ചെന്നൈ: ഇളയ ദളപതി എന്ന് ആരാധകർ സ്‌നേഹത്തോടെ വിളിക്കുന്ന താരമാണ് തമിഴ്‌നടൻ വിജയ്. തമിഴ്‌നാട്ടിൽ മാത്രമല്ല, കേരളത്തിലും ഒരുപാട് ആരാധകരുള്ള താരമാണ് അദ്ദേഹം.
Advertisements
സിനിമക്കു പുറത്തും ആരാധകർ നെഞ്ചേറ്റിയ താരം വീണ്ടും കാരുണ്യപ്രവൃത്തിയിലൂടെ മാതൃകയാകുകയാണ്.
തമിഴ്‌നാട്ടിലെ ഓട്ടോ ഡ്രൈവർ സംഘത്തിന് സദ്യ ഒരുക്കിയാണ് വിജയ് ഇത്തവണ കൈയടി നേടുന്നത്. അന്താരാഷ്ട്ര തൊഴിലാളി ദിനത്തിൻറെ ഭാഗമായി ആയിരുന്നു ഈ നൻമ പ്രവൃത്തി.
തെരഞ്ഞെടുപ്പു സമയമായതിനാൽ പരിപാടി നീട്ടിവെയ്ക്കുകയായിരുന്നു. സദ്യയുണ്ട്, കൈ നിറയെ സമ്മാനങ്ങളും വാങ്ങിയാണ് ഇവർ മടങ്ങിയത്.
വിജയ്ക്കു വേണ്ടി സെക്രട്ടറി ബസി ആനന്ദ് ആണ് പരിപാടിക്കു നേതൃത്വം നൽകിയത്. ഷൂട്ടിങ്ങ് തിരക്കിലായതിനാൽ വിജയ് സ്ഥലത്തെത്തിയില്ല.
Advertisement
