നയൻതാരയും പ്രതിശ്രുത വരനും ചലച്ചിത്ര നിർമ്മാതാവുമായ വിഗ്‌നേഷ് ശിവനും സെപ്റ്റംബർ 27 രാവിലെ ആന്ധ്രയിലെ തിരുമല തിരുപ്പതി ക്ഷേത്രത്തിൽസന്ദർശനം നടത്തി. അടുത്തിടെ നയൻതാര വിഘ്നേഷിന്റെ 36 -ാം പിറന്നാളിന് ഒരു സർപ്രൈസ് പാർട്ടി നൽകിയത് വാർത്തയായിരുന്നു. ഇരുവരുടെയും സന്ദർശനത്തിന്റെ വീഡിയോ സോഷ്യൽ മീഡിയയിൽ തരംഗം സൃഷ്ടിക്കുകയാണിപ്പോൾ.
വിഗ്‌നേഷ് വെള്ള ഷർട്ടും മുണ്ടും ധരിച്ചപ്പോൾ നയൻസ് ദുപ്പട്ടയോടുകൂടിയ മനോഹരമായ നീല അനാർക്കലിയാണ് അണിഞ്ഞിരുന്നത്. വിഗ്‌നേഷ് ഒരു മറൂൺ, സ്വർണ്ണ നിറത്തിലുള്ള ദുപ്പട്ടയും ധരിച്ചിട്ടുണ്ട്. അവർ മാസ്‌ക് കൊണ്ട് മുഖം മറച്ചിരുന്നു. തിരുമല തിരുപ്പതി ക്ഷേത്രത്തിൽ നിന്നുള്ള നയൻതാരയുടെയും വിഘ്നേഷ് ശിവന്റെയും നിരവധി വീഡിയോകളും ചിത്രങ്ങളും അവരുടെ ഫാൻ പേജുകളിലൂടെ സോഷ്യൽ മീഡിയയിൽ പങ്കിട്ടു.
ALSO READ
Ladysuperstar Nayanthara visited Thirumala Thirupathi temple earlier today ❤ #LadySuperstar #Nayanthara pic.twitter.com/oTKgqc48ev
— N Café (@NayanCafe) September 27, 2021
നയൻതാര അടുത്തിടെ വിജയ് ടെലിവിഷനിൽ തന്റെ സിനിമയായ നെട്രിക്കൺ പ്രൊമോട്ട് ചെയ്യവേ വിഗ്‌നേഷ് ശിവനുമായി വിവാഹനിശ്ചയം നടത്തിയ കാര്യം വെളിപ്പെടുത്തിയിരുന്നു. അഭിമുഖത്തിൽ നയൻതാരയോട് അവരുടെ വിവാഹമോതിരത്തെക്കുറിച്ച് ചോദ്യമുണ്ടായി. അത് വിവാഹനിശ്ചയ മോതിരമാണെന്നും അത് അടുത്തിടെ സംഭവിച്ചതാണെന്നും അവർ സ്ഥിരീകരിച്ചു.
വിഗ്‌നേഷ് ശിവനുമായുള്ള വിവാഹത്തെക്കുറിച്ചും നയൻതാര പറഞ്ഞു. ‘ഇത് എന്റെ വിവാഹനിശ്ചയ മോതിരമാണ്. ഞങ്ങൾ സ്വകാര്യത ഇഷ്ടപ്പെടുന്ന വ്യക്തികളാണ്, അതിനാൽ ഒരു വലിയ ചടങ്ങ് നടത്താൻ ഞങ്ങൾ ആഗ്രഹിച്ചില്ല.
ALSO READ
വിവാഹം കഴിക്കാൻ തീരുമാനിക്കുമ്പോൾ, ഞങ്ങൾ തീർച്ചയായും ഞങ്ങളുടെ ആരാധകരെ അറിയിക്കും. ഞങ്ങളുടെ അടുത്ത കുടുംബത്തിന്റെ സാന്നിധ്യത്തിൽ ഞങ്ങളുടെ വിവാഹനിശ്ചയം നടന്നു എന്നും താരം പറഞ്ഞിരുന്നു. വിവാഹത്തെക്കുറിച്ച് ഞങ്ങൾ ഇതുവരെ തീരുമാനിച്ചിട്ടില്ല.’
സിനിമയുടെ കാര്യത്തിൽ, വിഗ്‌നേഷ് ശിവനും നയൻതാരയും ചേർന്ന് ‘കാത്തുവാകുല രണ്ട് കടൽ’ എന്നൊരു ചിത്രത്തിനായി ഒത്തുചേരുകയാണ്. ചിത്രത്തിൽ വിജയ് സേതുപതിയും സമാന്ത അക്കിനേനിയും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കോവിഡിന്റെ പാശ്ചാത്തലത്തിൽ നിലവിൽ ഷൂട്ടിംഗ് നിർത്തിയിരിയ്ക്കുകയാണ്.
