഛമ്മ ഉണ്ടായിരുന്നത്. ഇന്നും സിനിമപ്രേമികള്‍ നെഞ്ചോട് ചേര്‍ത്തുവയ്ക്കുന്ന ഈ ഗാനത്തില്‍ ഊര്‍മ്മിളയുടെ നൃത്തം മറക്കാനാവാത്തതാണ്.
അല്‍ക യഞ്ജിക്, ശങ്കര്‍ മഹാദേവന്‍ എന്നിവര്‍ ചേര്‍ന്നാണ് പഴയ ഛമ്മ ഛമ്മ ആലപിച്ചിരിക്കുന്നത്.
അര്‍ഷാദ് വാസിയുടെ പുതിയ സിനിമയായ ഫ്രോഡ് സയ്യാനിയിലാണ് ഛമ്മയുടെ റീമേക്ക് ഉപയോഗിച്ചിരിക്കുന്നത്. 17 മില്ല്യണ്‍ കാഴ്ച്ചക്കാരുമായി ഹിറ്റ് ചാര്‍ട്ടില്‍ ഇടം നേടിയെങ്കിലും വലിയ വിമര്‍ശനങ്ങളാണ് ഈ ഗാനം നേരിടുന്നത്.
നേഹ കക്കാര്‍ ആണ് ഗാനത്തിന്റെ പുതിയ പതിപ്പ് ആലപിക്കുന്നത്. തനിഷ്‌ക് ഭാഗ്ജിയുടെ സംഗീതം. സൗരവ് ശ്രീവാസ്തവയാണ് ഈ സിനിമ സംവിധാനം ചെയ്യുന്നത്. ജനുവരി 18ന് ചിത്രം തീയേറ്ററുകളിലെത്തും.
