നടി ശരണ്യയുടെ വേർപാടും അതിനെ ചുറ്റിപ്പറ്റിയുള്ള ചർച്ചകളും ആണ് സോഷ്യൽ മീഡിയയിൽ നടക്കുന്നത്. ഇതിനിടയിലാണ് ശരണ്യയുടെ മുൻ ഭർത്താവിന്റെ കുടുംബത്തെക്കുറിച്ചും ചർച്ച ചെയ്യപ്പെടുന്നത്. അത് ഏറ്റവും ഒടുവിൽ ചെന്നെത്തിയത് സോഷ്യൽമീഡിയയിലെ വൈറൽ ഡാൻസ് മുത്തശ്ശിയുമായി ബന്ധപ്പെട്ടാണ്. ഒരു താര കുടുംബത്തിലാണ് ശരണ്യ വലതുകാൽ വച്ച് ചെന്നെത്തിയത് എന്ന് അഭിമാനത്തോടെയും ആശ്ചര്യത്തോടെയും ആണ് ആരാധകർ പറയുന്നത്.
ശരണ്യയുടെ അസുഖവിവരം അറിഞ്ഞുകൊണ്ടുതന്നെനയാണ് ശ്യാമള സേവ്യറിന്റെ മകൻ ശരണ്യയെ വിവാഹം ചെയ്തത്. പിന്നീട് സംഭവിച്ചത് അവരുടെ സ്വകര്യ വിഷയങ്ങൾ ആണ് താനും. ഇതിനിടയിലാണ് സോഷ്യൽമീഡിയയിലെ വൈറൽ ഡാൻസ് മുത്തശ്ശി ശ്യാമള സേവ്യർ എന്ന ആർ.എൽ.വി ശ്യാമളയും കുടുംബവും ചർച്ചചെയ്യപ്പെടുന്നതും.
ALSO READ
ശ്യാമള സേവ്യർ എന്ന ആർ.എൽ.വി ശ്യാമള അറുപത് വയസിന് ശേഷമാണ് അഭിനയരംഗത്തേക്ക് എത്തുന്നത്. പ്രമുഖ നടി സുഹാസിനിക്കൊപ്പമുള്ള പരസ്യചിത്രത്തിലൂടെയായിരുന്നു അഭിനയരംഗത്തേക്കുള്ള വരവ്. അടുത്തിടെ അനു സിത്താരയായും ആയി പങ്കിട്ട നൃത്ത രംഗങ്ങൾ ഏറെ വൈറലായിരുന്നു.
ഏറ്റവും ഒടുവിൽ ശ്യാമള അനു സിത്താരയ്ക്ക് ഒപ്പം എത്തിയ നിമിഷങ്ങൾ ആണ് വൈറലായി മാറിയത്. ‘കണ്ണെഴുതി പൊട്ടും തൊട്ട്’ എന്ന ചിത്രത്തിൽ എം.ജി. രാധാകൃഷ്ണന്റെ സംഗീതത്തിൽ എം.ജി.ശ്രീകുമാർ ആലപിച്ച ‘ഹരിചന്ദന മലരിലെ’ എന്ന പാട്ടിനൊപ്പമാണ് അനു സിത്താരയുടെയും ശ്യാമളയുടെയും നൃത്തം വൈറലായത്. പ്രാചി തെഹ്ലാൻ, രഞ്ജിനി ജോസ്, മുന്ന സൈമൺ, ശ്രിന്ദ, അഞ്ജു കുര്യൻ തുടങ്ങി നിരവധി പ്രമുഖർ ആണ് പ്രതികരണം നടത്തിയത്.
പ്രായം തളർത്താത്ത ചുറുചുറുക്കുമായി എത്തിയ ശ്യാമളക്ക് നിറഞ്ഞ സ്വീകരണമാണ് സോഷ്യൽ മീഡിയ നൽകിയത്. തീർത്തും അതിശയിപ്പിച്ചുകൊണ്ടായിരുന്നു ശ്യാമളയുടെ ഡാൻസ് ചുവടുകൾ. മോഹൻലാൽ അടക്കമുള്ള പ്രമുഖർക്കൊപ്പമുള്ള ചിത്രങ്ങളും വീഡിയോയും ശ്യാമളയുടെ സോഷ്യൽ മീഡിയ പേജിലുണ്ട്.
തൃപ്പൂണിത്തുറ ആർ.എൽ.വി കോളേജിൽ നിന്ന് 1969 മുതൽ 75 കാലഘട്ടത്തിൽ ഭരതനാട്യം ഡിപ്ലോമയും പോസ്റ്റ് ഡിപ്ലോമയും ചെയ്തിട്ടുണ്ട് ശ്യാമള. ശേഷം ചിന്മയ മിഷൻ സ്കൂളിലും ആംഗ്ലോ ഇന്ത്യൻ സ്കൂളിലും കേന്ദ്രീയവിദ്യാലയത്തിലുമെല്ലാം നൃത്താധ്യാപികയായി ജോലി നോക്കിയ ശേഷമാണു മകൻ ബിജു ട്രൂപ്പ് തുടങ്ങിയപ്പോൾ അതിൽ ചേരുന്നത്.
പരസ്യചിത്രത്തിലൂടെയായിരുന്നു അഭിനയരംഗത്തേക്കുള്ള ശ്യാമളയുടെ വരവ്. അവിടെ എല്ലാവരുടേയും മികച്ച പിന്തുണ ലഭിച്ചപ്പോൾ വളരെയധികം സന്തോഷം തോന്നിയെന്ന് മാതൃഭൂമി ന്യൂസിനോട് മുൻപൊരിക്കൽ ശ്യാമള പറഞ്ഞിട്ടുണ്ട്. ഈ മേഖലയിൽ കൂടുതൽ എന്തെങ്കിലും ചെയ്യണമെന്ന് തോന്നിയത് അപ്പോഴാണെന്നും അന്നവർ പറഞ്ഞിട്ടുണ്ട്.
ALSO READ
സന്തോഷം പങ്കു വച്ച് നാദിർഷയുടെ പോസ്റ്റ് ; ദൈവം മഹാനാണെന്ന് താരം
സുഹാസിനിക്ക് ഒപ്പമുള്ള അരങ്ങേറ്റത്തിന് ശേഷം ഇരുപത്തഞ്ചോളം പരസ്യചിത്രങ്ങളിൽ ഈ കലാകാരി ഇതിനോടകം അഭിനയിച്ചുകഴിഞ്ഞു. ആസിഫ് അലി നായകനായ കുഞ്ഞെൽദോ, വിജയ് ബാബു ചിത്രം വാലാട്ടി, നെറ്റ്ഫ്ളിക്സിന്റെ ഹിന്ദി വെബ് സീരീസിലും ഒരു കൈ നോക്കിയ ശ്യാമള മിനി സ്ക്രീനിലും തിളങ്ങിയ നടിയാണ്.
ശ്യാമളക്ക് ബിനു സേവ്യർ, ബിജു സേവ്യർ എന്നീ രണ്ടു ഇരട്ടക്കുട്ടികൾ ആണ്. അതിൽ ബിനുവാണ് അന്തരിച്ച നടി ശരണ്യയുടെ മുൻ ഭർത്താവ്. ഇപ്പോൾ അദ്ദേഹം രണ്ടാമതും വിവാഹിതനാണ്. നൃത്തസംവിധായകൻ ആണ് ബിജു സേവ്യർ എന്ന ബിജു ധ്വനിതരംഗ്.