പോണ്‍ സിനിമകളിലൂടെ എത്തി ബോളിവുഡില്‍ തന്റേതായ സ്ഥാനം ഉറപ്പിച്ച നടി സണ്ണി ലിയോണ്‍ മലയാളികള്‍ക്കും ഏറെ പ്രിയപ്പെട്ട താരമാണ്.
നടിയെ സംബന്ധിച്ച വാര്‍ത്തകള്‍ മാധ്യമങ്ങളില്‍ ഏറെ സ്വീകാര്യത ലഭിക്കാറുണ്ട്. ഇപ്പോളിതാ നടി തന്റെ ഒരു ഇഷ്ടത്തെ തുറന്നു പറഞ്ഞിരിക്കുകയാണ്.
ഇഷ്ട ക്രിക്കറ്റ് താരം ആരെന്നാണ് നടി ഇപ്പോള്‍ പറഞ്ഞിരിക്കുന്നത്. ഇന്ത്യന്‍ ക്യാപ്റ്റന്‍ വിരാട് കോലിയോ സാക്ഷാല്‍ സച്ചിന്‍ തെണ്ടുല്‍ക്കറോ അല്ല മുന്‍ ക്യാപ്റ്റന്‍ ആരാധകരുടെ സ്വന്തം തല മഹേന്ദ്രസിംഗ് ധോണിയാണ്.
ഐഎഎന്‍എസിനു നല്‍കിയ പ്രതികരണത്തിലാണ് സണ്ണി തന്റെ പ്രിയപ്പെട്ട ക്രിക്കറ്റ് താരത്തെ കുറിച്ച് സംസാരിച്ചത്.
സണ്ണിക്ക് ധോണിയുടെ കളിയുടെ ആരാധനയല്ല മറിച്ച് അദ്ദേഹത്തിന്റെ കുഞ്ഞു മോളോടുള്ള ഇഷ്ടമാണ്. അദ്ദേഹത്തിന്റെ മകള്‍ സിവ ധോനിയെ ഏറെ ഇഷ്ടമാണ് സണ്ണിക്ക് .
ധോണിയുടെ കുഞ്ഞ് ഏറ്റവും ക്യൂട്ടാണെന്നാണ് തനിക്ക് തോന്നിയിട്ടുള്ളതെന്ന് സണ്ണി പറയുന്നു. ധോനി പോസ്റ്റ് ചെയ്യുന്ന മകള്‍ക്കൊപ്പമുള്ള ചിത്രങ്ങള്‍ കാണാറുണ്ട്.
അതെല്ലാം വളരെ ക്യൂട്ടായിട്ടുള്ളവയാണ്. അതുകൊണ്ടു തന്നെ അദ്ദേഹമാണ് എനിക്ക് ഏറ്റവും ഇഷ്ടപ്പെട്ട ക്രിക്കറ്റര്‍, അദ്ദേഹം ഒരു ഫാമിലിമാന്‍ കൂടിയാണെന്നും സണ്ണി കൂട്ടിച്ചേര്‍ക്കുന്നു.
