പനാജി: യുവതിയെ മൂന്നു പേര്‍ ചേര്‍ന്ന് കാമുകന്റെ മുന്നിലിട്ട് കൂട്ടബലാത്സംഗത്തിനിരയാക്കി. തെക്കന്‍ ഗോവയിലെ ബീച്ചിലാണ് യുവതിയെ അതിക്രൂര പീഡനത്തിനിരയാക്കിയത്. ബലാത്സംഗത്തിനിരയാക്കിയതിനു ശേഷം ഇരുവരെയും നഗ്‌നരാക്കി ചിത്രങ്ങള്‍ പകര്‍ത്തുകയും ഇവരില്‍ നിന്ന് പണം ആവശ്യപ്പെടുകയും ചെയ്തു.
സെര്‍നാബാട്ടിം ബീച്ചില്‍ വ്യാഴാഴ്ച രാത്രിയാണ് സംഭവമുണ്ടായത്. കപ്പിള്‍സിനെ ബീച്ചില്‍ ആക്രമിച്ച സംഘത്തെ തിരിച്ചറിഞ്ഞിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. ഇരുവരെയും നഗ്‌നരാക്കി, ചിത്രങ്ങള്‍ പകര്‍ത്തിയതിനു ശേഷം പണം ആവശ്യപ്പെടുകയായിരുന്നു. പിന്നാലെ മൂന്നു പേര്‍ ചേര്‍ന്ന് യുവതിയെ കൂട്ടബലാത്സംഗത്തിനിരയാക്കി.
യുവതിയെ മെഡിക്കല്‍ പരിശോധനയ്ക്ക് വിധേയയാക്കി, റിപ്പോര്‍ട്ടിനായി കാത്തിരിക്കുകയാണെന്നും സൗത്ത് ഗോവ എസ്പി അരവിന്ദ് ഗവാസ് വ്യക്തമാക്കി. കേസില്‍ സംശയിക്കുന്ന നിരവധി പേരെ ചോദ്യം ചെയ്തുവരികയാണ്.
