തിലകൻ ചേട്ടൻ എന്നെ കുറിച്ച് നല്ല വാക്കുകൾ പറഞ്ഞ് കേൾക്കുന്നത് തന്നെ അംഗീകാരമാണ് ; അദ്ദേഹത്തെ വിലയിരുത്താനോ പ്രശംസിക്കാനോ എനിക്ക് യോഗ്യതയില്ല : നടൻ തിലകനൊപ്പം അഭിനയിച്ചപ്പോഴുള്ള അനുഭവം ഓർത്തെടുത്ത് മഞ്ജു വാര്യർ

242

തിലകൻ, മഞ്ജു വാര്യർ, ബിജു മേനോൻ എന്നിവരുടെ മാസ്മരിക പ്രകടനംകൊണ്ട് ശ്രദ്ധേയമായ ഒരു ചിത്രമായിരുന്നു കണ്ണെഴുതി പൊട്ടുംതൊട്ട്. മലയാളത്തിന്റെ മഹാനടൻ തിലകനെപോലും അത്ഭുതപ്പെടുത്തിയ പ്രകടനമായിരുന്നു ചിത്രത്തിൽ മഞ്ജു വാര്യർ കാഴ്ചവെച്ചത്. മഞ്ജു വാര്യരും തിലകനും തമ്മിലുള്ള മത്സരാഭിനയം തന്നെയായിരുന്നു ചിത്രത്തിന്റെ ഏറ്റവും വലിയ ആകർഷണ ഘടകവും. മഞ്ജു തന്റെ ഇരുപത്തൊന്നാം വയസിലാണ് ഇന്നത്തെ നായികമാർക്കൊന്നും ഈ പ്രായത്തിലില്ലാത്ത പക്വതയോടെ ഭദ്രയെ അവതരിപ്പിച്ചത്.

തിലകൻ, ബിജു മേനോൻ, അബ്ബാസ്, കലാഭവൻ മണി തുടങ്ങി വൻതാരനിരയായിരുന്നു ചിത്രത്തിനായി അണിനിരന്നത്. ചിത്രത്തിനായി ചെമ്പഴുക്കാ എന്ന ഗാനവും ആലപിച്ചിരുന്നു മഞ്ജു വാര്യർ. മോഹൻലാലും ഈ ചിത്രത്തിനായി ഗാനം ആലപിച്ചിരുന്നു. ടികെ രാജീവ് കുമാറായിരുന്നു ചിത്രത്തിന്റെ സംവിധാനം. മഞ്ജു വാര്യരുടെ ഉള്ളിലുള്ള പ്രതിഭയെ കുറിച്ച് പല അഭിമുഖങ്ങളിലും മഹാനടൻ തിലകൻ വാചാലനായിട്ടുണ്ട്. അദ്ദേഹത്തോടൊപ്പം അഭിനയിച്ചപ്പോഴുള്ള അനുഭവം വെളിപ്പെടുത്തിയിരിക്കുകയാണ് ഒരു സ്വകാര്യ മാധ്യമത്തിന് നൽകിയ അഭിമുഖത്തിൽ മഞ്ജു വാര്യർ.

Advertisements

ALSO READ

അന്യനിലെ നായിക സദ ഇപ്പോൾ ക്യാമറയ്ക്ക് മുന്നിലല്ല ; 2018ലെ ടോർച്ച് ലൈറ്റ് എന്ന എ സർട്ടിഫിക്കറ്റ് സിനിമയ്ക്ക് ശേഷം താരം ബ്രെയ്ക്ക് എടുത്തത് ഇതിനായിരുന്നോ?

‘ചെറുപ്പം മുതൽ സിനിമകൾ നിരവധി കാണുമായിരുന്നു. തിലകൻ ചേട്ടന്റെ അഭിനയമൊക്കെ അന്നുമുതൽ ആസ്വദിക്കുന്നതാണ്. അദ്ദേഹം കോമഡി ചെയ്യുമ്പോഴും ഗൗരവമുള്ള കഥാപാത്രം ചെയ്യുമ്പോഴും മതിമറന്ന് കണ്ടിരിക്കാൻ തോന്നും.’ ‘അത്രത്തോളം കഴിവുള്ള പ്രതിഭ എന്നെ കുറിച്ച് നല്ല വാക്കുകൾ പറഞ്ഞ് കേൾക്കുന്നത് തന്നെ അംഗീകാരമാണ്. അദ്ദേഹത്തെ വിലയിരുത്താനോ പ്രശംസിക്കാനോ എനിക്ക് യോഗ്യതയില്ല.’ ‘കണ്ണെഴുതി പൊട്ടുതൊട്ടിൽ അഭിനയിക്കുമ്പോൾ ഒന്നും അറിഞ്ഞോ മനസിലാക്കിയോ ചെയ്തതല്ല. അവർ അഭിനയിക്കാൻ പറയുമ്പോൾ പറഞ്ഞത് അനുസരിച്ച് ചെയ്തു അത്രമാത്രം’ മഞ്ജു വാര്യർ പറയുന്നുണ്ട്.

ALSO READ

ഇന്റിമേറ്റ് രംഗങ്ങളെ വിമർശിച്ച ആളുകൾ സിനിമ കണ്ടതിന് ശേഷം അവരുടെ തെറ്റ് ധാരണകൾ തിരുത്തി ; ഭർത്താവാണ് തിരക്കഥ വായിച്ച് തന്നോട് ഈ സിനിമയിൽ നീ അഭിനയിക്കണം എന്ന് പറഞ്ഞത് : ദുർഗ കൃഷ്ണ

അഭിനയത്തിനപ്പുറം നിർമ്മാണത്തിലേക്കും കടന്ന മഞ്ജുവിന്റെ ഏറ്റവും പുതിയ റിലീസ് ജാക്ക് ആന്റ് ജില്ലാണ്. ഉറുമിയ്ക്കു ശേഷം സന്തോഷ് ശിവൻ ഒരുക്കിയ മലയാള ചിത്രവുമാണ് ജാക്ക് ആന്റ് ജിൽ. മഞ്ജു വാര്യർ, കാളിദാസ് ജയറാം, സൗബിൻ ഷാഹിർ എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. സയൻസ് ഫിക്ഷൻ കോമഡി ഗണത്തിൽപ്പെടുന്ന ചിത്രമാണ്. ഗോകുലം ഗോപാലൻ, സന്തോഷ് ശിവൻ, എം.പ്രശാന്ത് ദാസ് എന്നിവർ ചേർന്നാണ് നിർമ്മാണം നിർവഹിച്ചിരിയ്ക്കുന്നത്.

Advertisement