നിരവധി സൂപ്പര്‍ഹിറ്റുകള്‍ ഒരുക്കി മലയാള സിനിമയലെ സൂപ്പര്‍ സംവിധായകനായി മാറിയ വ്യക്തിയാണ് ലാല്‍ജോസ്. സ്വതന്ത്ര സംവിധായകന്‍ ആകുന്നതിന് മുന്‍പ് തന്നെ ലാല്‍ജോസ് സിനിമയില്‍ പ്രശസ്തനായിരുന്നു.
തന്റെ ആദ്യ ചിത്രമായ ഒരു മറവത്തൂര്‍ കനവ് എന്ന സിനിമ ചെയ്യും മുന്‍പേ ലാല്‍ജോസ് എന്ന സംവിധായകന്‍ വലിയ രീതിയില്‍ മലയാള സിനിമയില്‍ അറിയപ്പെട്ടിരുന്നു. പ്രേക്ഷകര്‍ക്കിടയില്‍ ലാല്‍ജോസ് ഒരു വലിയ താരമായില്ലെങ്കിലും സിനിമാക്കാര്‍ക്കിടയില്‍ ലാല്‍ജോസ് എന്ന സംവിധായകന്‍ ശരിക്കുമൊരു ഹീറോ ആയിരുന്നു.
സിനിമയില്‍ സജീവമായ അദ്ദേഹം ഇതിനോടകം ഒത്തിരി ഹിറ്റ് ചിത്രങ്ങളാണ് ഒരുക്കിയത്. ഇപ്പോഴിതാ താരദമ്പതികളായ ദിലീപിനെയും കാവ്യയെയും കുറിച്ച് ലാല്‍ പറഞ്ഞ വാക്കുകളാണ് ശ്രദ്ധ നേടുന്നത്.
ലാല്‍ജോസ് സംവിധാനം ചെയ്ത് ചന്ദ്രനുദിക്കുന്ന ദിക്ക് എന്ന ചിത്രത്തിലൂടെയായിരുന്നു കാവ്യ നായികയായി അരങ്ങേറ്റം കുറിച്ചത്. ഒമ്പതാംക്ലാസ്സില്‍ പഠിക്കുകയായിരുന്നു കാവ്യ അന്ന്. ചിത്രത്തിന്റെ സെറ്റില്‍ വെച്ച് ദിലീപ് കാവ്യയോട് ഇഷ്ടപ്പെട്ട നടനാരാണെന്ന് ചോദിച്ചിരുന്നു.
കുഞ്ചാക്കോ ബോബന്‍ എന്നായിരുന്നു കാവ്യയുടെ മറുപടിയെന്നും ഇക്കാര്യം പറഞ്ഞ് തങ്ങള്‍ ദിലീപിനെ കളിയാക്കിയിരുന്നുവെന്നും പുതുമുഖ നായികയ്ക്ക് ഒപ്പം കഷ്ടപ്പെട്ട് അഭിനയിച്ചിട്ടും അവള്‍ക്കിഷ്ടം കുഞ്ചാക്കോ ബോബനെയാണെന്ന് പറഞ്ഞ് കാവ്യയെ ദിലീപും കളിയാക്കിയിരുന്നുവെന്നും ലാല്‍ ജോസ് പറയുന്നു.
