വേറിട്ട കഥാപാത്രങ്ങൾ പരീക്ഷിക്കാൻ ഏറെ ഇഷ്ടമുള്ള നടനാണ് മമ്മൂട്ടി. താരത്തിന്റെ ഈ അടുത്ത് റിലീസ് ചെയ്ത ചിത്രങ്ങളിലെ കഥാപാത്രമെല്ലാം അത്തരത്തിൽ ഉള്ളത് ആയിരുന്നു. ഇനി വരാനുള്ള സിനിമയിലെ റോളും അങ്ങനെ ഉള്ളത് തന്നെ. പറഞ്ഞുവരുന്നത് ചിത്രം ഭ്രമയുഗത്തെ കുറിച്ചാണ്.
ചിത്രം റിലീസിന് അടുക്കുമ്പോൾ ഇപ്പോൾ സിനിമാസ്വാദകർ ഒന്നടങ്കം ഉന്നയിച്ച ചോദ്യങ്ങൾക്ക് ഉത്തരവുമായി എത്തിയിരിക്കുകയാണ് മെഗാസ്റ്റാർ.
also read
ഒരു അച്ഛനും അമ്മയും പെര്‍ഫക്ട് അല്ല; കുട്ടികളെ എങ്ങനെ ഹാന്റില്‍ ചെയ്യാം എന്നതിനെ കുറിച്ച് പേളി
ചിത്രം പ്രഖ്യാപിച്ചത് മുതൽ, ഇത് ബ്ലാക് ആൻഡ് വൈറ്റ് പടമാണോ എന്ന ചോദ്യം ഉയർന്നിരുന്നു. പ്രമോഷൻ മെറ്റീരിയലുകളിലും ഈ കോമ്പിനേഷൻ ആയിരുന്നു. ഈ ചോദ്യത്തിനാണ് ഇപ്പോൾ മമ്മൂട്ടിയും സംഘവും മറുപടി പറഞ്ഞ് രംഗത്ത് എത്തിയത്.
ഭ്രമയുഗം ബ്ലാക് ആൻഡ് വൈറ്റിൽ തന്നെയാകും തിയറ്ററിൽ എത്തുകയെന്ന് മമ്മൂട്ടി അറിയിച്ചു. പിന്നാലെ ചിത്രത്തിലെ മറ്റൊരു പോസ്റ്ററും പുറത്തിറക്കി.
ഇന്നത്തെ കാലത്ത് ബ്ലാക് ആൻഡ് വൈറ്റിൽ സിനിമ പുറത്തിറക്കുന്നത് വലിയൊരു പരീക്ഷണമാണ്. അതിന് ധൈര്യം കാണിച്ച അണിയറ പ്രവർത്തകർക്ക് പ്രശംസയുമായാണ് ആരാധകരെത്തുന്നത്. ‘ബ്ലാക്ക് & വൈറ്റ് ഒരു ഭ്രമിപ്പിച്ചു ഭയപ്പെടുത്തുന്ന എക്‌സ്പിരിമെന്റായിരിക്കും. തീർത്തും ധൈര്യമുള്ള പരീക്ഷണം,എന്റെ യഹമരസ മിറ ംവശലേ മനക്കലേക്ക് സ്വാഗതം, എങ്കി കളറാകും, കറുപ്പിലും വെളുപ്പിലും വിസ്മയിപ്പിച്ച് ഭ്രമിപ്പിക്കുന്ന ഭ്രമയുഗം കാണാൻ കട്ടക്കാത്തിരിപ്പ്, ഒന്നും നോക്കാതെ മമ്മൂക്ക ഇത് ഏറ്റെടുക്കില്ല എന്നറിയാം..അതുകൊണ്ട് ഞങ്ങൾക്ക് നല്ല പ്രതീക്ഷയുണ്ട്, മഹാനടൻറെ രാക്ഷസ നടനത്തിനായി കാത്തിരിക്കുന്നു’, എന്നിങ്ങനെ പോകുന്നു കമന്റുകൾ.
